Neştəryarpaq kallistemon

Neştəryarpaq kallistemon
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Malvids Dəstə: Mərsinçiçəklilər Fəsilə: Mərsinkimilər Yarımfəsilə: Myrtoideae Triba: Melaleuceae Cins: Kallistemon Növ: Neştəryarpaq kallistemon
Beynəlxalq elmi adı
Callistemon lanceolatus Sweet, 1826
Şəkil axtarışı ITIS   27174 NCBI   155884 EOL   5454541

Neştəryarpaq kallistemon (lat. Callistemon lanceolatus) — bitkilər aləminin mərsinçiçəklilər dəstəsinin mərsinkimilər fəsiləsinin kallistemon cinsinə aid bitki növü.

Təbii yayılması:

Cənubi-Şərqi Avstraliya və Tasmaniyada geniş yayılmışdır. Bu növ 1802-ci ildə rəsmi olaraq fransa botaniki Corc Lui Mari Dümon tərəfindən təsvir edilmişdir.

Botaniki təsviri:

Kallistemon 3-5 m hündürlükdə, düz dayanan və ya şaxələnmiş budaqlı, çılpaq gövdəli, sallaq budaqlara malik bitkidir. Yarpaqları neştərvari, yaşıl-sarımtıl rəngli olub, 2-4 sm uzunluqda, 0,3-0,4 sm enində, itiuclu, cod, üstə çıxan, orta və yan damarcıqlı və incə limon qoxusu olan, çoxsaylı nöqtəli, vəziciklidir. Çiçək sünbülləri çox seyrək, uzunluğu 9-10 sm, diametri 6-7,5 sm, tünd qırmızıdır. Erkəkciklərin uzunluğu 3 sm, 50-60 ədəd, 2 dairədə yerləşir. Tozluqları erkəkcik sapları ilə bir rəngdə, ancaq daha tünddür. May-iyun aylarında çiçəkləyir. Meyvələri şarvari formada, növbəti ilin yazında yetişir. Toxumla çoxaldılır. Toxumu tünd qırmızı rəngdə olub, uzunluğu 1,5 mm, eni 1,1 mm-dir.

Ekologiyası:

Bitki rütubətə tələbkardır, işıqsevəndir. Nəmişli, qumlu torpaqlara, çayların sahillərinə, daşlı, quru yamaclara üstünlük verir. Dendrologiya İnstitutunda açıq şəraitdə yaxşı inkişaf edir, lakin çox sərt qışda bitkinin cavan budaqları məhv olur. Yazda bitki özünü bərpa edir.

Azərbaycanda yayılması:

Abşeron və Lənkəranda mədəni şəraitdə becərilir.

İstifadəsi:

Dekorativ bitkidir, qış bağlarında, eləcə də park və bağlarda tək əkinlərdə, interyerlərdə geniş istifadə edilir.