Noşi
Noşi (熨斗?) – Yaponiya mədəniyyətində hədiyyələrə yapışdırılan oriqami ornamenti. Uğur diləmək üçün istifadə olunur və abalonu təmsil edir.[1]
Tarixi[redaktə | mənbəni redaktə et]
Yaponiya mətbəxində qida məhsulu istifadə olunan abalonlar keçmiş dövrlərdə dini əhəmiyyətə malik idi və qızardılaraq dini qida kimi kamilərə təqdim olunurdu. Belə ki, yapon dilində abalon tikəsini bildirmək üçün "noşiavabi" sözündən istifadə olunur. Yapon dilində "noşi" sözü "uzanmaq" mənasına gəldiyi üçün abalonlar uzunömürlülük diləmək üçün təqdim olunan qida məhsulu kimi tanınmışdır və əhəmiyyətli tədbirlər üçün göndərilmiş hədiyyələrin üstünə əlavə olunurdu.[2]
Tədricən noşi adəti sadələşmiş və uğur dilmək üçün kağızdan hazırlanmış noşilər hazırlanmağa başlanmışdır.[2] Müasir dövrdə noşilər toy, ad günü kimi tədbirlər üçün göndərilmiş hədiyyələrə yapışdırılan oriqami ornamentidir. Bəzən kağızdan hazırlanmış noşi yerinə noşi simvolundan istifadə olunur.[3]
Hazırlanması[redaktə | mənbəni redaktə et]
Noşi hoşoqami adlı bərk kağızdan hazırlanır və mizuhiki adlı xüsusi iplə bağlanır. Hazırlanması zamanı ağ və qırmızı kağızdan, eləcə də, sarı zolaqdan istifadə olunur. Sarı zolaq abalonu təmsil edir. Daha az formal hədiyyələr üçün ucuz materiallardan istifadə olunur.[3]
Noşinin bir neçə növü var. "Uzun noşi" mənasına gələn naqanoşi nişan və toy adətlərində təqdim olunur. "Dekorativ noşi" mənasına gələn kazarinoşi şam, bambuk və ərik ornamanetlərindən ibarət olur. İki tərəfdən də qatlanmış noşi növü ryorinoşi adlanır.[3]
İstinadlar[redaktə | mənbəni redaktə et]
- ↑ Perkins, 1991. səh. 1
- ↑ 1 2 "Noshi (traditional Japanese gift ornament)". Japanese Wiki Corpus (ingiliscə). 22 May 2024 tarixində arxivləşdirilib. İstifadə tarixi: 22 may 2024.
- ↑ 1 2 3 Kodansha Encyclopedia of Japan. səh. 41
Ədəbiyyat[redaktə | mənbəni redaktə et]
- Perkins, Dorothy. Encyclopedia of Japan: Japanese History and Culture, from Abacus to Zori. Roundtable Press. 1991. səh. 1. ISBN 0-8160-1934-7. İstifadə tarixi: 22 may 2024.
- Kodansha Encyclopedia of Japan (ingiliscə). VI cild (Niju–Saka). Tokio: Kodansha. 1983. səh. 41. ISBN 0-87011-626-6. İstifadə tarixi: 22 may 2024.
Xarici keçidlər[redaktə | mənbəni redaktə et]
Vikianbarda Noşi ilə əlaqəli mediafayllar var.
