Mirzə Ələsgər Növrəs

Vikipediya, azad ensiklopediya
Jump to navigation Jump to search
MİRZƏ ƏLƏSGƏR NÖVRƏS
Mirzə Ələsgər bəy Kərbəlayı Abdin bəy oğlu Əhmədbəyov
Mirzə Ələsgər Növrəs.jpg
Doğum tarixi
Doğum yeri Şuşa, Gürcüstan quberniyası, Qafqaz canişinliyi, Rusiya imperiyası
Vəfat tarixi
Vəfat yeri Şuşa, Şuşa qəzası, Yelizavetpol quberniyası, Qafqaz canişinliyi, Rusiya imperiyası
Dəfn yeri
Vətəndaşlığı
Fəaliyyəti şair
Vikimənbənin loqosu Mirzə Ələsgər Növrəs Vikimənbədə

Mirzə Ələsgər Növrəs 1836, Şuşa1912, Şuşa, Yelizavetpol quberniyası) — Azərbaycan şairi.

Həyatı[redaktə | əsas redaktə]

Mirzə Ələsgər bəy Kərbəlayı Abdin bəy oğlu Əhmədbəyov 1836-cu ildə Şuşa şəhərində anadan olmuşdu. Əslən Cavanşir-Dizaq mahalının Zərgər obasındandır. Mükəmməl mədrəsə təhsili almışdı. Şair idi. Növrəs təxəllüsü ilə xoştəb şeirlər yazırdı. Şuşada fəaliyyət göstərən "Məclisi-üns" şairlər yığnağının üzvü idi. O, ərəb, fars dillərini kamil bilməklə, rus dilini də tamam-kamal öyrənib qəza idarəsində kargüzar vəzifəsində çalışmışdı.

Mirzə Ələsgər Növrəs el şənliklərində toybaşı olardı. Mirzə Ələsgər Növrəs 1912-ci ildə vəfat edib. Onun dörd övladı olub. Qızı Fatimə bəyimi Xurşidbanu Natəvanın oğlu Seyid Həsənə ərə verib.[1].

Mirzə Ələsgər Növrəs Xurşidbanu bəyim Natəvan, Seyid Əzim Şirvani və başqaları ilə yazışırdı.

Onun adını daşıyan nəvəsi İqtisad Elmləri Namizədi, Dosent Növrəs Növrəslidir.

Yaradıcılığı[redaktə | əsas redaktə]

1872-ci ildə Mirzə Ələsgər Növrəs Azərbaycan şairəsi Xurşidbanu Natəvanın rəhbərlik etdiyi "Məclisi Üns" ədəbi dərnəkin fəal iştirakçılarından biri olub. O, həm də Mir Mövsüm Nəvvabın rəhbərlik etdiyi "Məclisi Fəramuşan"un daimi qonaqlarından olub. Bu məclislərə o dövrün ən görkəmli şairləri və musiqiçiləri toplaşıblar. Azərbaycan şairi və maarifçisi Seyid Əzim Şirvani zamanında Növrəsə şeirlə yazdığı məktubunda “Səlam olsun sənə, ey Kəbeyi-əhli-səfa, Növrəs” sözləri ilə Şamaxı ədəbi məktəbinin şairlərinin, “Səfa” cəmiyyətinin üzvlərinin onun yaradıcılığına hörmət və ehtiramını ifadə edib.[2] }}

Mənbə[redaktə | əsas redaktə]

  • Növrəs Növrəsli, "Miras", Bakı, "Adiloğlu" nəşriyyatı, 2008.-320 səh.
  • "Mirzə Ələsgər Növrəs". Azərbaycan uşaq ədəbiyyatı müntəxəbatı (XIX-XX əsrlər). Üç cilddə. II cild. Bakı: Nasir, 2002. - səh. 589-619.
  • Ənvər Çingizoğlu, Əhmədxanbəyovlar (Növrəslilər), "Soy" еlmi-kütləvi dərgi, 2010, №11, səh.14-21.

İstinadlar[redaktə | əsas redaktə]

  1. MİRZƏYEVA Salatın (February 01, 2021) [1]. Region Plus.
  2. MİRZƏYEVA Salatın (February 01, 2021) [2]. Region Plus.