Natiq Məmmədli

Natiq Məmmədli
Natiq Məmmədli
Doğum tarixi	5 may 1977 (48 yaş)
Doğum yeri	Birinci Şahsevən, Beyləqan rayonu, Azərbaycan SSR, SSRİ;
Təhsili	Bakı Dövlət Universiteti;
Fəaliyyəti	tarixçi, jurnalist, yazıçı
Mükafatları

Natiq Adil oğlu Məmmədov (5 may 1977, Birinci Şahsevən, Beyləqan rayonu) — azərbaycanlı yazıçı, jurnalist, tarixçi.^[1]

Həyatı

1977-ci il mayın 5-də Azərbaycan SSR Jdanov rayonunda (Azərbaycan Respublikası Beyləqan rayonu) Birinci Şahsevən kəndində anadan olub.
1998-ci ildə Məhəmməd Əmin Rəsulzadə adına Bakı Dövlət Universitetinin Tarix fakültəsini bitirib. Tarix fakültəsinin əyani aspiranturasında təhsil alıb.
2006-cı ildə "Mərkəzi Asiyada müastəqil türk dövlətlərinin yaranması və Türkiyə ilə qarşılıqlı əlaqələri (1991–2001-ci illə)" mövzüsunda namizədlik dissertasiyasını müdafiə edib (tarix üzrə fəlsəfə doktoru)

1990-cı illərin ikinci yarısından jurnalistika sahəsində çalışır. Müxtəlif KİV-lərdə baş redaktorun müavini, baş redaktor və s. vəzifələrdə çalışıb. Mətbuat tarixinə dair araşdırmaların, oçerklərin müəllifidir. Onun təşəbbüsü və redaktorluğu ilə Azərbaycan mətbuat irsinə, ictimai fikir tarixinə dair bir sıra nəşrlər işıq üzü görüb.
"Ləyaqət düsturu" (hekayələr toplusu, 2012), "Körpüdə ümid" (roman, 2014) kitabları işıq üzü görüb.
"Dolma" hekayəsi 2010-cu ildə Nəsimi Milli ədəbbiyyat mükafatına layıq görülüb.
"Bekketə salam" hekayəsi 2014-cü ildə türkdilli ölkələrin yazarları arasında keçirilən Mahmud Kaşğarlı beynəlxalq hekayə müsabiqəsinin milli seçim turunda ikinci mükafatı qazanıb.
"Körpüdə ümid" romanı 2015-ci ildə Azərbaycan Respublikası Mədəniyyət və Turizm Nazirliyinin nəsr nominasiyası üzrə "Qızıl kəlmə" mükafatını alıb.

2009-cu il "Nəsimi" Milli ədəbiyyat mükafatı.
2010-cu il Azərbaycan respublikasının Əməkdar jurnalisti.
2012-ci il Azərbaycan Mətbuat Şürasının Ali Media Mükafatı.
2015-ci il Azərbaycan Respublikası Mədəniyyət Nazirliyinin "Qızıl kəlmə" mükafatı^[1]

1 2 "Natiq Məmmədlinin "Ləyaqət düsturu"". 4 avqust 2023 tarixində arxivləşdirilib. İstifadə tarixi: 11 iyul 2018.