Mahir Mədətov

Vikipediya, açıq ensiklopediya
Jump to navigation Jump to search
Futbol
Mahir Mədətov
Mahir Medetov.jpg
Mahir Anar oğlu Mədətov
Ümumi məlumat
Tam adı Mahir Anar oğlu Mədətov
Ləqəbi El Ferrari
Doğum tarixi 1 iyul 1997 (1997-07-01) (20 yaş)
Doğum yeri Bakı, Azərbaycan Respublikası
Vətəndaşlıq Flag of Azerbaijan.svg Azərbaycan
Boyu 188 sm
Çəkisi 78 kq
Mövqeyi Hücumçu
Komanda haqqında məlumat
Klub Qarabağ FK
Nömrəsi 11
Karyerası
Peşəkar karyerası*
2014-2015 Flag of Azerbaijan.svg Bakı FK (20) (1)
2015-h.h Flag of Azerbaijan.svg Qarabağ FK (77) (21)

* Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı .


Mahir Mədətov (Mahir Anar oğlu Mədətov; d. 1 iyul 1997, Bakı, Azərbaycan) — Azərbaycanlı futbolçu, 21 yaşlılardan ibarət Azərbaycan milli futbol komandasının və Qarabağ FK klubunun Hücumçu mövqeyində oynayır. Bakı Futbol Klubunun yetirməsi olan Mahir Mədətov uzun müddət klubun aşağı yaş qruplarında və əvəzedici heyətində oynayıb. 2015-ci ildən Qarabağda çıxış edən futbolçu 2 dəfə Azərbaycan Premyer Liqasının və Azərbaycan Kubokunun qalibi olub.

Həyatı[redaktə | əsas redaktə]

Mahir Mədətov 1 iyul 1997-ci ildə Bakı şəhərində anadan olub. Təhsilə 2003-cü ildə Bakı şəhəri 160 nömrəli orta məktəbdə başlayıb. 3 il orada təhsil aldıqdan sonra 1 il müddətində Dünya məktəbində, daha sonra 3 il də Ankara litseyində təhsilini davam etdirmişdir. Sonda isə 47 nömrəli məktəbdən məzun olmuşdur. Futbola 2007-ci ildə 10 yaşında Bakı futbol klubunda başlamış, 2014-cü ilə qədər də Bakı klubunun müxtəlif yaş qruplarında və əsas heyətində oynayıb. Aşağı yaş qruplarında oynayarkən Bakı klubun Atletiko Madrid və Lans klubları ilə əməkdaşlıqları çərçivəsində bu klubların akademiyasında olmuş və məşqlərdə iştirak etmişdir.[1] Mahir Mədətov məşhur prodüser Anar Mədətovun oğludur.

Klub karyerası[redaktə | əsas redaktə]

2014-2015[redaktə | əsas redaktə]

2014/15 mövsümünü "Bakı"nın heyətində çıxış edib. Daha əvvəllər Bakı klubunun aşağı yaş qruplarında çıxış etsədə professional olaraq 2014-cü ildən əsas heyətdə oynamağa başlayıb. Bakı klubunun əsas komandasında debüt oyunu 27 sentyabr 2014-cü il Premyer Liqada Araz Naxçıvanla oyuna təsadüf edib.[2] Əsas heyətdə cəmi 19 oyun keçirib və 1 qol vurub. Bakı klubunda yarımmüdafiəçi mövqeyində oynayıb.

2015-dən sonra[redaktə | əsas redaktə]

Bakı klubunda və 19 yaşlılardan ibarət milli komandanın heyətində "Valentin Qranatkinin xatirəsinə həsr olunmuş beynəlxalq turnir"də sərgilədiyi oyunla Qarabağ klubunun məşqçilər heyətinin xüsusilə də Qurban Qurbanovun diqqətini cəlb edən Mahir Mədətov 2015-ci ildə Qarabağ klubuna transfer olunub.[3] İlk oyunlarda ehtiyatda qalan Mahir daha sonra əsas heyətdə meydana çıxmağa başlayıb və Qarabağın heyətində rəsmi görüşlərdə debüt oyunu 23 avqust 2015-ci il tarixində Azal ilə Premyer Liqa oyununa təsadüf edib. Meydana çıxdığı ilk oyundaca rəqib qapısına yol tapmağı bacarıb.[4] Bakı klubunda daha çox yarımmüdafiəçi mövqeyində çıxış edən futbolçu Qarabağda Qurban Qurbanov tərəfindən hücumçu mövqeyində oynadılır.

Statistika[redaktə | əsas redaktə]

Mənbə:[5][6]


Klub Çempionat Mövsüm Liqa Kubok Avropa CƏMİ
Oyun Qol Oyun Qol Oyun Qol Oyun Qol
Bakı FK Azərbaycan Çempionatı 2014/15 16 0 4 1 0 0 20 1
Qarabağ FK Azərbaycan Çempionatı 2015/16 16 7 5 1 1 0 22 8
2016/17 20 3 5 3 5 0 30 6
2017/18 12 6 2 0 11 1 25 7

Milli komanda karyerası[redaktə | əsas redaktə]

UEFA yarışlarında milli komanda səviyyəsində debüt oyunu 19 oktyabr 2012-ci iidə 17 yaşlılardan ibarət millimizin İspaniya ilə oyununda qeydə alınıb. [7]

Bakı klubunda göstərdiyi oyunla 19 yaşlılardan ibarət millinin baş məşqçisi Nikolay Adamın diqqətini cəlb edən Mahir Mədətov 24 iyul 2014-cü ildə milliyə dəvət olunur.[8] U19 Azərbaycan millisinin heyətində 2014 və 2015-ci illər Avropa Çempionatı Seçmə mərhələsində, 2014 -cü ildə Avropa Çempionatı Elit Roundda həmçinin Valentin Qranatkinin xatirəsinə həsr olunmuş turnirdə çıxış edib. Mahir Mədətovun U19 millisinin heyətində ilk rəsmi debüt oyunu 10 noyabr 2014-cü il Macarıstanla oyunda qeydə alınıb. [9] 2014-cü il Avropa Çempionatı Seçmə Mərhələsində U19 Azərbaycan millisi Slovakiyanın ardından qrupda 2-ci yerə sahib olaraq elit round mərhələsinə vəsiqə qazanır.[10] Bu seçmə mərhələdə bütün oyunlarda meydanda olan Mahir Mədətov 1 qol vurmağa da müvəffəq olur. Elit round mərhələsində isə bütün oyunlarda millimizi meydana kapitan sarğısı ilə çıxardır.[11]

Mahir Mədətovun ulduzu Valentin Qranatkin Beynəlxalq Turnirində parlamağa başlayır. Bu turnirdə özünü yaxşı tərəfdən göstərir. 6 oyunda 2 qol vurmağı bacarır və sürəti, texnikası ilə bir çox klubların maraq dairəsinə düşür.

2015-ci ildə Qarabağa transfer olunduqdan sonra öz parlaq çıxışını davam etdirən Mahir bu dəfə 21 yaşlılardan ibarət Azərbaycan milli komandasına dəvət olunur. U21 millisinin heyətində debüt oyunu 24 mart 2016-cı ildə Avropa Çempionatı 2017 Seçmə mərhələsi çərçivəsində Rusiyalı həmyaşıdları ilə oyuna təsadüf edir. Mahir Mədətov U21 millisinin heyətində də elə ilk oyununda qol vurmağı bacarır. [12]

Hazırda U21 millisinin heyətində çıxışını davam etdirəm Mahir Mədətovun əsas istəklərindən biri də əsas milli komandamızın heyətində forma geyməkdir.

MİLLİ TURNİR Mövsüm Oyun QOL
AZƏRBAYCAN U19 Avropa Çempionatı Seçmə Mərhələsi 2014 2014/15 3 1
Avropa Çempionatı Elit Round 2015/16 3 0
Valentin Qranatkin Beynəlxalq Turniri 2014/15 5 2
Avropa Çempionatı Seçmə Mərhələsi 2015 2015/16 2 0
AZƏRBAYCAN U21 Avropa Çempionatı Seçmə Mərhələsi 2017 2016/17 2 2
AZƏRBAYCAN U23 İslam Həmrəyliyi Oyunları 2017 2017 5 2

Uğurlar[redaktə | əsas redaktə]

Qarabağ FK

Qalib : (2) 2015/16 , 2016/17

Qalib  : (2) 2015/16 , 2016/17

Qalib  : (1) 2017

İstinadlar[redaktə | əsas redaktə]

  1. Bakı FK (8 yanvar 2014). "Mahir Mədətov Atletiko Madrid və Lans Akademiyasında" (az). fcbaku.com. http://www.fcbaku.com/index.php?page=news&view=590. İstifadə tarixi: 2016-05-08.
  2. Rafael İbadov (30 sentyabr 2014). "Gənclər danışdı" (az). fcbaku.com. http://www.fcbaku.com/index.php?page=news&view=845. İstifadə tarixi: 2016-05-08.
  3. qafqazinfo (16.07.2015). "Məşhur Prodüserin oğlu Qarabağa transfer olundu" (az). qafqazinfo.az. http://www.qafqazinfo.az/idman-9/meshur-produserin-oglu-qarabag-a-transfer-olundu-118148. İstifadə tarixi: 2016-05-08.
  4. rekord.az (24.08.2015). "Mahir Mədətovun Qarabağda ilk qolu" (az). rekord.az. http://rekord.az/news/p:29357. İstifadə tarixi: 2016-05-08.
  5. PFL (29.05.2015). "Oyunçu Statistikası 2014/15" (az). pfl.az. http://www.pfl.az/files/0oyuncu23.pdf. İstifadə tarixi: 2016-05-08.
  6. PFL (29.05.2015). "Oyunlar 2015/16" (az). pfl.az. http://www.pfl.az/games?tur=33. İstifadə tarixi: 2016-05-08.
  7. UEFA (19.10.2012). "UEFA yarışlarında debüt" (az). uefa.com. http://www.uefa.com/under21/season=2017/teams/player=250056341/. İstifadə tarixi: 2016-05-08.
  8. Bakı FK (24 iyul, 2014). "U19-a dəvət" (az). fcbaku.com. http://www.fcbaku.com/index.php?page=news&view=819. İstifadə tarixi: 2016-05-08.
  9. AFFA (10.11.2014). "Macarıstan U19-Azərbaijan U19" (az). affa.az. http://www.affa.az/index.php/matches/azrbaycan-u-19/54940?mt=latest. İstifadə tarixi: 2016-05-08.
  10. AFFA (15.11.2015). "U19 Avropa Çempionatı Seçmə Mərhələ 2014" (az). affa.az. http://www.affa.az/index.php/milli-komandalar/azrbaycan-u-19/sem-mrhllr/a-nin-ilkin-sem-mrhlsi/2778#. İstifadə tarixi: 2016-05-08.
  11. AFFA (08.05.2015). "U19 Oyunlar,Nəticələr" (az). affa.az. http://www.affa.az/index.php/milli-komandalar/azrbaycan-u-19/oyunular/967. İstifadə tarixi: 2016-05-08.
  12. AFFA (24.03.2016). "Russiya U21-Azərbaycan U21" (az). affa.az. http://www.affa.az/index.php/matches/azrbaycan-u-21/54822?mt=latest. İstifadə tarixi: 2016-05-08.

Vikianbarda Mahir Mədətov ilə əlaqəli mediafayllar var.