Məmməd Əliyev (patofizioloq)
Məmməd Əliyev | |
---|---|
Əliyev Məmməd Xası oğlu | |
![]() | |
Doğum tarixi | |
Doğum yeri | Darbaz, Bolnisi rayonu, Gürcüstan SSR, SSRİ |
Vətəndaşlığı |
![]() ![]() |
Elm sahəsi | tibb |
Elmi dərəcəsi | tibb elmləri doktoru (2006) |
Elmi adı | professor (2011) |
İş yeri | Azərbaycan Tibb Universiteti (1981-hal-hazıradək) |
Təhsili | N.Nərimanov adına Azərbaycan Dövlət Tibb İnstitutu |
Tanınır | Patofizioloq |
Məmməd Xası oğlu Əliyev — Azərbaycan Tibb Universtetinin Patoloji fiziologiya kafedrasının tədris işləri üzrə müdirı, tibb elmləri doktoru, professor (2011).[1]
Həyatı
[redaktə | mənbəni redaktə et]Əliyev Məmməd Xası oğlu 15 sentyabr 1956-cı ildə Gürcüstan Respublikasının Bolnisi rayonunun Darbaz kəndində qulluqçu ailəsində anadan olub.
1963-cü ildə Darbaz kənd orta məktəbinin birinci sinifinə getmiş, 1973-cü ildə həmin məktəbi bitirmişdir. 1973–1975-ci illərdə Bolnisi rayon Darbaz kəndində "Telman" adına kolxozda kolxozçu işləmişdir.
1975-ci ildə Azərbaycan Tibb Universitetinin sanitariya-gigiyena fakültəsinə daxil olmuşdur. Təhsil iləərində yüksək təhsil göstəricilərinə görə "Lenin" təqaüdü almışdır.
1981-ci ildə ali məktəbi fərqlənmə diplomu ilə bitirərək institut Elmi Şuranın qərarı ilə patoloji fiziolgiya kafedrasında saxlanılmış və aspiranturaya daxil olmuşdur. 1985-ci ildə "Terminal vəziyyətlərdə qan və limfanın laxtalanma pzulmaları və onların korreksiyası" mövzusunda namizədlik dissertasiyasını müdafiə etmişdir. Patoloji fiziologiya kafedrasında assistenti (1985), baş müəllimi (1987), dosent (1996), professor (2006) vəzifələrinə seçilmişdir.
2006-cı ildə "Postreanimasyon ensefalopatiyanın patogenezində limfanın laxtalanması və toxumaların limfodrenajının pozulma mexanizmləri, onlarin korreksiyası" mövzusunda doktorluq dissertasiyası müdafiə etmişdir.
Onun rəhbərliyi ilə bir tibb üzrə elmlər doktoru, iki tibb üzrə fəılsəfə doktoru dissertasiyaları müdafiə edilmişdir 270-dən çox elmi məqalə müəllifidir. Azərbaycan dilində iki hissədən ibarət "Patoloji fiziologiya" dərsliyinin (2015, 2016), ilk dəfə 3 (azərbaycan, ingilis, rus) dildə çap edilmiş "Patoloji fiziologiyadan atlas" və "Patoloji fiziologiyadan test tapşırıqları" dərsliklərinin, 1 dərs vəsaitinin, 5 ixtiranın və 5 səmərələşdirici təklifin müəllifidir.
2007–2017-ci illərdə Azərbaycan Respublikası Prezidenti yanında Ali Attestasiya Komissiyasının tibb üzrə Ekspert Şurasının üzvü olmuş, 2017-ci ildən isə elmi katibi kimi fəaliyyət göstərir. 2010-cu ildən patoloji fiziologiya kafedrasının tədris hissə müdiri vəzifəsində çalışır və həmin ildən Dövlət İmtahan Mərkəzinin tibbi baza təhsili əsasında rezidenturaya qəbul komissiyasının patoloji fiziologiya fənni üzrə ekspert qrupunun rəhbəridir.
Bir sıra respublika və beynəlxalq elmi cəmiyyətlərin, o cümlədən Azərbaycan Patofizioloqları Elmi Cəmiyyətinin (Bakı, 1982), Ürəyin Öyrənilməsi üzrə Beynəlxalq Elmi Cəmiyyətin (London, 1989), Beynəlxalq Limfoloqlar Cəmiyyətinin (Əndican, 1991) və Beynəlxalq Patofizioloqlar Cəmiyyətinin (Moskva, 1991) və Ukraynada nəşr edilən "Неонатологія, хірургія та перинатальна медицина" jurnalının (avqust 2017) redaksiya heyətinin üzvüdür.
Bakı şəhərində keçirilən 3-cü və 4-cü Beynəlxalq Bakı Tibb Konqresinin münsiflər heyətinin üzvü olub.
Ailə həyatı
[redaktə | mənbəni redaktə et]Evlidir, 1 oğlu, 2 nəvəsi var.
Elmi məqalələri
[redaktə | mənbəni redaktə et]- Correction of Clotting and Fibrinolitik Disorders of Blood and Lymph. J.D.Mamedov, F.I.Islamzade. Sov. Med. Rev. C.Hematologi, Vol. 3, 1990, pp. 1–22). Лимфотропное действие глицирама-фитопрепарата из флоры Азер-байджана. Азербайджанский фармацевтичес-кий журнал, 2005.№2,c.57–59
- Antioxidant effect of an-titrombotik preparations in the postresuscitation pe-riod.J.D.Mamedov, N.V.Zakharenko. Cons. Congress intern. Society for. Phatophisiology.Moskow,1991,P.333 . Lymph drain morpho-functional state of heart afterclinical death.
- Y.D.Mamedov. XY Annual Scientific Sessions Intern. Society for Heart Res. American Section.1993,p. 199. Ферментный состав лим-фы и механизмы на-рушения лимфатического дренажа печени при аллоксановом диабете
- Нифталиева С.Ф., Мамедов Я.Д., Алиев М.Х. Терапевтический вестник Kаза-хыстана, 2014, № 3(43), с.142–145.
Üzv olduğu elmi qurumlar
[redaktə | mənbəni redaktə et]- Azərbaycan patofizioloqlarının elmi cəmiyyətinin üzvü (Bakı, 1982).
- Ürəyin öyrənilməsi üzrə Beynəlxalq cəmiyyətinin üzvü (London, 1989).
- Beynəlxalq limfoloqlar cəmiyyətinin üzvü (Əndican, 1991).
- Beynəlxalq Patofizioloqlar cəmiyyəti"nin üzvü (Moskva, 1991).
- Azərbaycan Respublikasının allerqologiya,immunologiya və immunreablitasiya Elmi Cəmiyyətinin üzvü.
İstinadlar
[redaktə | mənbəni redaktə et]- Yaşayan insanlar
- 15 sentyabrda doğulanlar
- 1956-cı ildə doğulanlar
- Əlifba sırasına görə alimlər
- Azərbaycan həkimləri
- Azərbaycanlı həkimlər
- Azərbaycan alimləri
- Azərbaycanlı alimlər
- Tibb elmləri doktorları
- Azərbaycan Tibb Universitetinin məzunları
- Azərbaycan Tibb Universitetinin professorları
- Yeni Azərbaycan Partiyasının üzvləri
- Gürcüstan azərbaycanlıları