Namiq Hacıheydərli

Vikipediya, azad ensiklopediya
Jump to navigation Jump to search
Namiq Hacıheydərli
Doğum tarixi (45 yaş)
Doğum yeri Varlı, Salyan rayonu, Azərbaycan SSR, SSRİ
Vətəndaşlığı SSRİ SSRİAzərbaycan Azərbaycan
Milliyyəti azərbaycanlı
Təhsili
Fəaliyyəti şair-publisist
Mükafatları Şahmar Əkbərzadə adına Beynəlxalq Ədəbiyyat Mükafatı
Türk Dünyasına Xidmət Ödülü

Namiq HacıheydərliAzərbaycan şairi, araşdırmaçı, Azərbaycan Yazıçılar Birliyinin üzvü (2002), AYB-nin Muğan bölməsinin yaradıcısı və ilk sədri (2008 - 2015).

Həyatı[redaktə | əsas redaktə]

Namiq Hacıheydərli 1975-ci il sentyabrın 8-də Salyan rayonunun Varlı kəndində doğulub. 1990-cı ildə Varlı kənd əsas, 1992-ci ildə Salyan rayonu Yolüstü kənd orta məktəbini bitirib və elə həmin ildə N.Tusi adına Azərbaycan Dövlət Pedaqoji Universitetinin Filologiya fakültəsinə daxil olub. Ali məktəbi 1997-ci ildə bitirib.

Yaradıcılığı[redaktə | əsas redaktə]

1999-cu ildə Salyanın Qaraçala ərazisini əhatə edən "Dan yeri" Ədəbi Birliyini qurub. 2000-ci ildən Dünya Gənc Türk Yazarlar Birliyinin Məclis üzvü,[1] 2002-ci ildən Azərbaycan Yazıçılar Birliyinin üzvüdür. 2008-ci ildə Azərbayacan Yazıçılar Birliyinin Salyanda keçirilən təsis konfransında Muğan bölməsinin sədri seçilib.

Dünya Azərbaycanlılarının I Qurultayının, Azərbaycan Gənclərinin III Forumunun, Azərbaycan Yazıçılar Birliyinin XI Qurultayının, Krımın Yalta şəhərində keçirilən XIV Türk Dünyası Gənclik Günləri və Qurultayının və digər mühüm tədbirlərin iştirakçısıdır.

2010-cu ildə Türk Xalqları Mədəniyyət Vəqfinin Azərbaycan təmsilçisi seçilib.

Yaradıcılığı Türkiyədə, Rusiyada, Hollandiyada, Qazaxstanda və digər ölkələrdə çap olunub.

7 kitabın, yüzə qədər elmi, publisistik və pedaqoji məqalənin müəllifidir.

2015-ci ilin mayında Azərbaycan Yazıçılar Birliyinin Muğan Bölməsinin sədrliyindən bəyənatla istefa verib[2]

Mükafatları[redaktə | əsas redaktə]

2009-cu ildə "Vektor" Beynəlxalq Elm Mərkəzi tərəfindən "Şahmar Əkbərzadə adına Beynəlxalq Ədəbiyyat Mükafatı"na layiq görülüb.

2013-cü ildə "Türk dünyasına xidmət ödülü"nə layiq görülüb.

2015-ci ilin avqust ayında türk dünyası ilə bağlı araşdırmalarına görə Türkiyə Sənət Platformu tərəfindən "2015 TÜRK DÜNYASI HİZMƏT ŞƏRƏF ÖDÜLÜ" ilə mükafatlandırılıb.

Kitabları[redaktə | əsas redaktə]

  • Ey türk doğulan. Bakı: 2012[3]
  • Səni tapan itirməz. Bakı.[4]
  • Söz sənindir. Bakı, “Vektor” Nəşrlər Evi, 2010.[5]
  • Dağ Kolanı dastanı. Bakı.[6]
  • Yaralı Azərbaycan. Bakı.
  • Sözüm sənədi, tanrım. Bakı.
  • Muğanın səsi. Bakı.

İstinadlar[redaktə | əsas redaktə]

  1. "Arxivlənmiş surət". 2013-10-23 tarixində orijinalından arxivləşdirilib. İstifadə tarixi: 2014-03-15.
  2. Azərbaycan Yazıçılar Birliyinin Muğan bölməsinin sədri istefa verdi[ölü keçid]
  3. «Ey Türk doğulan» Namiq Hacıheydərlinin kitabı təqdim olundu
  4. Namiq HACIHEYDƏRLİ – SƏNİ TAPAN İTİRMƏZ
  5. Namiq Hacıheydərlinin yeni şeirlərinin ünvanı – “Söz sənindir”
  6. "Arxivlənmiş surət". 2016-03-10 tarixində orijinalından arxivləşdirilib. İstifadə tarixi: 2014-03-27.

Xarici keçidlər[redaktə | əsas redaktə]