Milli park

Vikipediya, açıq ensiklopediya
Keçid et: naviqasiya, axtar
Los Cardones Milli Parkı, Argentina

Milli parklar - Milli parklar - xüsusi ekoloji, tarixi, estetik və digər əhəmiyyət daşıyan təbiət komplekslərinin yerləşdiyi və təbiəti mühafizə, maarifçilik, elmi, mədəni və digər məqsədlər üçün istifadə olunan təbiəti mühafizə və elmi tədqiqat idarələri statusuna malik olan ərazilərdir.

Azərbaycan Respublikasında Milli parklar[redaktə]

Ekologiya və Təbii Sərvətlər Nazirliyi yaradılmazdan əvvəl Azərbaycan Respublikasında milli parklar mövcud deyildi. 2003-cü ildən başlayaraq Ekologiya və Təbii Sərvətlər Nazirliyi tərəfindən Akademik Həsən Əliyev adına Zəngəzur Milli Parkı, Şirvan Milli Parkı, Ağ göl Milli Parkı, 2004-cü ildə Hirkan Milli Parkı, Altıağac Milli Parkı, 2005-ci ildə Abşeron Milli Parkı, 2006-cı ildə Şahdağ Milli Parkı, 2008-ci ildə isə Göygöl Milli Parkı ərazilərində Milli Parklar yaradıldı.

2008-ci ildə Hirkan Milli Parkının ərazisi 13037 hektar genişləndirilərək 29760 hektardan 42797 hektara çatdırılmışdır. 2010-cu ildə Şahdağ Milli Parkının ərazisi 14613,1 hektar genişləndirilərək 115900 hektardan 130508,1 hektara çatdırılmışdır.

Hazırda milli parklar ölkə ərazisinin 3,6%-ni təşkil edir.

Bununla yanaşı, yeni milli parkların, dövlət təbiət qoruqlarının yaradılması istiqamətində müvafiq işlər davam etdirilərək, Qızılağac dövlət təbiət qoruğunun ərazisinin genişləndirilərək dənizkənarı milli parkının yaradılması nəzərdə tutulmuşdur. Eyni zamanda Almaniya Federal Hökümətinin dəstəyi ilə "Qafqaz təşəbbüsü" proqramı çərçivəsində "Samur-Yalama" Milli Parkının layihəsi işlənilmiş və icrasına başlanılmışdır.

Mənbə[redaktə]

Həmçinin bax[redaktə]