Melodram

Vikipediya, açıq ensiklopediya
Keçid et: naviqasiya, axtar

Melodram — ənənəvi dramaturgiya janrıdır. Kinematoqrafiyada xüsusilə geniş yayılmışdır. Kəskin intriqalar, xeyirlə şərin açıq şəkildə üz-üzə qarşılaşdırılması, ideal qəhrəman, iztirab çəkən qadın, məkrli cani, süjetin inkişafını müəyyənləşdirən təsadüfi və qəlbi sarsıdan hadisələr, tamaşaçıların hissləri ilə oynamaq, anlaşıqlı və nəsihətamiz əxlaq dərsləri melodaramın xarekter əlamətləridir.

Melodramda həmişə iki təmayül özünü büruzə verir. Bunlardan biri incəsənətin demokratikləşməsi, möhürlənmiş səhnədən əl çəkməyə cəhd göstərir, insanın real hiss və həyəcanlarının açılmasına meyil edir. Digəri isə bəsit mövzuları, çeynənmiş vəziyyətləri geninə-boluna təkrarlayır, işə keçən sınanmış üsullardan istifadə edir və aşağı səviyyəli tamaşaçıların zövqünü oxşayır.