Musiqi gimnaziyası (Ruse)
 | |
| Ölkə |  Bolqarıstan
|
| Yerləşməsi | Ruse |
| Status | Mədəniyyət abidəsi |
Musiqi gimnaziyası (bolq. Музикална гимназия) — Bolqarıstanın Ruse şəhərində yerləşən tarixi bina, mədəniyyət abidəsi hesab olunur.
Bina 1900-1901-ci illərdə uşaq evi və uşaq bağçası olan alman protestant məktəbi üçün Ruse Protestant İcması tərəfindən inşa edilmişdir. Ruse və Buxarest yevangelist icmaları inşaat üçün maliyyə vəsaitini təmin etmişdilər, Ruse pastoru Teodor Vangeman ianələr yığmaq üçün bir neçə dəfə Almaniyaya səfər etmişdir. Ümumlikdə, tikinti 320 min qızıl marka başa gəldi. Neoklassisizm və neoqotikanı birləşdirən, bəzək və sütunlarla zəngin şəkildə bəzədilmiş eklektika üslubuda olan dörd mərtəbəli binanı memar Udo Ribau tərtib etmişdir. Tikintiyə mühəndis Todor Tonev rəhbərlik edirdi, son mərhələdə isə bu işi alman mühəndis Merbax görürdü.[1]
5 oktyabr 1905-ci ildə Alman Protestant məktəbi təmtaraqlı şəkildə açıldı, 1909-cu ildə isə buranı orta biznes məktəbinə çevirdilər. Məktəbə alman müstəmləkəsinin sakinləri və Rusedə yaşayan görkəmli tacir ailələrinin uşaqları gedirdilər. Birinci Dünya Müharibəsinin sonunda, 1918-ci ilin payızında məktəb Bolqarıstan hakimiyyəti tərəfindən alman əmlakı olaraq müsadirə edildi. Rumıniya bombardmanlarından ziyan görən bina müharibədən sonra təmir edildi. Burda ardıcıl olaraq Müqəddəs İosif Fransa Kişi gimnaziyası, Petr Beronun gimnaziyası (1935-ci ildən), Dövlət Texnoloji Universiteti (1945-ci ildən), Kənd Təsərrüfatı Maşın Zavodunun əmək ehtiyatları məktəbi və nəhayət, musiqi gimnaziyası yerləşirdi.[1]
Bina 1977-ci ildə Karpat zəlzələsi nəticəsində ciddi ziyan gördü. 1980-ci illərdə konstruksiya bərkidildi. lakin Bobokov qardaşları 2007-ci ildə auksionda alana qədər bina tərk edilmiş qalırdı. Qardaşlar binanın yenidən qurulmasına 1 000 000 avro investisiya qoyub mədəniyyət və incəsənət mərkəzinə çevirməli idilər.[2]
İstinadlar[redaktə | mənbəni redaktə et]
- ↑ 1,0 1,1 Грънчарова Н. "От правителствено решение зависи съдбата…". Бряг (bolqar). 2005-11-05. 2007-09-30 tarixində arxivləşdirilib.
- ↑ "Започва възстановяването на един от архитектурните бисери на Русе". TVN (bolqar). 2017-10-10. 2018-02-21 tarixində arxivləşdirilib. İstifadə tarixi: 2019-04-07.