Nərgiz Kərimova

Vikipediya, azad ensiklopediya
Jump to navigation Jump to search
Nərgiz Kərimova
Nərgiz Kərimova Faiq qızı
Doğum tarixi (52 yaş)
Doğum yeri Azərbaycan, Bakı şəhəri
Vətəndaşlığı Azərbaycan
Atası Faiq Zohrabov
Milliyyəti Azərbaycan
Təhsili Üzeyir Hacıbəyov adına Bakı Musiqi Akademiyası
Mükafatları "Azərbaycan Respublikasının əməkdar artisti" fəxri adı

Haqqında[redaktə | mənbəni redaktə et]

Kərimova Nərgiz Faiq qızı 13 avqust 1970-ci ildə Bakı şəhərində anadan olmuşdur. 1977-88-ci illərdə Bülbül adına orta ixtisas musiqi məktəbində fortepiano sinfində oxumuşdur. 1988-1992-ci illərdə Üzeyir Hacıbəyov adına Bakı Musiqi Akademiyasının vokal sinfini qırmızı diplomla bitirmişdir.

Yaradıcılığı[redaktə | mənbəni redaktə et]

1988-ci ildə Bəstəkarlar İttifaqının keçirdiyi Musiqi Festifalında böyük uğur qazanmış, laureat adına layiq olmuşdur. 1989-cu ildə Bakıda keçirilən «Qızıl payız - 89» Respublika müsaqibəsinin laureatı olmuşdur. 1990-cu ildə Moskva şəhərində keçirilən «Yeni adlar» III Ümumittifaq müsabiqəsinin laureatı olmuşdur. 1991-ci ildə Almata şəhərində keçirilən M.Qlinki adına XIV Beynəlxalq Vokalçılar müsabiqəsində ikinci turda uğurlu çıxışına görə Fəxri fərmanla təltif olunmuşdur. 1994-cü ildənAzərbaycanDövlət Teleradio Şirkətinin solistidir. Moskva, Sankt-Peterburq, London şəhərlərində konsertlərdə uğurla iştirak etmişdir. Dövlət tədbirlərində, Bakının konsert zallarında, Respublika sarayında, Moskvanın «Rossiya» və «Sütunlu» zallarında klassik və müasir əsərləri simfonik və kamera orkesterlərinin müşayəti ilə ifa etmişdir. 2002-ci ilaprelin 1-də Azərbaycan Dövlət Musiqili Komediya Teatrına aktyor vəzifəsinə qəbul edilmişdir. R. Hacıyev «Talelər qovuşanda» Nərgiz, R. Mustafayev, A. Qüdrət «Volqalı canan»da Mülayim, S. Fərəcov, R.N. Güntəkin «Bir günlük siğə»də Mələk, V. Adıgözəlov, Anar «Aldın payını, çağır dayını»da Süsən, Ü. Hacıbəyov «O olmasın, bu olsun»da Gülnaz, "Arşın mal alan”da Gülçöhrə, R. Mirişli, M. Haqverdiyev «Qısqanc ürəklər»də Səbinə, S. Ələsgərov, Ş. Qurbanov "Milyonçunun dilənçi oğlu”nda Bildirçin, İ. Kalman "İdialı qaraçı” da Yulişka, V. Dolidze, A. Saqarelli "Xanuma”da Keto kimi obrazları özünəməxsus ustalıqla oynamışdır. 2003-cü ildə teatr sənəti sahəsində qazandığı uğurlarına görə «İlin ən yaxşı gənc aktrisası» nominasiyası üzrə Fəxri fərmanla təltif edilmişdir. 2012-ci ildə Əməkdar artist fəxri adına layiq görülmüşdür. 2013-cü ildə, 9 may 2018-ci ildə[1], 7 may 2020-ci ildə[2], 7 may 2021-ci ildə[3] və 10 may 2022-ci ildə[4] Prezident Mükafatına layiq görülmüşdür.

İstinadlar[redaktə | mənbəni redaktə et]

  1. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. 2018-06-12 tarixində arxivləşdirilib. İstifadə tarixi: 2018-05-10.
  2. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2020. 2020-09-18 tarixində arxivləşdirilib. İstifadə tarixi: 2020-05-07.
  3. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2021. 2021-11-13 tarixində arxivləşdirilib. İstifadə tarixi: 2021-05-07.
  4. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2022. 2022-05-10 tarixində arxivləşdirilib. İstifadə tarixi: 2022-05-12.

Xarici keçidlər[redaktə | mənbəni redaktə et]

Nərgiz Kərimova Arxivləşdirilib 2018-01-21 at the Wayback Machine