Meşə albalısı

Meşə albalısı
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Amygdaleae Cins: Gavalı Növ: Meşə albalısı
Beynəlxalq elmi adı
Prunus mahaleb L., 1753
Şəkil axtarışı ITIS   24789 NCBI   129217 EOL   628570

Meşə albalısı (lat. Prunus mahaleb) — bitkilər aləminin gülçiçəklilər dəstəsinin gülçiçəyikimilər fəsiləsinin gavalı cinsinə aid bitki növü.

Arealı

Təbii halda Orta Avropa, Kiçik Asiyada yayılıb.

Botaniki xarakteristikası

Hündürlüyü 6-7 m-ə çatan, yaşıl və ya açıq-qonur rəngli, nazik zoğları olan ağac və ya koldur. Yarpaqları saplaqlı, yarpaq ayası dəyirmi, yumurtavari, ucu sivri, kənarları mişardişli, səthi çılpaqdır. Çiçəkləri ağ, ətirlidir, qalxanvari salxımlarda yığılmışdır. Meyvəsi 8-10 mm uzunluqda yumurtavari, qaramtıl rəngli çəyirdəkmeyvədir.

Ekologiyası

Daşlı yamaclarda və kollu cəngəlliklərdə bitir. Kölgəyə, istiyə, rütubətə davamlıdır.

Azərbaycanda yayılması

Böyük və Kiçik Qafqazda aşağı, orta dağ qurşaqlarında, Naxçıvanda, Talışda təbii halda rast gəlinir.

İstifadəsi

Bir çox dekorativ formalara malikdir, qrup şəklində qazonlarda və cərgə əkinlərində, yol kənarlarında bəzək bitkisi kimi becərilir.

Sinonimləri

Homotipik sinonimləri

• Cerasus mahaleb (L.) Mill.
• Mahaleb vulgaris Takht.
• Padellus mahaleb (L.) Vassilcz.
• Padus mahaleb (L.) Borkh.
• Padus mahaleb var. typica (Asch. & Graebn.) Buia
• Prunus mahaleb var. typica Fiori
• Prunus mahaleb subsp. typica (Asch. & Graebn.) Pénzes
• Prunus mahaleb proles typica Asch. & Graebn.

Yarımnövləri

• Prunus mahaleb subsp. cupaniana (Guss.) Arcang.
• Prunus mahaleb subsp. mahaleb