Mirzə Ələkbər Sabirin ev-muzeyi

Vikipediya, açıq ensiklopediya
Jump to navigation Jump to search
Mirzə Ələkbər Sabirin ev-muzeyi
Əsası qoyulub 1962
Yenidən təşkil olunub 1979
Yerləşir Şamaxı, Azərbaycan
Ünvan Seyid Əzim Şirvani küçəsi
Telefon +994 20 265 34 63
İş rejimi 09:00–18:00
sabirmuseum.az

Mirzə Ələkbər Sabirin ev-muzeyi — Azərbaycanın satirik şairi, ictimai xadimi, filosofu və müəllimi, Mirzə Ələkbər Sabirə həsr olunmuş xatirə muzeyi. Muzeyin binası Şamaxıda, M.Ə.Sabirin yaşadığı evdə (qədim Şıxminas məhəlləsində) yerləşir. Muzey Azərbaycanın görkəmli şairi M.Ə.Sabir irsinin dərindən öyrənilməsini həyata keçirən, aidiyyatı materialları toplayan, qoruyan, elmi cəhətdən araşdırılmasını təşkil edən mədəniyyət, elmi-tədqiqat müəssisəsidir.

Tarixi[redaktə | əsas redaktə]

Muzey 1962-ci ildə, şairin doğumunun 100 illiyi ilə münasibətilə yaradılmışdır. Muzey ikimərtəbəli binada yerləşir. Muzeyin köhnə binası bir mərtəbədən və 2 ekspozisiya zalıdan ibarət olmaqla yararsız vəziyyətdə idi. Bu bina 1978-ci ildə sökülərək yenidən qurulmuşdur. Yenidənqurma və bərpa işlərindən sonra muzey, 1979-cu ildə yenidən ictimaiyyət üçün açılmışdır.[1] Muzey, 2017-ci ilin sentyabr ayında divarının uçması nəticəsində bağlanıb və restavrasiyası məqsədilə üçün sökülüb.[2]

Ekspozisiya[redaktə | əsas redaktə]

Muzeyin ümumi sahəsi 293 m2-dir.[1] Onun 6 sərgi salonu[3] və 1 eyvanı vardır.[1] Birinci sərgi salonunda M.Ə.Sabirin uşaqlıq, təhsil illərinə, səyahətlərinə aid eksponatlar və şairin sabun bişirdiyi qazanın maketi nümayiş olunur. Digər salonlarda XIX–XX əsrlərə aid məişət əşyaları, muzeyə verilən hədiyyələr, M.Ə. Sabirin müasirlərinin şəkilləri, tədqiqatçılarının əsərləri, Molla Nəsrəddin jurnalının nümunələri və s. eksponatlar tamaşaçılara təqdim edilir.[4]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 "Şamaxı rayon Mirzə Ələkbər Sabirin Ev Muzeyi"(azərb.)). ismayilli.mctgov.az.
  2. "Mirzə Ələkbər Sabirin ev muzeyi sökülüb"(azərb.)). report.az.
  3. "Mirzə Ələkbər Sabirin Ev Muzeyi"(azərb.)). shamakhi.travel.
  4. "Şamaxı şəhərində Sabirin ev muzeyi"(azərb.)). anl.az.