Nindza tısbağalar (film, 1990)

Vikipediya, açıq ensiklopediya
Jump to navigation Jump to search
Nindza tısbağalar
ing. Teenage Mutant Ninja Turtles
Nindza tısbağalar (film, 1990).jpg
Janr Fantastik film
Rejissor Stiv Barron
Prodüser
  • Simon Fields[d]
Baş rollarda Kevin Qleş
Li Coş Pays
Brayan Totixara
Kevin Kleş
Robbi Rist
Kori Feldman
Cudit Hoak
Bəstəkar Con Dü Pre
İstehsalçı Golden Harvest
Limelight Entertainment
888 Productions
Mirage Enterprises
Northshore Investments
Filmin növü Komediya filmi
Döyüş filmi
Vaxt 93 dəqiqə
Büdcə 13,5 mln.
Gəlir 201,965,915
Ölkə Flag of the United States.svg ABŞ
Flag of Hong Kong.svg Honkonq
Dil İngilis dili
Fransız dili
İl 1990
Sonrakı film Nindza tısbağalar 2: Zığın sirri
Commons-logo.svg Vikianbarda əlaqəli mediafayllar

Nindza tısbağalar (ing. Teenage Mutant Ninja Turtles və ya TMNT) — Nindza tısbağalar seriyasının ilk filmidir. 1990-cı ildə irlandiyalı rejissor Stiv Barron tərəfindən çəkilmişdir.[1] Filmin distribüteri New Line Cinema kinokompaniyasıdır.

Məzmun[redaktə | əsas redaktə]

Nyu-York ştatının kanalizasiyasına kolba düşmüşdür. Bu kolbanın içindəki radioaktiv maddə dağılmışdır. Kanalizasiyada yaşayan 4 tısbağa radioaktiv maddə qidalanan zaman onlarda mutasiya gedir. Tısbağalar getdikdə böyüyür və mutant tısbağalara dönürlər. Mutant tısbağaları başqa bir mutant siçovul – sensey Splinter tapır. Splinter onları böyüdür və tərbiyə edir. Həmçinin, onlara döyüş sənətinin sirlərini öyrədir. Splinter həmin döyüş sənətlərinin sirlərini kiçik yaşlarında müəllimindən öyrənmişdir. Müəlliminin isə sevdiyi şəxs var idi. Lakin cütlüyün bir-birinə münasibətindən xoşlamayan Oroku Saki (və ya Şreder) onu öldürür. Bu zaman Splinter ona müqavimət göstərərək üzündə çırmaq izi qoyur. Lakin əvəzində bir qulağını itirir. Baş verən hadisədən sonra Splinter söz verir ki, müəlliminin intiqamını ondan mütləq alacaqdır.

Nyu-York şəhərində çoxlu oğurluq hadisələri baş verir. "Channel 3" televiziya kanalının müxbiri Eypril O’Nil küçə oğrularının hücumuna məruz qalır. Bu zaman hər tərəf qaranlıq olur. İşıq yananda isə oğruların hamısının əlləri bağlı olur. Bu zaman Eypril kanalizasiya qapağının yanına bir qılın görür və onu özü ilə birlikdə aparır. Əslində, qılınc tısbağalara məxsus olur.

Tısbağalar günlərin birində gecə vaxtı fəaliyyətlərini davam etdirən zaman küçə oğrularından biri olan Keysi Consla rastlaşırlar. Keysi Cons onlara müqavimət göstərir və qaçmağı bacarır. Bu müddətdə Eypril həyat yoldaşı ilə boşanma ərəfəsində olur. Onların övladı Denni Penninqton valideynlərindən xəbərsiz oğru bandasına qoşulmuşdur. Bandanın başçısı isə Şrederdir. Bu banda cavan yaşlı yeniyetmələ nindzalığı və oğruluq etməyi bacarığını öyrədir.

Tısbağalar Eyprilin evinə gəlirlər. Eypril tısbağalardan çəkinsə də, bir müddət sonra onlara qarşı yaxşı münasibət bəsləməyə başlayır. Tısbağalar isə daha çox pitsa yeməyi xoşlayırlar. Lakin bir gün Eyprilin evinə nindza bandası hücum edir. Dörd tısbağa, Eypril və onlara kömək üçün yetişən Keysi Cons evi tərk etməyə məcbur olurlar. Kanalizasiyaya geri dönən zaman tısbağalar Splinterin burada olmadığını görürlər. Onlar başa düşürlər ki, müəllimlərini nindza bandası oğurlayıb.

Splinter qaranlıq otağa salınır. Burada Denni ilə rastlaşır. Splinter ona öz barəsində hər şeyi danışmağa başlayır. Bu vaxtda tısbağalar döyüş qabiliyyətlərini artırmağa çalışırlar və bu məqsədlə məşqlərə başlayırlar. Məşqlərini bitirdikdən sonra Splinterin ruhu ilə əlaqə yaradırlar. Bu isə onlarda qələbə inamını daha da artırır. Bu müddətdə Şreder onların hücum edəcəyini başa düşür. Keysi Cons Eyprilə aşiq olur. Bir müddət keçdikdən sonra Keysi Denninin nindza oğrular bandasına qoşulduğundan xəbər tutur. Keysi nindzalardan birini məğlub edərək, onun paltarını geyinir və bandaya daxil olur. Bu müddətdə Denni Splinteri dustaq edildiyi otaqdan xilas etməyə çalışır. Lakin Şrederin baş köməkçisi olan Tatsu heyət üzvləri ilə onun qarşısını alır. Bu zaman Keysi onlara yetişir və Tatsunu məğlub edir. Keysi heyət üzvlərinə ailələrinin burada yox, evlərində, valideynlərinin yanında olduğunu bildirir.

Nəhayət, tısbağalar Şreder ilə rastlaşırlar. Onlar Şreder ilə döyüşürlər. Lakin Şrederin öhdəsindən gələ bilmirlər. Onların güclü olmalarına baxmayaraq Şreder tısbağaların hər birini məğlub etməyi bacarır. Bu zaman qəflətən tısbağaların müəllimi Splinter peyda olur. Şreder maskasını çıxarır və ona hücum edir. Lakin Şreder onun öhtəsindən gələ bilməyərək məğlub olur. Artıq baş verən hadisələr geridə qalmış və tısbağalar uğurlu fəaliyyətlərinə davam etməyə hazırlaşırlar.

Rollarda[redaktə | əsas redaktə]

Aktyor/aktrisa Rol Qeydlər
Kevin Kleş Splinter həm səsləndirən, həm də canlandırandır
Li Coş Peys Rafael həm səsləndirən, həm də canlandırandır
Devid Formen Leonardo səsləndirən: Brayan Toçi
Mişlen Sisti Mikelancelo səsləndirən: Robbi Rist
Leyf Tilden Donatello səsləndirən: Kori Feldman
Cudit Hoak Eypril O’Nil Televiziya müxbiridir
Elias Koteas Keysi Cons Küçə oğrularından biridir
Maykl Törni Denni Penninqton Çarlz və Eyprilin oğludur
Ceyms Saito Oroku Saki Şredder və ya Oroku Saki, səsləndirən: Devid MakÇaren
Tosisiro Obata Tatsu Şrederin baş köməkçisi, səsləndirən: Maykl MakKonnohi
Sem Rokuell yoxdur Şrederin dəstəsinin başçısıdır
Cey Pitterson Çarlz Penninqton Eyprilin həyat yoldaşı və Denninin atası (məzmuna görə Çarlz və Eypril boşanırlar)

Maraqlı faktlar[redaktə | əsas redaktə]

  • Tatsu rolunu ifa edən Toşiro Obata Şinkendo və Şinokan Aykido növü ustadır.

İstinadlar[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]