Nomentan yolu

Vikipediya, azad ensiklopediya
Jump to navigation Jump to search
Nomentan yolunun xəritəsi

Nomentan yolu (lat. Via Nomentana) - İtaliyada Romadan keçən və Lazioda yerləşən Nomenta şəhərindən (lat. Nomentum) 23 km şimal-şərqdə yerləşən qədim yoldur.

Əvvəllər yol, Fikuliya yolu (lat. Via Ficulnensis) adlanırdı. Bunun səbəbi yolun Romadan 13 km məsafədə yerləşən etrusk-latın şəhəri olan Fikuleyaya (lat. Ficulea) qədər çatması idi. Sonralar yolu Nomentaya qədər uzatdılar və onun adı da dəyişdi. Zaman keçdikcə Nomentan yolunu bir az da uzatdılar və o, Adriatik dəniz sahilindəki Truentə (lat. Castrum Truentinum) qədər çatan Salariya yolu ilə birləşdi.

Romadakı yol Serviya divarının Kollin qapısından başlayırdı. Sonralar Mikelancelonun yerində Piya qapılarını tikdiyi ərazidə isə Nomentan qapıları inşa olundu.

Yol boyu katakombalar da yerləşir. Məsələn Villa Torloniyanın altındakı katakombalar və San Anyeze fuori le Mura bazilikasının altındakı Müqəddəs Aqnessanın katakombaları yol üzərindədir.

Ədəbiyyat[redaktə | əsas redaktə]