Marina Bay Sands

Vikipediya, açıq ensiklopediya
Jump to navigation Jump to search
Marina Bay Sands
Marina Bay Sands
Marina Bay Sands binasının körfəzdən görünüşü
Marina Bay Sands binasının körfəzdən görünüşü
Ölkə Sinqapur
Şəhər Sinqapur
Koordinatları 1°17′02″ şm. e. 103°51′32″ ş. u
Memarı Moşe Safdi
Memarlıq quruluşu modern
Tikilmə tarixi 2010
Mərtəbə sayı 55
Smeta dəyəri 8 milyard
Aidiyyatı Las Vegas Sands Corp
Status Otel və kazino
Marina Bay Sands — yerləşdiyi ərazi Sinqapur
Marina Bay Sands
Marina Bay Sands

Koordinatlar: 1°17′2″N 103°51′32″E / 1.28389°N 103.85889°E / 1.28389; 103.85889

Marina Bay Sands — Sinqapurun Mərkəzi rayonunda, Marina Bay körfəzi sahilində yerləşən otel və kazino. Ssangyong Engineering & Construction şirkəti tərəfindən tikilmiş, sifarişçi isə Las Vegas Sands qrupudur.

Ümumi məlumat[redaktə | əsas redaktə]

2010-cu ildə istifadəyə verilən bu tikili qısa zamanda Sinqapurun simvoluna çevrildi. Marina Bay Sandsın diqqət çəkən cəhtlərindən biri 191 metr hündürlükdə geniş müşahidə meydançasına və hovuza malik olmasıdır. Məhz bu ərazidən Marina Bay körfəzinə və şəhərin digər göydələnlərinə gözəl mənzərə açılır.[1]. Tikili dünyada torpaq sahəsinin çəkilən xərci ilə birlikdə ən bahalı kazino hesab olunur[2][3].

Üç binadan ibarət olan Marina Bay Sandsda 2561 otaqlıq otel, 120000 kvadrat metr sahəyə malik konqress-sərgi mərkəzi, 74000 kv.m-lik Marina Bay Sands ticarət mərkəzin, muzey, iki böyük teatr, restoranlar, iki üzən istirahət köşkü, buz meydançası, dünyada ən böyük, 500 stolluq və 1600 avtomatlıq atrium kazino yerləşir. Komlpeksdə 340 metr uzunluğa malik SkyPark yerləşir.

Tarixi[redaktə | əsas redaktə]

Otelin tikintisi dörd il sürmüş - 2006-cı ilin ortalarından 2010-cu ilə qədər. Ümumən 8 milyard dollar sərf olunmuşdur. 27 may 2006-cı ildə Las Vegas Sand (LVS) rəsmən lahiyyənin qalibi elan olundu[4]. Las Vegas Sonds tikintinin ilk vaxtlarından elan etdi ki, bu dünyada ən bahalı tikinti lahiyyəsidir və illik gəliri 1 mlyard dollardan az olmayacaq.[5]

Marina Bay Sandsın tikintisini ilk öncə bir dəfəyə 2009-cu ildə yekunlaşdırmağa planlaşdırılırdı[6]. Xərclərin artımı, iqtisadi böhran şirkəti məcbur etdi ki, tikintinin bir neçə mərhələ ilə yekunlaşdırsınlar. İlk açılış 27 aprel 2010-cu ildə baş verdi. Bu qeyri-rəsmi xarakter daşıyırdı. Rəsmi açılış 23 iyun 2010-cu ildə baş tutdu. Yekunlaşdırıcı işlərdən sonra isə, 17 fevral 2011-ci ildə təmtəraqlı açılış oldu.

Kənarsız hovuzun panoraması

Qiymətlər[redaktə | əsas redaktə]

Oteldə qiymət bu tip otellərlə müqayisədə o qədər baha deyil. Ən ucuz nömrənin qiyməti 350 sinqapur dollardı. Junior Suite - 97 kvadrat metrlik yer - 600 dollara başa gəlir. Oteldə bir neçə lyuks (suites) otaqda var - Sands Suites sahəsi 150 kvadrat metr, qiyməti isə 1400 dollardı. Marina Suite (1600$), Presidential Suite və Chairman Suitenin sahəsi daha böyükdür.

Oteldə fitnes, spa, hovuz, onlarca restoran, ticarət mərkəzi, kazino və qolf meydançası ( 3 km oteldən aralı) var. Wi-Fi pulsuzdur. Oteldə qalmayan insanlar 20 dollar ödəyərək binanın damına, müşahidə meyançaına çıxaraq 15 dəqiqə hovuzu və şəhəri müşahidə edə bilərlər. Ancaq hovuzda çimməyə icazə verilmir. Bu xidmət ancaq otelin müştəriləri üçün nəzərdə tutulub[1].

Şəkillər[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Marina Bay Sands ilə əlaqəli mediafayllar var.