Mulan 2

Mulan 2
ing. Mulan 2
Cizgi filminin teatr afişası
Janr	Macəra
Növü	Döyüş Dram Komediya Tarix
Rejissorlar	Darrel Runi Linn Sauzerlend
Prodüser	Cennifer Blohm
Ssenari müəllifləri	Maykl Layer Kris Parker Rocer S. X. Şulman
Rolları səsləndirənlər	Min-Na Freda Fo Şen Sun-Tek O Mark Mosli
Bəstəkar	Coel Maknili
Ölkə	ABŞ
Studiya	Disneytoon Studios SD Entertainment
Distribüsiya	Walt Disney Pictures
Davametmə müddəti	79 dəqiqə
İl	2004
Dil	ingilis dili
Əvvəlki	Mulan
IMDb	ID0279967
Rəsmi saytı

Mulan 2 (ing. Mulan 2) — 2004-cü ildə "Walt Disney Pictures" tərəfindən istehsal edilmiş qısametrajlı cizgi filmi. Cizgi filminin məzmunu Mulan və General Şanq personajlarının məhəbbət hekayəsi üzərinə qurulmuşdur.

Məzmun

Cizgi filminin birinci hissəsindən bir ay keçdikdən sonra Şanq və Mulan toylarına hazırlaşarkən bir anda gizli bir vəzifəyə göndərilirlər. Mulanın qarovulunda İmperatorluğun barışı üçün Ki Qon krallığına göndərilmişlər. Barışa görə İmperator qızlarını Kin Qona göndərməli, həmin yerdə şahzadələrə evlənərək Çin ilə ittifaqa girməlidir ki, Monqollar onların ərazilərinə hücum etməsinlər. Əks halda qızlar evlənməsələr bu ittifaq pozulacaqdır. Ancaq yolda gedərkən İmperatorun qızları ordudakı 3 əsgərə aşiq olurlar. Həmçinin, uyğun olaraq əsgərlərdə onlara aşiq olurlar. Bu müddətdə Muşu Mulanın Şanq ilə evlənməsini istəmir. Çünki Mulan Şanq ilə evlənsə, onda vəzifəsi sona çatacaqdır. Bu səbəbdən onlar arasındakı münasibəti pozmaq üçün Muşu hər yolu sınayacaqdır. Amma onlar arasındakı münasibətin pozulmasına Muşunun yanındakı Cırcırama razı olmur. Nəhayət, Muşu onlar arasındakı münasibəti pozur. Onlar bir müddət bir-birindən ayrı qalırlar. Sonda Muşu vicdan əzabı çəkərək həqiqəti Mulana söyləyir. Muşunun sözlərinə qulaq asdıqdan sonra bu özləri Mulan Şanqa çatdırmaq istəyir. Lakin Şanq onun sözlərinə qulaq asmaq istəmir. Birdən banditlər körpüyə tərəf gəlir və körpünün iplə bağlanmış hissəsini kəsirlər. Bu zaman körpü uçuruma doğru gedir. Əsgərlər və banditlər arasında döyüş baş verir. Banditlər məğlub olaraq qaçırlar. Amma Şanq körpüdən yerə yıxılacaqdır. Mulan Şanqın əlindən tutmaq istəyir ki, Şanq körpüdən çaya yıxılmasın. Ordudakı əsgərlər və İmperatorun üç qızı xilas olur. Amma Şanqın əli Mulanın əlindən sürüşür və o çaya düşür.

Mulan onun öldüyünü zənn edərək, kədərlənməyə başlayır. Amma xoşbəxtlikdən Şanq sağ qalmışdır. Bunu isə Mulan bilmir. İmperatorun qızları başqa şahzadələr ilə ailə qurmaq istəmirlər. Onlar 3 əsgəri sevirlər. Bu səbəbdən Mulan özünü fəda edərək, həmin şahzadələrdən biri ilə ailə həyatı quraraq, şahzadələri bundan xilas etmək istəyir. Mulan ailə həaytı qurmaq istədiyi Şahzadədən xoşu gəlmir. Onların toy mərasimləri günü Şanq özünü bura çatdırır. Lakin əsgərlər tərəfindən saxlanılır. bütün bu hadisələrə son qoymaq üçün yeganə bir canlı qalmışdır. Həmin canlı balaca əjdaha Muşudur. Muşu Böyük Əjdaha heykəlindən səs çıxarmağa başlayır. Hamı elə düşünür ki, guya bu doğrudan da Böyük əjdahadır. Sonda Mulan ilə Şanq, İmperaotrun qızları sevdikləri əsgərlər ilə bir yerdə qalırlar. Şanq Mulana evləndikdən sonra iki ailənin məbədlərini birləşdirir. Bu zaman Muşu öz vəzifəsini yenidən bərpa edir.

Rollarda

Personaj	Səsləndirən
Fa Mulan	Min-Na
Fa Li	Freda Fo Şen
Fa Zu	Sun-Tek O
Nənə Fa	Cun Forey
Li Şanq	Bi Di Vonq
Muşu	Mark Mosli
İmperator	Pet Morita
Yao	Harvi Fayer Fayerştayn
Linq	Ceddi Uoteneyb
İmperatorun məsləhətşisi Çi Fu	Ceyms Honq
Şahzadə Mey	Lüsi Lyu
Şahzadə Su	Loren Tom
Şahzadə Tinq-Tinq	Sandra O

Xarici keçidlər

• Mulan 2 — IMDb səhifəsi
• Mulan 2 Bcdb.com saytında