Manaf Ağayev

Manaf Ağayev
Manaf Ağayev
Ümumi məlumatlar
Doğum tarixi	26 aprel 1965 (60 yaş)
Doğum yeri	Şıxlı (Füzuli), Füzuli rayonu, Azərbaycan SSR, SSRİ;
Musiqiçi məlumatları
Fəaliyyəti	müğənni
Fəaliyyət illəri	1980-ci ildən

Manaf Novruz oğlu Ağayev (26 aprel 1965, Şıxlı (Füzuli), Füzuli rayonu) — azərbaycanlı müğənni.

Həyatı və fəaliyyəti

Manaf Ağayev 1964-cü il aprel ayının 26-da Füzuli rayonunun Şıxlı kəndində anadan olmuşdur. Orta təhsilini də məhz Füzuli rayonunda alıb. Musiqiyə həvəsi uşaqlıqdan yaranıb. Məktəb illərində müxtəlif musiqi müsabiqələrində, festivallarda, eləcə də "Füzuli Mədəniyyət Evi"ndə bir sıra uğurlu çıxışları olub.

Orta məktəbi bitirdikdən sonra 1982–84-cü illərdə hərbi xidmətdə olub.

1988-ci ildə Azərbaycan Dövlət Mədəniyyət və İncəsənət universitetinin "Mədəni-Maarif" fakültəsinə daxil olub.

İlk albomu 1996-cı ildə işıq üzü görüb və ardıcıllıqla hər il yeni albomlar buraxıb. Bakıda, Sumqayıtda və eləcə də bir sıra xarici ölkələrdə konsert proqramları ilə çıxış edib.

2002-ci ildə Manaf Ağayevə həsr edilmiş "Vətənə getməyim gəlir" adlı kitab işıq üzü görüb.

Ən uğurlu nailiyyətlərindən biri 2009-cu ildə ANS TV-də yayımlanan "Toylar kralı" adlı yarışmanın qalibi olmasıdır.

Evlidir, 3 övladı var.

İstinadlar

Xarici keçidlər