Məzmuna keç

Oleq Səfərəliyev

Vikipediya, azad ensiklopediya
Oleq Səfərəliyev
Doğum tarixi 13 oktyabr 1952(1952-10-13)[1] (73 yaş)
Doğum yeri
Fəaliyyəti Rejissor
Təhsili
IMDb ID0755794

Oleq Səfərəliyev (13 oktyabr 1952[1], Talas rayonu[d], Cambul vilayəti) — rejissor, ssenari müəllifi və film prodüseri.[2]

Həyatı

[redaktə | vikimətni redaktə et]


Oleq Səfərəliyev 13 oktyabr 1952-ci ildə Qazaxıstanın Cambul vilayətində anadan olub.

1973-cü ildə Azərbaycan Pedaqoji İnstitutunun tarix fakültəsini, 1988-ci ildə Ümumittifaq Dövlət Kinematoqrafiya İnstitutunun rejissorluq fakültəsini – Sergey Solovyovun emalatxanasını bitirib.

1987-ci ildə “Murad-Sad” adlı diplom işini çəkib və elə o vaxtdan “Mosfilm”ə dəvət olunub.

1991-ci ildə Azərbaycan Dövlət Rus Dram Teatrında Xalq yazıçısı Rüstəm İbrahimbəyovun “Ailə çərçivəsi” pyesini səhnələşdirib.

1993-2003-ci illərdə Rusiyanın “ORT”, “RTR” və başqa telekanallarında fəaliyyət göstərib.

1995-2005-ci illərdə “Avrasiya-Film” kino şikrətinin baş prodüseri olub.

“Canlı yayım” (1989, rejissor), “Kilsə”(sənədli film, 2003), “Müdriklərlə söhbətlər”(sənədli film, 2004), “Ka-De-Bo” (2007, rejissor, ssenari müəllifi, prodüser), “Savva Morozov” (2007, serial, rejissor), “Petrovka 38, Semyonovun komandası” (2009, rejissorlardan biri, serial), “Qorxu mağarası” (2010, rejissor), “Dəlisov yubiley” (2011, kreativ prodüser), “Növbətçi mələk-2” (2012, serial, rejissor ), “Qadınlar və digər bəlalar” (2014, serial, rejissor) filmlərini çəkib.

2014-cü ildə Şəki televiziyası üçün “Yeni il səfəri” adlı musiqili televiziya filmini çəkib.

Filmoqrafiya

[redaktə | vikimətni redaktə et]
  1. Murad-Sad (film, 1988)
  2. Birbaşa efir (film, 1989)
  3. Çalışan adam (film, 1996)
  4. Prezident və xanımı (film, 1996)
  5. Əlvida, cənub şəhəri (film, 2006)
  6. Qar kraliçası (film, 2006)
  7. Savva Morozov (serial, 2007)
  8. Petrovka, 38. Semenovun komandası (serial, 2008)
  9. Məni tap (film, 2010)
  10. Dəlisov yubiley (film, 2011)
  11. Növbətçi mələk 2 (serial, 2012)
  12. Qadınlar və digər problemlər (serial, 2014)
  13. Ka-de-bo (film, 2016)

Mənbə

[redaktə | vikimətni redaktə et]
  • Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 816.

İstinadlar

[redaktə | vikimətni redaktə et]
  1. 1 2 Oleg Safaralijev // Česko-Slovenská filmová databáze (çeş.). 2001.
  2. ↑ "Олег Сафаралиев". Кинопоиск. 23 may 2022 tarixində arxivləşdirilib. İstifadə tarixi: 1 iyul 2024.
Mənbə — "https://az.wikipedia.org/w/index.php?title=Oleq_Səfərəliyev&oldid=8602316"