Murad Məmmədov

Vikipediya, açıq ensiklopediya
Jump to navigation Jump to search
Murad Məmmədov
Murad İzi oğlu Məmmədov
Murad Məmmədov (sahibkar).jpg
Doğum tarixi 22 fevral 1951(1951-02-22)
Doğum yeri Qoçəhmədli, Füzuli rayonu, Azərbaycan SSR, SSRİ
Vəfat tarixi 12 iyul 2018 (67 yaşında)
Vəfat yeri Novxanı, Abşeron rayonu, Azərbaycan
Həyat yoldaşı Dilarə Məmmədova
Uşaqları Fatma, Nigar
Atası İzi Məmmədov
Anası Fizzə Məmmədova
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Peşəsi Texnologiya mütəxəssisi
Milliyyəti azərbaycanlı
İxtisası "Ət və ət məhsullarının texnologiyası"
Təhsili Stavropol Politexnik İnstitutu
Fəaliyyəti sahibkar

Murad Məmmədov (tam adı: Murad İzi oğlu Məmmədov; 22 fevral 1951, Qoçəhmədli, Füzuli rayonu, Azərbaycan SSR, SSRİ12 iyul 2018, Novxanı, Abşeron rayonu, Azərbaycan) — Azərbaycan biznesmeni, Sevimli Dad "M&T ltd" şirkətinin təsisçisi və səhmdarı. "Made in Azerbaijan" markasının qida sənayesi üzrə ən yüksək ixtisaslı mütəxəssislərindən biri kimi tanınmışdır.

Həyatı[redaktə | əsas redaktə]

Murad Məmmədov 22 fevral 1951-ci ildə Füzuli rayonu Qoçəhmədli kəndində dünyaya gəlmişdir. 1968-ci ildə kənd orta məktəbini, 1971-ci ildə Bakı Yeyinti Sənaye Texnikumunu bitirmişdir. 1973-cü ildə əskəri xidməti başa vurduqdan sonra Keşlə Ət Kombinatında əmək fəaliyyətinə başlamış və 1988-ci ilədək həmin kombinatda çalışmışdı. 1978-1983-cü illərdə Stavropol Politexnik İnstitutunda "Ət və ət məhsullarının texnologiyası" ixtisası üzrə ali təhsil almışdır. 1988-ci ildə Xırdalan Ət Kombinatında fəaliyyətə başlamış, 1993-cü ilədək orada sex rəisi vəzifəsində çalışmışdır. 1993-cü ilə yaxın dostu Hacı Turqayla birlikdə "M&T" MMC adlı müəssisə yaratmış və 9 iyul 2018-ci ilədək həmin müəssisədə direktor vəzifəsində çalışmışdır.

Bu illər ərzində o, Azərbaycanda ət və ət məhsulları sahəsində yüksək ixtisaslı, bacarıqlı bir mütəxəssis kimi tanınmışdır.

İki qızı (Fatma, Nigar) və iki nəvəsi (Murad, Elif) var.

Şirkəti[redaktə | əsas redaktə]

"M&T LTD" şirkəti Azad İstehlakçılar Birliyi tərəfindən keyfiyyət və gigiyenik standartlara görə "Qızıl Fərqlənmə Nişanı" ilə təltifatlandırılmış yeganə kolbasa istehsalçısı şirkətidir (2013)

Day.az-da xalq arasında keçirilən sorğuda "Ən Dadlı Kolbasa" istehsal edən şirkət seçilmişdir. (2013)

16 fevral 2015-ci ildə Türkiyənin İstanbul şəhərində "NAVİGA" beynəlxalq lisenziyalaşdırma və təhsil xidmətləri məhdud məsuliyyətli cəmiyyəti, Sevimli Dad - kolbasa və delikates ət məmulatları istehsal edən "M&T ltd" firmasını, ISO 22000:2005 Qida Təhlükəsizliyi İdarəetmə Sistemi Standartı üzrə sertifikata layiq görmüşdür.

Mənbə[redaktə | əsas redaktə]

  • Ənvər Çingizoğlu. Qoçəhmədli kəndi və qoçəhmədlilər. İkinci nəşr. Bakı: Mütərcim, 2012, 252 səh.
  • "BUSINESS TIME" jurnalı (106)/2018.

Xarici keçidlər[redaktə | əsas redaktə]