Mustafa Destici

Mustafa Destici
Türkiyə Böyük Millət Məclisinin üzvü
Vəzifədədir
7 iyul 2018-ci ildən
Şəxsi məlumatlar
Doğum tarixi	3 fevral 1966(1966-02-03) (58 yaş)
Doğum yeri	Gəcək[d], Əskişəhər ili[d], Türkiyə
Partiya	Böyük Birlik Partiyası
Fəaliyyəti	müəllim, siyasətçi, bürokrat
Vikianbarda əlaqəli mediafayllar

Mustafa Destici (3 fevral 1966, Gəcək^[d], Əskişəhər ili^[d]) — Türkiyə siyasətçisi və Böyük Birlik Partiyasının (BBP) hazırkı lideri. Ankara Universitetini bitirmişdir.

Həyatı

3 fevral 1966-cı ildə Əskişəhərin Günyüzü rayonunun Gəcək kəndində anadan olmuşdur. İbtidai məktəbi doğulduğu kənddə, orta məktəbi Sivrihasarda, liseyi isə Tofiq İləri Anadolu İmam Hatip Liseyində bitirmişdir. 1988-ci ildə Ankara Universitetinin İlahiyyat fakültəsindən məzun olmuşdur.

2007-ci ildə dövlət qulluğundan ayrılaraq Böyük Birlik Partiyasında siyasətə başlamışdır. O, 2007-ci ildə vitse-prezident vəzifəsinə təyin edilmişdir. Böyük Birlik Partiyasının qurucusu Möhsün Yazıçıoğlu 25 mart 2009-cu ildə helikopter qəzasına uğrayanda partiyanın təşkilati işlər üzrə sədr müavini olmuşdur. Yazıçıoğlunun ölümünün təsdiqlənməsindən sonra keçirilən IV Fövqəladə Qurultayda baş katib Yalçın Topçunun siyahısından seçilmişdir.