Montafon

Vikipediya, azad ensiklopediya
Jump to navigation Jump to search

Montafon (yerli dialektdə:"Muntafu") Avstriyanın Vorarlberg federal əyalətində olan İll çayı ilə kəsişən 39 km uzunluğunda bir vadidir. Şimalda Bludenz şəhəri və Verwall Alplarından, cənubda Silvretta və Rätikon dağlarına qədər uzanır. Ərazinin 16.642 nəfər əhalisi var. (1 yanvar 2016)

Coğrafiya[redaktə | əsas redaktə]

Montafon 10 kənddən ibarətdir.[1] Montafonda bütün bələdiyyələr Bludenz rayonuna aiddir, əsas şəhər Şrunsdur.[2]
Bələdiyyələr:

  • Gaschurn (1000m)
  • Sankt Gallenkirch (900m)
  • Schruns (700 m)
  • Tschagguns (700 m)
  • Silbertal (890 m)
  • Bartholomäberg (1100 m)
  • Vandans (660 m)
  • St. Anton im Montafon (650 m)
  • Lorüns (583 m)
  • Stallehr (600 m)

Bludenzdən yola çıxaraq, siz Lorünsün köhnə sement zavoduna və Lorüns şəhərinə gedən B 188 dövlət yoluna daxil olursunuz. Alma meşələri və Tränabächle (gözyaşları çayı) keçəndən sonra, vadinin solda St. Anton (yerli dialektdə "Santatöni") və sağda Vens və Vandans kimi əzəmətli görkəmi açılır.

İqtisadiyyat[redaktə | əsas redaktə]

Montafondakı iqtisadiyyat, meşə sənayesi, hidroenerji, kənd təsərrüfatı məhsullarının istehsalı, turizmlə əlaqəli xidməti kimi ənənəvi fəaliyyətlərdən, ibarətdir.

Kənd təsərrüfatı və əkinçilik[redaktə | əsas redaktə]

Mövsümi kənd təsərrüfatı fəaliyyəti Alp dağlarının bir hissəsidir, 3 mərhələli becərmə və bütün dağlıq səviyyələrə daxildir. Qış ərzində vadi boyu, yay mövsümündə isə yüksək dağlıq otlaqları mal qara təsərrüfatı üçün uyğundur, çünki mal-qaranın ərzaq təchizatı il ərzində dəyişir. Turizmə və digər sənaye sahələrinin iqtisadiyyata daha çox təkan verməsinə baxmayaraq, hazırda yüksək otlaqlara mövsümi miqrasiya hələ də tətbiq olunur. Payız ayı ərzində heç bir heyvan həlak olmursa, fermerlər bütün mal qaranı bəzəyərək otlaqlardan geri dönürlər ki, bu da, ərazinin ənənələrindən biri sayılır.

Turizm[redaktə | əsas redaktə]

Ərazidə turizm mühüm rol oynayır və Montafon xizək, yürüyüş və dağ velosipedi idmanı ilə məşhurdur. Əsas yol olan, Silvretta yüksək Alp yolu , dəniz səviyyəsində 650 ilə 1430 metr arasında olan ,xizək sahələrinə çıxışı təmin edir.[3] Bu ərazidə 60 funikulyor və 225 km-lik yamacı əhatə edən 5 xizək sahəsi Golm, Silvretta Montafon, Gargellen, Silbertal-Kristberg və Silvretta-Bielerhöhe var. Bütün yürüyüş və velosiped marşrutları çox yaxşı qeyd olunmuşdur. Bir çox sahə mühafizə olunur və velosiped həmişə icazə verilmir. Başlayanlar üçün 8 dırmaşma parkı və 15 sabit ip marşrutu var. Tschagguns və Partenendə qolf sahələri mövcuddur.[4]

İdman[redaktə | əsas redaktə]

2012/13-ci ildən Montafon Dünya Kuboku FIS Snowboard Dünya Kubokunun bir hissəsidir.[5] Montafonda Dünya Kuboku hər il dekabr ayında keçirilir. Yarış Silvretta Montafon ərazisində keçirlir.

Mədəniyyət[redaktə | əsas redaktə]

Bir çox məşhur bu vadidə qalmışdır. Tanınmış opera mügənnisi Elisabeth Schwarzkopf ömrünün son günlərini Şrunsda keçirmiş və 2 avqust, 2006-cı idə burada vəfat etmişdir.

Montafon pendiri[redaktə | əsas redaktə]

Montafon pendiri, (sura kees) 12-ci əsrdən xamadan hazırlanan və az yağlı pendirdir. Montafon, Alp bölgəsində pendir istehsalının ən qədim ənənələrindən birinə sahibdir və hələ də burada əhəmiyyətli bir süd məhsuludur.[6]

İstinadlar[redaktə | əsas redaktə]

  1. "Die Geschichte des Standes Montafon — Stand Montafon"stand-montafon.at. Retrieved 2017-01-02.
  2. "Impressum: Montafon Tourismus GmbH"www.montafon.at. Retrieved 2017-01-02.
  3. "Skitouren Vorarlberg : Wintersport im Montafon, Alpen"www.montafon.at. Retrieved 2017-01-02.
  4. "Activities in the Montafon - Montafon Austria"www.montafon.at. Retrieved 2017-01-02.
  5. "Weltcup in Montafon – The world's top-ranking ski- and snowboard-crossathletes".Urlaub in Vorarlberg. 2018-09-17. Retrieved 2019-03-24.
  6. "Montafoner Sura Kees"www.genuss-region.at. Retrieved 2017-01-02.

Xarici keçidlər[redaktə | əsas redaktə]