Nadir Məmmədli

Nadir Məmmədli
Məmmədov Nadir Baloğlan oğlu
Doğum tarixi	19 sentyabr 1959 (1959-09-19)
Doğum yeri	Bakı, Azərbaycan SSR, SSRİ
Vətəndaşlıq	Azərbaycan
Elm sahəsi	Dilçilik
İş yeri	Azərbaycan Memarlıq və İnşaat Universiteti
Elmi dərəcəsi	Filologiya elmləri doktoru (2001)
Elmi adı	Professor (2004)
Mükafatları	"Gənc alim", "Ən yaxşı elmi iş", "Rəsul Rza"
Vikianbarda əlaqəli mediafayllar

Nadir Məmmədli (azərb. Məmmədov Nadir Baloğlan oğlu‎; 19 sentyabr 1959, Bakı, Azərbaycan SSR, SSRİ) — filologiya elmləri doktoru (2001), professor (2004), naşir. Azərbaycan Jurnalistlər Birliyi və Azərbaycan Yazıçılar Birliyinin üzvü.

Həyatı

Nadir Məmmədli 1959-cu ilin 19 sentyabrında Bakı şəhərində anadan olub. 1985-ci ildə Bakı Dövlət Universitetinin filologiya fakültəsini bitirib.

SSRİ Elmlər Akademiyasının Dilçilik İnstitutunda, İran İslam Respublikasının Təbrizdəki Dil və Ədəbiyyat Universitetində təcrübə keçib, Azərbaycan Elmlər Akademiyası Nəsimi adına Dilçilik İnstitutunda çalışıb.

1992-ci ildən Azərbaycan Memarlıq və İnşaat Universitetinin Azərbaycan dili kafedrasında müəllim və dosent vəzifəsində işləyir. Rus bölmələrində “Azərbaycan dili”, Azərbaycan bölmələrində “Nitq mədəniyyəti” fənlərindən dərs deyir. Magistr qruplarda isə “Ali məktəb pedaqogikası” fənnini tədris edir.

1989-cu ildə “Müasir Azərbaycan dilində feli sinonimlər” mövzusunda namizədlik, 2001-ci ildə “Müasir Azərbaycan dilində alınma terminlər (1920-1991-ci illər)” mövzusunda doktorluq dissertasiyası müdafiə edib. Filologiya elmləri doktoru, professordur (2004).

90-dan artıq elmi əsər, 300-ə qədər publisistik məqalə müəllifidir. 12 kitabı çap olunub: “Müasir Azərbaycan dilində fellərin leksik sinonimliyi” (1991), “Latın qrafikalı yeni Azərbaycan əlifbası” (1992); “Eski doğu dilleri”. Trabzon (1993); “Azərbaycan dili” (dərslik) (1993); “Moskva Şərq Dilləri İnstitutunun Azərbaycan alimləri” (1876-1930). (1993); “Yunan və latın mənşəli beynəlmiləl termin elementlər” (1994); “Azərbaycanca-rusca danışıq kitabı” (1995); “Alınma terminlərin leksik və semantik xüsusiyyətləri” (1995); “Çağdaş türk ədəbi dilinin izahlı omonimlər sözlüyü” (1995); “Adını mən verdim, yaşını Allah versin (türk şəxs adları lüğəti)” (1995); “Məfaxeri-Azərbaycan”. Təbriz, (1997); “Alınma terminlər (1920-1995)” (1997).

1995-ci ildə Respublika Təhsil Nazirliyinin təsis etdiyi humanitar sahə üzrə “Gənc alim müsabiqəsi”nin və 2000-ci ildə “Alınma terminlər” monoqrafiyasına görə “Ən yaxşı elmi iş” müsabiqəsinin qalibidir.

1996-cı ildə İran İslam Respublikasının Ərdəbil şəhərində çəkilən “Şeyx Səfi” sənədli filminin ssenari müəllifi kimi pul mükafatına layiq görülüb.

Əsərləri Təbriz, Tehran, Trabzon, İstanbul, Mahaçqala, Oş, Bişkek, Perm, Ufa və başqa şəhərlərdə nəşr olunub.

Azərbaycan Jurnalistlər Birliyi və Azərbaycan Yazıçılar Birliyinin üzvüdür.

• Nurlan nəşriyyatının və Elm və təhsil nəşriyyatının direktorudur.

Mükafatları

• "Rəsul Rza" mükafatı (2002)

Filmoqrafiyası

• Şeyx Səfi (film, 1996)

Əsərləri

• "Müasir Azərbaycan dilində fellərin leksik sinonimliyi" (1991),
• "Latın qrafikalı yeni Azərbaycan əlifbası" (1992);
• "Eski doğu dilleri". Trabzon (1993);
• "Azərbaycan dili" (dərslik) (1993);
• "Moskva Şərq Dilləri İnstitutunun Azərbaycan alimləri" (1876-1930). (1993);
• "Yunan və latın mənşəli beynəlmiləl termin elementlər" (1994);
• "Azərbaycanca-rusca danışıq kitabı" (1995);
• "Alınma terminlərin leksik və semantik xüsusiyyətləri" (1995);
• "Çağdaş türk ədəbi dilinin izahlı omonimlər sözlüyü" (1995);
• "Adını mən verdim, yaşını Allah versin (türk şəxs adları lüğəti)" (1995);
• "Məfaxeri-Azərbaycan". Təbriz, (1997);
• "Alınma terminlər (1920-1995)" (1997).
• "Fokuslar", Bakı, "Nurlan", 2010. 144 səh. 500 tiraj. (Tofiq İsgəndərli ilə ortaqlı)