Mikayıl Xıdırzadə
| Mikayıl Xıdırzadə | |
|---|---|
 | |
| Doğum tarixi | |
| Doğum yeri | Gədəbəy rayonu, Miskinli kəndi |
| Vəfat tarixi | |
| Vəfat yeri | Belarusiya, Vitebsk |
| Vəfat səbəbi | Müharibə |
| Dəfn yeri | Belarusiya, Vitebsk şəhəri, Oktyabr sovetliyi ərazisi |
| Milliyyəti | Azərbaycanlı |
| Uşağı | Zaur Xıdırzadə |
| Atası | Ellaz Xıdır oğlu |
| Tanınmış yetirmələri | Qoşqar Əhmədov |
Mikayıl Xıdırzadə — Azərbaycanın görkəmli riyaziyyatçı alimi, Bakı Dövlət universitetinin mexanika-riyaziyyat fakültəsinin ilk azərbaycanlı dekanı.
Həyatı[redaktə | əsas redaktə]
Mikayıl Xıdırzadə 1911-ci ildə Gədəbəyin Miskinli kəndində anadan olub[1]. Gədəbəy rayon Miskinli Kənd 1 saylı tam orta məktəbində orta təhsilini başa vurduqdan sonra o, M.Lomonosov adına Moskva Dövlət Universitetinin mexanika-riyaziyyat fakültəsinə daxil olub. O, Sovet dövründə Moskva Dövlət Universitetinə daxıl olmuş ilk azərbaycanlı olub. 1937-ci ildə ali təhsilini bitirdikdən sonra Mikayıl Xıdırzadə Bakı Dövlət Universitetinin Mexanika-riyaziyyat fakültəsində müəllim, 1938-ci ildən isə dekan kimi çalışıb. Mikayıl müəllim fakultənin ilk Azərbaycanlı dekanı olub. Az müddətdə burada xeyli riyaziyyatçı yetişdirə bilib.
1941-ci ildə Böyük Vətən Müharibəsi başlayarkən səfərbərliyə cəlb olunmamaq hüququna malik olmasına baxmayaraq, Mikayıl Xıdırzadə könüllü olaraq ordu sıralarına yazılıb və cəbhəyə yollanıb. Özünü rəşadətli döyüşçü kimi göstərərək topçu bölüyünün komandiri olub və bir neçə orden və medalla təltif olunub.
Mikayıl Xıdırzadə 1944-cü ildə Belarusiyanın Vitebsk şəhəri uğrunda gedən ağır döyüşlərdə qəhrəmancasına həlak olmuşdur.
Ölümdən sonra Sovet İttifaqı Ali Sovetinin Rəyasət heyətinin qərarı ilə 26 fevral 1946 və 15 avqust 1947- ci illərdə orden ilə təltif edilmişdir.
29 sentyabr 2012-ci ildə bir il gec olsada Gədəbəy rayon Mədəniyyət evində 100-illik yubleyinə həsr edilmiş tədbir keçirilmişdir. Tədbirdə, alimlər, təhsil işçiləri və ictimaiyyət nümayəndələri iştirak etmişdir.
Gədəbəy Rayon İcra Başçısının 31 iyul 2014-cü il tarixli, 205- nömrəli Sərancamı ilə Gədəbəy şəhərində küçlərin birinə Mikayıl Xıdırzadənin adı verilmişdir.
İstinadlar[redaktə | əsas redaktə]
- ↑ "Gədəbəydə riyaziyyatçı alimin yubileyi qeyd edilib". 2012-10-02 tarixində orijinalından arxivləşdirilib. İstifadə tarixi: 2013-09-12.