Mumla depilyasiya
Mumla depilyasiya arzuolunmaz tüklərdən xilas olmaq üçün istifadə edilən yapışqan tərkibli maddələrdən ibarət olan depilyasiya üsuludur. Ayrıca olaraq buna mumla depilyasiya edilməsi də deyilir.
Mum depilyasiyası ən sadə və effektli üsullardan biridir. Prosedur zamanı soyuq, ilıq və isti mumlardan istifadə olunur. Həmin mum tüklərin olduğu hər hansı bir zonanın üzərinə yaxılır və bir neçə saniyədən sonra sürətlə, birdən qopardılır.
Bu üsul tükün dartılıb qoparılması ilə əmələ gəlir, lakin tükün folikulu bu vəziyyətdə zədələnmir. Bu prosedur o qədər də ağrılı deyil. Pasiyentin həssaslığından asılıdır.
Mum depilyasiyası ən qədim üsullardan biridir. Baxmayaraq ki, kosmetologiyada yeni texnologiyalar əldə edilib, mum depilyasiyası öz yerini vermir.
18-35 yaşlı qadınlar arasında aparılan sorğulara görə mum depilyasiyası hələ də aktualdır. Bu da ondan irəli gəlir ki, kimsə yeni texnologiyalara güvənmir, kim isə klassik metodlara üstünlük verir, kim isə prodedurlar ona ağrısız gəldiyi üçün başqa bahalı prosedurlara artıq xərc çəkmək istəmir.
Öz “köhnəliyə” baxmayaraq mum depilyasiyası (və ya Biodepilyasiya) bir neçə üstünlüklərə malikdir: effektlilik, tezlik, ucuz qiymət və dərinin zədələnməməsi.
Üstünlükləri[redaktə | mənbəni redaktə et]
- Tükün rənginin və bərkliyinin fərqi yoxdur
- Tüklərin uzanmasını azaldır
- Hər bir dəri tipinə uyğundur
- Bu prosedur tüklərin nazikləşmə prosesinin stimullaşdırır
- Qiymətlərin yüksək olmaması
Mum depilyasiyasının efektliliyi fərdi səbəblərdən asılı olsa da, çox vaxt dəri 3-4 həftə hamar qalır.
Prosedur zonalardan asılı olaraq, 20 dəqiqədən 1 saatadək vax apara bilər. Daim biodepilyasiyadan istifadə edən insanlar üçün prosedurlar daha da tez keçir.
Əks göstərişləri[redaktə | mənbəni redaktə et]
Mum depilyasiyasının əks göstərişləri çox azdır. Onlardan ən əsasları – şəkər xəstəlikləri, venalarının varikoz genişlənməsi, qanın laxtalanma prosesinin pozulması, dermotoloji xəstəliklər və fərdi xüsusiyyətlərdir.
- Şəkər
- Dərinin zədələnməsi
- Varikoz
- Dəri xəstəlikləri
- Dəridə xoşxassəli törəmələr
Mumla depilyasiyasından əvvəl və sonra[redaktə | mənbəni redaktə et]
Mumla depilyasiya zamanı tükün uzunluğu ən azı 5 mm olmalıdır. Mumla depilyasiyadan sonra aşağıdakılara əməl edilməsi məsləhətdir:
- Sakitləşdirici vasitələrdən istifadə etməyiniz məsləhətdir (pantenol, prisipka, talk)
- Depilyasiya olan zonanı tərkibində spirt olan vasitələrlə silmək olmaz.
- Prosedurdan sonra 1-2 gün hovuza, dənizə və s. getməmək tövsiyə olunur.