Mentorluq

Mentorluq — hər hansı ixtisas, peşə və ya sənətdə peşəkar insanın bu sahədə hazırda fəaliyyət göstərən və ya fəaliyyət göstərmək istəyən gənc və ya təcrübəsiz şəxslərlə təcrübələrini bölüşdüyü proses. Mentorluq fəaliyyəti ilə məşğul olan şəxslərə mentor deyilir. Mentorluq fəaliyyətinə aşağıdakılar daxildir:

• Elm, biznes, karyera və s. üçün perspektiv yollar və ya şəxslər ilə tanış etmək;
• Şəxsi narahat edən məsələlər ilə maraqlanmaq və onların məxfiliyini qorumaq;
• Məsələlərlə bağlı obyektiv rəy, irad və təkliflərini vermək;
• Həm uğursuzluqları, həm də müvəffəqiyyətləriylə bağlı təcrübələrini bölüşmək;
• Mövcud performansa təsir edən müsbət və mənfi faktorları, eləcə də onların səbəblərini araşdırmaq və daha çox məhsuldarlıq üçün təkliflər paketi hazırlamaq;
• Qərəzsiz dəstək olmağa çalışmaq;
• İş-həyat balansını qorumağa kömək etmək;
• Davamlı motivasiya dəstəyi vermək və disiplini təmin etmək;
• Davamlı inkişafı təmin etmək üçün əlaqə və şəbəkə ilə təmin etmək.

Mentorluq prosesi zamanı mentorun və mentorluq etdiyi şəxsin bir-birini doğru başa düşməsi, daimi əlaqədə olub bir-birilərinin qarşılıqlı formada müsbət və mənfi tərəflərini bildirmələri hər iki tərəfin doğru inkişafı üçün çox vacibdir.

Tarixi

Mentor sözünün kökləri sözü Homerin "Odisseya" əsərinə qədər gedib çıxır. İtaka kralı Odisseya Troya müharibəsinə gedənkən etibarlı dostu Mentordan oğlu Telemaxa məsləhətlər verməsini və onu öyrətməsini istəyir.

Növləri

• Rəsmi mentorluq
• Qeyri-rəsmi mentorluq
• Virtual mentorluq — fiziki olaraq deyil, internet bağlantısı ilə uzaq məsafədən müxtəlif platformalar üzərindən aparılan mentorluq prosesi.
• Şəxsi mentor
• Qrup üzrə mentor — bir mentorun birdən daha çox şəxs ilə apardığı mentorluq prosesi. Bu qruplar yaş, cinsiyyət, ixtisas və ya başqa onlarla müxtəlif kateqoriyalar üzrə bölüşdürülə bilər.

Həmçinin bax

• Liderlik