Moana (cizgi filmi)

Vikipediya, azad ensiklopediya
Jump to navigation Jump to search
Moana
ing. Moana
Janr Cizgi filmi
Rejissor

Ron Klements

Con Mas
Prodüser

Osnat Şurer

Con Lasseter
Ssenari müəllifi

Ron Klements Con Masker

Tayka Vaytiti
Rolları səsləndirənlər

"ARB Günəş"-in dublyaj studiyası A.Qəhrəmanlı Ə.Qubatov

R.Qafarov
Studiya Walt Disney Animation Studios
İl 2016
Digər dillərdə azərb. rus
Format Animasiya


"Moana" (ing. Moana) - "Walt Disney Animation Studios"un 56-cı tammetrajlı cizgi filmidir. 6 yaşdan yuxarı izləyicilər üçün nəzərdə tutulan bu film macəra ilə doludur.

Məzmunu[redaktə | əsas redaktə]

"Moana" (ing. Moana) - "Walt Disney Animation Studios"un 56-cı tammetrajlı cizgi filmidir. İlk əvvəl bu filmin süjeti "2 min il əvvəl Sakit okeanın cənub hissəsində baş vermiş əfsanəvi macəra hekayəsi" kimi təqdim edilirdi. »[1].

Filmin rejissorları Con Masker və Ron Klements, bəstəkarı isə Mark Mançindi. Əsas qəhrəmanlardan biri olan yarıtanrı Mauini amerikalı kinoaktyor Dueyn Conson səsləndirmişdir. [2].

Dünyada premyerası 23 noyabr 2016-cı ildə baş tutmuşdur.

Giriş hissə[redaktə | əsas redaktə]

Əvvəlcə ancaq okean vardı. Sonra adaların anası Teffiti gəldi. Teffitinin möhtəşəm bacarığı olan ürəyi vardı. O, həmin ürək sayəsində həyat bəxş edə bilirdi. Və Teffiti bu bacarığını dünya ilə bölüşürdü. Amma sonra bəzi qüvvələr Teffitinin ürəyini axtarmağa başladılar. Onlar inanırdılar ki, ürəyə sahib olmaqla həyat yaratmaq istedadına da malik olacaqlar. Və bir gün onlardan ən dəliqanlısı ürəyi ələ keçirmək üçün okeanın üzərindən uçub keçdi. Bu, küləklərin və dənizlərin yarıtanrısı Maui idi.

Ürəyindən məhrum olan Teffiti parçalanaraq dəhşətli qaranlıq yaratmağa başladı. Maui qaçmağa çalışdı, amma digər ürək ovçusu olan torpaq və alov iblisi Tekaonun yolunu kəsdi. Mauini səmadan endirdi. Bir daha da onu görən olmadı. Mauinin sehrli qarmağı ilə Teffitinin ürəyi isə dənizə düşərək yox oldu.

Elə indi də Teka və dənizlərin iblisləri ürəyi axtarırlar. Onlar dayanmadan genişlənən qaranlıqda gizlənərək balıqlarımızı yoxa çıxaracaq, bizlərdən ən sonuncunu da qaniçənliklə məhv edənə qədər adalardakı həyatı heçliyə çevirəcəkdir. Amma bir gün bir nəfər mərcan adalarını cəsarətlə keçərək Mauini tapacaq, onu nəhəng okeandan keçirərək ürəyi Teffitiyə qaytaracaq və bizim hamımızı xilas edəcəkdir...

Süjeti[redaktə | əsas redaktə]

Film Sakit okeanın cənub sahillərindəki Matunui adalasında yaşayan Moana adlı qızın həyatından bəhs edir. Moana başçının qızıdır. Onların adasında yaşamaq üçün bütün vasitələr və şərait var. Amma bir gün məlum olur ki, ada sakinlərinin əsas qidası olan balıq və hind qozu (kokos) yoxa çıxmağa başlayıb. Bu zaman Moana mərcanları üzüb keçərək Teffitinin ürəyini qaytarmaq və bu yolla qəbiləni xilas etmək fikrinə düşür... Ona isə ancaq yarıtanrı Maui kömək edə bilər...

Dublyaj[redaktə | əsas redaktə]

Kiçik yaşlı tamaşaçılarla birgə böyüklərin də maraqla izləyəcəyi macəralarla dolu olan film azərbaycan teleməkanının ilk və yeganə uşaq kanalı olan ARB Günəşin dublyaj studiyasında səslənərək 2020-ci ilin mart ayından etibarən Tv-nin efirində yayımlanır.

İstinadlar[redaktə | əsas redaktə]