MMM

Vikipediya, açıq ensiklopediya
Jump to navigation Jump to search
Şirkətin loqosu

"MMM" Səhmdar CəmiyyətiRusiyanın ən iri maliyyə piramidalarından biri.

Tarixi[redaktə | əsas redaktə]

1992-ci ildə Sergey Mavrodi tərəfindən qeydiyyatdan keçirilmişdir.

Məqsədi[redaktə | əsas redaktə]

Şəxsi səhmlərinin mübadiləsi üçün əhalinin pul gəlirlərinin qəbul edilməsi üzərində ixtisaslaşmışdı.

Adının mənası[redaktə | əsas redaktə]

MMM adındakı 3 "M" hərfi Sergey Mavrodi, onun qardaşı Vyaçeslav Mavrodi və həyat yoldaşı Olqa Melnikovanın soyadlarının baş hərflərindən götürülmüşdür.

Yüksəliş dövrü[redaktə | əsas redaktə]

Şirkət fəaliyyət göstərdiyi 5 il ərzində onun 10-15 milyon nəfər iştirakçısı olmuş; bu müddətdə 27 milyon səhm və 72 milyon bilet hazırlamışdı. İnkişaf etdiyi dövrdə gəliri ayda 200% olmuşdur.

İflası[redaktə | əsas redaktə]

1994-cü ilin yayında mətbuatda belə bir məlumat yayıldı ki, Rusiyanın Vergilər Xidməti və Vergi Polisi "MMM"in strukturlarından birini yoxlarkən şirkətdə "vergi qanunvericiliyinin kobud şəkildə pozulması" faktlarını aşkar etmiş və şirkətə 49,4 milyard rubl cərimə təyin etmişlər. Lakin Sergey Mavrodi cəriməni ödəməkdən imtina etmişdir. Nəticədə vergi orqanları ilə aralarında münaqişəyə və əmanətçilər arasında panika yaranmışdır. Onlar tez bir zamanda səhm və biletləri satmağa başladılar. Nəticədə avqustun 4-də şirkətin qiymətli kağızlarının kursu 100 dəfə aşağı düşdü və şirkət iflasa uğradı.

1997-ci ilin sentyabrında Moskva Arbitraj Məhkəməsinin qərarı ilə "MMM" iflas elan edilmişdir. Onun yaradıcısı Sergey Mavrodi isə 2007-ci ildə 4,5 il müddətinə azadlıqdan məhrum edilmişdir. Moskva hakimləri bu "maliyyə piramidası"nın yaradıcısından cəmi 18,7 milyon rubl ala bilmişdir ki, bu məbləğ aldadılan əmanətçilərə dəyən zərəri ödəyə bilməmişdir. Məhkəmə icraçılarının verdikləri məlumata görə, "MMM"in əmanətçilərə olan ümumi borcu 5 milyard rubl dəyərində qiymətləndirilir.

Mənbə[redaktə | əsas redaktə]