Osmanlı şeyxülislamları üçün mənbəyə bax

'''Osmanlı şeyxülislamı''' ([[Osmanlı türkcəsi]]: شيخ الإسلام) — [[Osmanlı imperiyası]]nda dini və hüquqi işləri yürüdən dövlət xadimi.

== Etimologiyası ==
Lüğətlərdə “yaşlı kimsə, rəis, bilgin” mənasını verən şeyx və İslam sözlərindən ibarət şeyxülislam ifadəsi [[İslam]] dünyasında öndə gələn üləma və [[Sufizm|sufilərə]] verilən bir şərəf ünvanı olaraq [[X əsr]]in ikinci yarısında meydana gəlmiş, daha sonra ''“alimlərin ən böyüyü, rəisi”'' mənasını qazanaraq bir rütbə halını almışdır. [[XI əsr]]də [[Xorasan]]dakı [[Şafi məzhəbi|şafilərin]] başındakı alimlərə şeyxülislam ünvanı verilirdi. Zamanla bu ifadə geniş istifadə edilməyə başlanmış, [[Məmlüklər]]də din xadimlərinə verilən şərəf ünvanına çevrilmişdir. [[İran]]da isə şeyxülislamlıq [[Osmanlı imperiyası|Osmanlılar]]da olduğu kimi rəsmi bir mahiyyət qazanmış, [[Səfəvilər]] dönəmində dini məhkəmənin rəisinə verilən bir ünvan olaraq istifadə edilmişdir.

== Osmanlı dönəmi ==

=== Meydana gəlişi və ilk illəri ===
Şeyxülislamlığın dini bir vəzifə halına gəlməsi isə [[Osmanlı imperiyası|Osmanlılar]]ın dövrünə təsadüf edir. [[Osmanlı imperiyası|Osmanlılar]]da şeyxülislamlığın quruluş tarixi və bu vəzifəyə ilk dəfə kimin gətirilməsi ilə bağlı fərqli iddialar var. Uzun illər [[Bursa]] [[qazı]]sı olan [[Molla Şəmsəddin Fənari|Molla Fənari]]nin [[1425]]-ci ildə Bursa müftiliyinə gətirilməsi, əsasən [[Osmanlı imperiyası|Osmanlılar]]da müftilik və şeyxülislamlığın başlanğıcı olaraq qəbul edilir.<ref name=":0">Ekrem Kaydu, “Osmanlı Devletinde Şeyhülislamlık Müessesesinin Ortaya Çıkışı”, ''İİFD'', sy. 2 (1977), s. 201-209.</ref> Ancaq bunu [[XVI əsr]]də bütün elm sahəsini təmsil və idarə edən şeyxülislamlıq qurumu ilə eyniləşdirmək mümkün deyil. Əslində şeyxülislam ünvanı [[İstanbul]] müftisi üçün istifadə edilən bir ünvan idi və [[XVI əsr]]in əvvəllərində dövlətin daxilində aparılan yenidən təşkilatlanma ilə bürokratik bir reformasiya keçirmişdir. [[XVII əsr]]də şeyxülislamların siyasi nüfuzu daha da artmış, daha sonralar qurum olaraq durmadan böyüyərək [[XIX əsr]]dəki islahatların ardından hökumət kabinetlərinə daxil olmağa başlamışdır.<ref name=":0" /><ref name=":1">R. W. Bulliet, “The Shaikh al-Islām and the Evolution of Islamic Society”, ''St.I'', XXXV (1972), s. 53-68.</ref>

[[XV əsr]]də [[Molla Şəmsəddin Fənari|Molla Fənari]], [[Molla Fəxrəddin Əcəmi|Fəxrəddin Əcəmi]], [[Molla Əbdülkərim]], [[Molla Hüsrəv]], [[Molla Gürani]] kimi alimlər [[II Murad]] və [[II Mehmed|Fateh Sultan Mehmed]] dönəmlərində müftilik rütbəsinə gətirilmişdir.<ref>M. M. Pixley, “Erken Osmanlı Tarihinde Şeyhülislam’ın Gelişimi ve Rolü” (trc. Nuri Çevikel), ''Türkiye Günlüğü'', sy. 60, Ankara 2000, s. 99-106.</ref> Ancaq dövrün yazılı mənbələrində bunlardan heç biri şeyxülislam olaraq anılmamışdır. Yalnız [[II Mehmed|Fateh Sultan Mehmed]]in [[Fateh Qanunnaməsi|təşkilat qanunnaməsi]]ndə şeyxülislamın üləmanın rəisi olması ilə bağlı yazılan bölümlə bu ünvan rəsmi mahiyyət qazanmışdır.<ref name=":0" /><ref name=":2">Fâtih Sultan Mehmed, ''Kānûnnâme-i Âl-i Osman'' (nşr. Abdülkadir Özcan), İstanbul 2003, s. 5, 22.</ref>

=== İnkişaf dövrü ===
[[XVI əsr]]in əvvəllərində [[Zənbilli Əli Əfəndi]]nin [[II Bəyazid]] və [[I Səlim|Yavuz Sultan Səlim]] səltənətlərindəki 23 illik ([[1503]]-[[1526]]) şeyxülislamlığı bu rütbə üçün vəzifə və öhdəliklər baxımından dönüm nöqtəsi olmuşdur. Bu istiqamətdə mühüm addımların atıldığı bu dövrdə şeyxülislamlara bəzi əlavə məsuliyyətlər verilmişdir. Məsələn, [[II Bəyazid]]in [[İstanbul]]da inşa etdirdiyi mədrəsədə şeyxülislamların dərs verməsi şərt qoyulmuş, mədrəsənin daxil olduğu [[Bəyazid məscidi|Bəyazid külliyəsi]]nə ümumi nəzarət də onlara verilmişdir. Bu dövrdə şeyxülislamlığın önə çıxmasında əlbəttə ki, [[Zənbilli Əli Əfəndi]]nin şəxsi keyfiyyətləri də mühüm rol oynamışdır. Belə ki, onun [[I Səlim|Yavuz Sultan Səlim]]in aldığı bəzi qərarlara etiraz etməsi və sultanların həm dünyəvi, həm də dini məsələlərinə yön verilməsinin şeyxülislamların vəzifəsi olduğunu bildirməsi gələcək illərdə bu rütbənin ön plana çıxacağına işarə edir. [[Zənbilli Əli Əfəndi]]dən sonra şeyxülislamlığa gətirilən [[Kamalpaşazadə Əhməd Şəmsəddin Əfəndi|Kamalpaşazadə]] və [[Sadullah Sədi Əfəndi|Sədi Çələbi]] vəzifə müddətləri əsnasında verdikləri fətvalar və aldıqları qərarlarla bu vəzifənin dövlət nəznindəki nüfuzunu daha da artırmışdır. Fikirləri, məsələlərə baxışı və xarakteri səbəbilə haqqında ciddi müzakirələr aparılan ilk şeyxülislam isə şübhəsiz [[Çivizadə Muhiddin Mehmed Əfəndi|Çivizadə Muhiddin Əfəndi]]dir. Onun ənənə halını almış sistemə müxalif olaraq aldığı fətvalar vəzifədən alınmasına yol açmışdır. Onun [[İbn əl-Ərəbi]], [[Mövlana Cəlaləddin Rumi|Mövlanə Cəlaləddin Rumi]] kimi İslam dünyasının ən tanınmış şəxsiyyətlərini ciddi şəkildə tənqid etməsi və pulun vəqf edilməsi məsələsinə qarşı çıxması üləma zümrəsində güclü qarşıdurmalara, başda [[Əbussuud Əfəndi|Əbusuud Əfəndi]] olmaqla bir çox alimlə fikir ayrılığına düşməsinə səbəb olmuşdur. Hətta [[Qazəsgər|Rumeli qazəsgəri]] olan [[Əbussuud Əfəndi|Əbusuud Əfəndi]] fikirlərinə qarşı olduğu şeyxülislamın bu məsələlərə dair fətvalarından bəzilərini divan məclisinə təqdim edərək bu mübahisəni dövlət məsələsi halına çevirmişdir. Bütün bu hadisələri yaxından izləyən dövrün padşahı [[Sultan Süleyman Qanuni]] isə üləmaların və vəzirlərin toplanmasını və bu məsələnin həll edilməsini əmr etdi. Nəticədə [[Çivizadə Muhiddin Mehmed Əfəndi|Çivizadə Muhiddin Əfəndi]] təqsirli qəbul edilmiş, beləcə [[Çivizadə Muhiddin Mehmed Əfəndi|Çivizadə]] vəzifədən alınan ilk Osmanlı şeyxülislamı olmuşdur. [[Əbussuud Əfəndi|Əbusuud Əfəndi]]nin şeyxülislamlığı əsnasında bu quruma bəzi bürokratik dəyişikliklər edilmiş, onun 23 il davam edən şeyxülislamlığı bu qurumda dərin izlər buraxmışdır. Şeyxülislam olaraq təsdiq etmədiyi qərarlara ''“Nâ-meşrû nesneye emr-i sultânî olmaz”'' (''“Qanuni olmayan şeylər sultan əmriylə olmaz”'') deyərək qarşı çıxmış, buna  baxmayaraq yazdığı fətvalarda və aldığı qərarlarda dövlətin təməl prinsiplərinə riayət etmişdir. Beləcə, şeyxülislamlığın siyasi gücü ön plana çıxmışdır.<ref name=":3">Zahit Aksu, ''Le Šayḫ al-Islam Abū’s-Suʿūd et ses fatwās en droit pénale'' (doktora tezi, 1971), Faculté des Lettres et des Sciences Humaines de Paris.</ref>

[[XVI əsr]]in ortalarında inzibati vəzifələri artan şeyxülislamlar əsrin sonlarında dövlətin siyasi həyatında sədrəzəmlərlə bərabər rol oynamağa başlamışdır. [[XVII əsr]]də dövlət təşkilatında yaranan dəyişiklik və zəiflik, elm sahəsinə, eləcə də onun başındakı şeyxülislamlığa təsir etmişdir. Şeyxülislam [[Xocasadəttinzadə Mehmed Çələbi Əfəndi|Xocazadə Mehmed Əfəndi]] üləma iyerarxiyasını qorumağa çalışmış, bu istiqamətdə vəzirlərlə ziddiyyət yaranmışdır. Ordu mənsublarının iqtidarda söz sahibi olduğu, sultanların taxtdan devrildiyi bu dönəmlərdə şeyxülislamların vəziyyəti də dəyişməyə başladı. [[Ədirnə hadisələri (1703)]] və [[Patrona Xəlil üsyanı|Patrona Xəlil üsyanları]]nda ([[1730]]) şeyxülislamların siyasətə qarışması bu qurumun önəmli həcmdə nüfuz itirməsinə səbəb olmuşdur. [[XIX əsr]]də [[Yeniçəri|yeniçəri ocağı]]nın ləğvindən sonra şeyxülislamın və üləma zümrəsinin gücü azalmağa başlamış, [[Tənzimat islahatları|Tənzimat dönəmi]] və ikinci məşrutiyyətin ardından bu vəziyyət daha açıq hal almışdır.<ref>M. C. Zilfi, ''Dindarlık Siyaseti, Osmanlı Uleması, Klasik Dönem Sonrası'' (trc. Mehmet Faruk Özçınar), İstanbul 2008.</ref>

=== Təyinat məsələsi ===
Osmanlı tarixi boyunca şeyxülislamların təyinatı sultanla [[sədrəzəm]]ə bağlı bir məsələ olmuşdur. Elm sahəsinin sabit inkişaf keçirdiyi [[XVI əsr]]də şeyxülislamların təyini, müəyyən bir təhsil və təcrübəyə xas olan üləmalar arasından sədrəzəmin təklifi və sultanın təsdiqi ilə baş tuturdu. Bu dönəmdə [[Qazəsgər|Rumeli qazəsgərləri]]nin şeyxülislamlığa gətirilməsi adət halını almışdır. Daha öncəki dönəmlərdə isə tanınmış bir alimin qazəsgərlikdən, qazılıqdan, hətta müdərrislikdən müftiliyə yüksəlməsi müşahidə edilmişdir. Belə ki, [[Molla Şəmsəddin Fənari|Molla Fənari]] [[müdərris]] və [[Bursa]] [[qazı]]sı ikən, [[Molla Fəxrəddin Əcəmi|Fəxrəddin Əcəmi]] isə [[Ədirnə]]də müdərris ikən müftiliyə gətirilmişdir. [[Zənbilli Əli Əfəndi]] müdərrislikdən azad edilməsinin ardından, daha öncə [[qazəsgər]] olan [[Kamalpaşazadə Əhməd Şəmsəddin Əfəndi|Kamalpaşazadə]] isə müdərrislikdən birbaşa şeyxülislamlığa təyin edilmişdir. [[Qazəsgər|Rumeli qazəsgərliyi]]ndən birbaşa şeyxülislamlığa təyin edilən ilk şəxs isə [[Əbussuud Əfəndi|Əbusuud Əfəndi]]dir.<ref name=":3" /> Bundan sonra [[Qazəsgər|Rumeli qazəsgərliyi]]ndən şeyxülislamlığa keçid ənənə halını almışdır.

Qurumun 5 əsrlik tarixi boyunca 131 müfti və şeyxülislam xidmət etmişdir. Bunlar arasında ən uzun müddət vəzifədə qalan [[Əbussuud Əfəndi|Əbusuud Əfəndi]] (29 il), ən qısası isə [[Məmikzadə Mustafa Əfəndi]]dir (13 saat). [[XVI əsr]]in sonlarından etibarən bəzi alimlər bu vəzifəyə bir neçə dəfə gəlməyə başladılar. Bunun ən tipik nümunəsi isə [[1599]]-[[1608]]-ci illərdə 4 dəfə şeyxülislam olan [[Hacı Mustafa Sunullah Əfəndi|Hacı Sunullah Əfəndi]]dir. [[Dürrizadə Mustafa Əfəndi]] də təcrübəsi və nüfuzu sayəsində [[1756]]-[[1774]]-cü illərdə 3 dəfə bu vəzifəyə təyin edilmişdir. Öncəki zamanlarda ömür boyu verilən bu rütbə, [[XVII əsr]]dən etibarən şeyxülislamlar tez-tez dəyişdirilməyə başlanmışdır. Onların vəzifədən alınmaları isə üsyana bilavasitə qarışma və ya tərəf tutma, sədrəzəmlə uyuşmazlıq, təyinat məsələlərinə qarışma, siyasi çəkişmə, iqtisadi və siyasi məsələlərdə müxalifət aparma, yaşlılıq və ya xəstəlik səbəblərinə əsaslandırılmışdır. Şeyxülislamların vəzifədən alınması onlara baş çavuş vasitəsilə bildirilirdi. Ancaq [[Başmaqçızadə Əli Əfəndi]] və [[Dürrizadə Mustafa Əfəndi]] nümunəsində olduğu kimi, sultanın dəyər verdiyi bəzi şeyxülislamlara bu xəbər rəisülküttab tərəfindən bildirilmişdir. Ənənəyə görə, üləma zümrəsindən olanlara verilən ən böyük cəza vəzifədən alınma və sürgün edilmədir. Bununla yanaşı Osmanlı tarixində bəzi istisna hallar müşahidə edilmişdir. [[Ahizadə Hüseyn Əfəndi|Ahizadə Hüseyn]], [[Xocazadə Məsud Əfəndi|Xocazadə Məsud]] və [[Seyid Feyzullah Əfəndi]] törətdikləri fəsadlıqlar və siyasətə qarışmaları səbəb göstərilərək ölümlə cəzalandırılmışdır.

=== Gəlirləri ===
Dövlət iyerarxiyasında şeyxülislamlar gəliri ən yüksək olanlar arasında yer alırlar. [[XVI əsr]]in sonlarından etibarən maaşla birlikdə, arpalıq deyilən [[iqta]] torpaqlarının verilməsinə də başlanılmış, ilk arpalıq məhz [[Bostanzadə Mehmed Əfəndi]]yə verilmişdir. Bununla bağlı verilən fərmanda [[Bostanzadə Mehmed Əfəndi|Bostanzadə]]yə 50 min axcalıq arpalıq verildiyi qeyd edilir. [[1603]]-cü ildə şeyxülislam olan [[Əbülməyamin Mustafa Əfəndi]]yə indiki [[şimali Makedoniya]] ərazisindən 60 min axcalıq arpalıq verilmiş, [[1604]]-cü ildə isə 600 axca təqaüdlə vəzifədən alınmışdır. Vəzifədən alınan şeyxülislama maaş və ya arpalıq şəklində ödəmə verilir, ölümündən sonra bunun bir qismi ailəsinə, geri qalanı isə xəzinəyə təhvil verilirdi. Vəzifədən alınan şeyxülislamlar, onlara verilən arpalıqlara şəxsən getməmiş, bunun yerinə naiblərini göndərmişdir. Buna baxmayaraq bəzi zamanlar bu qərara ciddi nəzarət edilmişdir. Belə ki, [[Həmidizadə Mustafa Əfəndi]] verdiyi fətvayla sabiq şeyxülislamları arpalıq olaraq aldıqları əyalətlərə məcburi şəkildə göndərmiş, bu vəziyyət üləma arasında narazılıqlara və [[Həmidizadə Mustafa Əfəndi|Həmidizadə]]nin vəzifədən alınmasına yol açmışdır.

=== Bürokratiyada yeri ===
Şeyxülislamın protokol və iyerarxiyadakı yerini göstərməsi baxımından [[Fateh Qanunnaməsi|Fateh qanunnaməsi]] ilk rəsmi sənəd olaraq qəbul edilir.<ref name=":2" /> Burada şeyxülislamın üləmanın rəisi olduğu və sədrəzəmin şeyxülislama, eləcə də sultanın müəllimlərinə təşrifat sırasında özündən öndə yer verməli olduğu qeyd edilir.<ref>''Teşrîfât-ı Kadîme'', tür.yer.</ref> [[XVI əsr]] sədrəzəmlərindən [[Çələbi Lütfi Paşa|Lütfi Paşa]]nın yazdığı “Asəfnamə” əsərində sədrəzəmlərin [[Qurban bayramı|Qurban]] və [[Ramazan bayramı|Ramazan bayramlar]]ında və ya xəstəlik halında şeyxülislamı ziyarət etməli olduğu, sultanın müəllimlərinin protokolda şeyxülislamlardan daha üstün olduğu ifadə edilir.<ref>Lutfi Paşa, ''Âsafnâme'' (nşr. Mübahat S. Kütükoğlu), İstanbul 1991, s. 17.</ref> Sədrəzəmlərin şeyxülislamları ziyarəti, ilk dəfə [[1584]]-cü ildə [[sədrəzəm]] [[Özdəmiroğlu Osman Paşa]]nın [[III Murad]]ın əmriylə [[Çivizadə Hacı Mehmed Əfəndi|Çivizadə Mehmed Əfəndi]]ni ziyarətiylə başlamış, sonrakı illərdə bu ənənə halını almışdır. Osmanlı bürokratiyasında, demək olar ki, bütün yüksək vəzifələrə tədbiq edilən payə sistemi (namizəd göstərmə) yalnız sədarət və şeyxülislamlığa aid edilməmişdir. İstisna hal kimi [[Qaraçələbizadə Əbdüləziz Əfəndi]] [[1649]]-cu ildə [[Qazəsgər|Rumeli qazəsgəri]] ikən yazdığı əsəri [[IV Mehmed]]ə təqdim etmiş, əsəri bəyənən sultan tərəfindən şeyxülislamlıq payəsi ilə təltif edilmişdir. Sultanın müəllimi əgər şeyxülislamlığa təyin edilirsə, “camiur-riyasəteyn” ünvanı alırdı. [[Xoca Sadəttin Əfəndi|Xoca Sadəttin]], [[Seyid Feyzullah Əfəndi|Seyid Feyzullah]] və [[Həsən Fəhmi Əfəndi]] bu ünvanla anılmışdır. Bəyəfəndi ünvanı isə adətən paşa nəvəsi olanlara verilirdi. [[İvazpaşazadə İbrahim Bəyəfəndi|İvazpaşazadə İbrahim]], [[Əhməd Arif Hikmət Əfəndi|Arif Hikmət]], [[Əhməd Muxtar Bəyəfəndi|Əhməd Muxtar]], [[Pirizadə Mehmed Sahib Əfəndi|Pirizadə Sahib]] və [[Dürrizadə Abdullah Bəyəfəndi|Dürrizadə Abdullah Əfəndi]] bu ünvandan istifadə etmişdir.<ref>R. C. Repp, ''The Müfti of Istanbul: A Study in the Development of the Ottoman Learned Hierarchy'', London 1986.</ref>

Fətvalar adətən fətva əminləri tərəfindən yazılır, cavab bölümləri isə şeyxülislam tərəfindən yazılaraq şəxsən imzalanırdı. [[Dürri Mehmed Əfəndi]] [[1736]]-cı ildə [[iflic]] keçirməsinin ardından fətvaları imzalamaqda çətinlik çəkmiş, bu səbəblə [[I Mahmud]] hazırlanan sənədləri möhürlə təsdiqləməsi üçün xüsusi icazə vermişdir. İmza yerinə möhür istifadə edən başqa şeyxülislamlar da olmuşdur.

Şeyxülislamlar başlarına üləmaya xas olan ağ dolama başlıq taxır, bunlar arasından [[seyid]] olanlar bu başlığa yaşıl tül dolayırdılar. Mərasim geyimi olaraq isə samur kürklə bəzədilən və ''“fərveyi bəyza”'' adlanan ağ xələt geyinilirdi. Vəzifəyə yeni gətirilən şeyxülislamlar saraya çağırılır, təyinatla bağlı məlumat verilir və mərasimlə ''“fərveyi bəyza”'' deyilən mərasim geyimi geyindirilirdi. [[Bayramzadə Zəkəriya Əfəndi]]nin şeyxülislamlığa təyini üçün tərtib olunan mərasimi detallı şəkildə qeyd edən tarixçi Saloniki, mərasim geyimli 10 çavuşun şeyxülislamı evindən alaraq divanxanaya gətirdiyini yazır. [[Dürrizadə Mehmed Ataullah Əfəndi|Dürrizadə Ataullah Əfəndi]] [[1783]]-cü ildə saraya dəvət edilərək [[sədrəzəm]] [[Xəlil Həmid Paşa]]nın da iştirak etdiyi mərasimlə şeyxülislamlığa yüksəldi. [[Rumeli Hasarı|Rumeli hisarı]] yaxınlığındakı köşkü uzaq olduğu üçün təbrik mərasimi keçmiş şeyxülislamlardan [[Mehmed Şərif Əfəndi|Şərif Əfəndi]]nin [[Fateh]]dəki köşkündə keçirildi. Şeyxülislamların vəfatı zamanı xüsusi bir mərasim keçirilir, cənazə namazları adətən [[Fateh məscidi (İstanbul)|Fateh məscidi]]ndə qılınırdı.

== Vəzifə və öhdəlikləri ==
Şeyxülislamların ən təməl vəzifəsi onlara verilən dini, siyasi və dünyəvi məsələlərlə bağlı suallara hənəfi məzhəbinə uyğun fətva verməkdir. Bundan başqa şeyxülislamların saray çevrilişlərini dəstəkləyən fətvalar verdiyi də görülmüşdür. [[Sultan İbrahim]]in taxtdan devrilməsi əsnasında şeyxülislam [[Əbdürrəhim Əfəndi]] [[yeniçəri]]lərin və üləmanın dəstəyini alaraq öncə sultanın devrilməsi, daha sonra isə qətlə yetirilməsi üçün fətva yazmış, üstəlik edam əsnasında da cəlladın yanında şəxsən dayanmışdır. Son dönəmdə [[Əbdüləziz (sultan)|Sultan Əbdüləziz]] və [[V Murad]]ın devrilməsi üçün şeyxülislam [[Həsən Xeyrullah Əfəndi|Xeyrullah Əfəndi]]nin verdiyi 2 fətva və şeyxülislam [[Mehmed Ziyayəddin Əfəndi (şeyxülislam)|Ziyaəddin Əfəndi]]nin [[II Əbdülhəmid]]lə bağlı verdiyi fətvalar gücü əlində tutan siyasi qrupların şeyxülislamlığı əlində oyuncağa çevirdiyinin açıq sübutudur.<ref>İhsan Süreyya Sırma, ''L’institution et les biographies des shah al-Islâm sous le règne du Sultan Abdülhamid II (1876-1909)'' (doktora tezi, 1973), Université des Sciences Humanaines de Strasbourg.</ref> [[Birinci Dünya müharibəsi]] üçün verilən 5 fətva, [[VI Mehmed Vahidəddin|Sultan Vahidəddin]]in devrilməsi üçün verilən fətva və [[Türkiyə İstiqlaliyyət müharibəsi|Milli Mübarizə]] əleyhinə [[Dürrizadə Abdullah Bəyəfəndi]]nin fətvası bu baxımdan görülən son nümunələrdir.

Şeyxülislamlara xüsusilə hökumət kabinetlərinə üzv olduqları son illərdə bəzi əlavə vəzifələr də verilmişdir.<ref name=":1" /> [[Sədrəzəm]] [[Kürəkən Fərid Paşa]]nın ilk [[Paris]] səyahəti əsnasında [[Mustafa Səbri Əfəndi|Mustafa Sabri Əfəndi]], ikinci səyahətində isə [[Dürrizadə Abdullah Bəyəfəndi]] sədarət vəkili olmuşdur.

Şeyxülislamlıq, [[Respublika|Cümhuriyyətin]] quruluş illərində [[Türkiyə Böyük Millət Məclisi]] tərəfindən öncə Əvkaf Nəzarətinə çevrilmiş, [[1924]]-cü ildə [[Xilafətin ləğv edilməsi|xilafətin ləğvi]]ndən sonra isə [[Dəyanət işləri üzrə rəhbərlik (Türkiyə)|Diyanət işləri rəisliyi]]nə tabe edilmişdir.

== Osmanlı şeyxülislamlarının siyahısı ==

{{div col|colwidth=30em}}
# [[Molla Şəmsəddin Fənari]] ([[1424]] - [[1430]])
# [[Molla Fəxrəddin Əcəmi]] ([[1430]] - [[1460]])
# [[Molla Hüsrəv]] ([[1460]] - [[1480]])
# [[Molla Gürani]] ([[1480]] - [[1488]])
# [[Molla Əbdülkərim]] ([[1488]] - [[1495]])
# [[Ələddin Çələbi]] ([[1495]] - [[1496]])
# [[Əfdalzadə Həmidəddin]] ([[1496]] - [[1503]])
# [[Zənbilli Əli Əfəndi]] ([[1503]] - [[1526]])
# [[Kamalpaşazadə Əhməd Şəmsəddin Əfəndi|İbn-i Kamal Əfəndi]] ([[1526]] - [[1534]])
# [[Sadullah Sədi Əfəndi]] ([[1534]] - [[1539]])
# [[Çivizadə Muhiddin Mehmed Əfəndi]] ([[1539]] - [[1542]])
# [[Əbdülqədir Həmidi Çələbi]] ([[1542]] - [[1543]])
# [[Fənarizadə Muhiddin Çələbi]] ([[1543]] - [[1545]])
# [[Əbussuud Əfəndi|Əbu Suud Əfəndi]] ([[1545]] - [[1574]])
# [[Kürəkən Həmid Əfəndi]] ([[1574]] - [[1577]])
# [[Qazızadə Əhməd Şəmsəddin Əfəndi]] ([[1577]] - [[1580]])
# [[Malulzadə Mehmed Əfəndi]] ([[1580]] - [[1582]])
# [[Çivizadə Hacı Mehmed Əfəndi]] ([[1582]] - [[1587]])
# [[Əbdülqədir Əfəndi]] ([[1587]] - [[1589]])
# [[Bostanzadə Mehmed Əfəndi]] ([[1589]] - [[1592]]) ''(birinci dəfə)''
# [[Bayramzadə Zəkəriya Əfəndi]] ([[1592]] - [[1593]])
# [[Bostanzadə Mehmed Əfəndi]] ([[1593]] - [[1598]]) ''(ikinci dəfə)''
# [[Xoca Sadəttin Əfəndi]] ([[1598]] - [[1599]])
# [[Hacı Mustafa Sunullah Əfəndi]] ([[1599]] - [[1601]]) ''(birinci dəfə)''
# [[Xocasadəttinzadə Mehmed Çələbi Əfəndi|Xocazadə Mehmed Əfəndi]] ([[1601]] - [[1603]]) ''(birinci dəfə)''
# [[Hacı Mustafa Sunullah Əfəndi]] ([[1603]]) ''(ikinci dəfə)''
# [[Əbülməyamin Mustafa Əfəndi]] ([[1603]] - [[1604]]) ''(birinci dəfə)''
# [[Hacı Mustafa Sunullah Əfəndi]] ([[1604]] - [[1606]]) ''(üçüncü dəfə)''
# [[Əbülməyamin Mustafa Əfəndi]] ([[1606]]) ''(ikinci dəfə)''
# [[Hacı Mustafa Sunullah Əfəndi]] ([[1606]] - [[1608]]) ''(dördüncü dəfə)''
# [[Xocasadəttinzadə Mehmed Çələbi Əfəndi|Xocazadə Mehmed Əfəndi]] ([[1608]] - [[1615]]) ''(ikinci dəfə)''
# [[Xocasadəttinzadə Mehmed Əsad Əfəndi|Xocazadə Əsad Əfəndi]] ([[1615]] - [[1622]]) ''(birinci dəfə)''
# [[Zəkəriyazadə Yəhya Əfəndi]] ([[1622]] - [[1623]]) ''(birinci dəfə)''
# [[Xocasadəttinzadə Mehmed Əsad Əfəndi|Xocazadə Əsad Əfəndi]] ([[1623]] - [[1625]]) ''(ikinci dəfə)''
# [[Zəkəriyazadə Yəhya Əfəndi]] ([[1625]] - [[1632]]) ''(ikinci dəfə)''
# [[Ahizadə Hüseyn Əfəndi]] ([[1632]] - [[1634]])
# [[Zəkəriyazadə Yəhya Əfəndi]] ([[1634]] - [[1644]]) ''(üçüncü dəfə)''
# [[Əbu Səid Mehmed Əfəndi]] ([[1644]] - [[1646]]) ''(birinci dəfə)''
# [[Muid Əhməd Əfəndi]] ([[1643|1646]] - [[1647]])
# [[Əbdürrəhim Əfəndi]] ([[1647]] - [[1649]])
# [[Bahai Mehmed Əfəndi]] ([[1649]] - [[1651]]) ''(birinci dəfə)''
# [[Qaraçələbizadə Əbdüləziz Əfəndi]] ([[1651]])
# [[Əbu Səid Mehmed Əfəndi]] ([[1651]] - [[1652]]) ''(ikinci dəfə)''
# [[Bahai Mehmed Əfəndi]] ([[1652]] - [[1654]]) ''(ikinci dəfə)''
# [[Əbu Səid Mehmed Əfəndi]] ([[1654]] - [[1655]]) ''(üçüncü dəfə)''
# [[Hüsamzadə Əbdürrəhman Əfəndi]] ([[1655]] - [[1656]])
# [[Məmikzadə Mustafa Əfəndi]] ([[1656]])
# [[Xocazadə Məsud Əfəndi]] ([[1656]])
# [[Hənəfi Mehmed Əfəndi]] ([[1656]])
# [[Balizadə Mustafa Əfəndi]] ([[1656]] - [[1657]])
# [[Bolevi Mustafa Əfəndi]] ([[1657]] - [[1659]])
# [[Əsir Mehmed Əfəndi]] ([[1659]] - [[1662]])
# [[Sunizadə Seyid Mehmed Əmin Əfəndi]] ([[1662]])
# [[Minkarizadə Yəhya Əfəndi]] ([[1662]] - [[1674]])
# [[Çatalcalı Əli Əfəndi]] ([[1674]] - [[1686]]) ''(birinci dəfə)''
# [[Ankaralı Mehmed Əmin Əfəndi]] ([[1686]] - [[1687]])
# [[Dabbaqzadə Mehmed Əfəndi]] ([[1687]] - [[1688]]) ''(birinci dəfə)''
# [[Seyid Feyzullah Əfəndi]] ([[1688]]) ''(birinci dəfə)''
# [[Dabbaqzadə Mehmed Əfəndi]] ([[1688]] - [[1690]]) ''(ikinci dəfə)''
# [[Əbusəidzadə Feyzullah Əfəndi]] ([[1690]] - [[1692]]) ''(birinci dəfə)''
# [[Çatalcalı Əli Əfəndi]] ([[1692]]) ''(ikinci dəfə)''
# [[Əbusəidzadə Feyzullah Əfəndi]] ([[1692]] - [[1694]]) ''(ikinci dəfə)''
# [[Sədrəddinzadə Sadiq Mehmed Əfəndi]] ([[1694]] - [[1695]]) ''(birinci dəfə)''
# [[İmam Mehmed Əfəndi]] ([[1695]]) ''(birinci dəfə)''
# [[Seyid Feyzullah Əfəndi]] ([[1695]] - [[1703]]) ''(ikinci dəfə)''
# [[Başmaqçızadə Əli Əfəndi]] ([[1703]]) ''(birinci dəfə)''
# [[İmam Mehmed Əfəndi]] ([[1703]] - [[1704]]) ''(ikinci dəfə)''
# [[Başmaqçızadə Əli Əfəndi]] ([[1704]] - [[1707]]) ''(ikinci dəfə)''
# [[Sədrəddinzadə Sadiq Mehmed Əfəndi]] ([[1707]] - [[1708]]) ''(ikinci dəfə)''
# [[Əbəzadə Abdullah Əfəndi]] ([[1708]] - [[1710]]) ''(birinci dəfə)''
# [[Başmaqçızadə Əli Əfəndi]] ([[1710]] - [[1712]]) ''(üçüncü dəfə)''
# [[Əbəzadə Abdullah Əfəndi]] ([[1712]] - [[1713]]) ''(ikinci dəfə)''
# [[Mehmed Ataullah Əfəndi]] ([[1713]])
# [[İmam-i şəhriyari Mahmud Əfəndi|İmam Mahmud Əfəndi]] ([[1713]] - [[1714]])
# [[Mirzə Mustafa Əfəndi]] ([[1714]] - [[1715]])
# [[Mentəşzadə Əbdürrəhim Əfəndi]] ([[1715]] - [[1716]])
# [[Əbu İshaq İsmayıl Əfəndi]] ([[1716]] - [[1718]])
# [[Yenişəhərli Abdullah Əfəndi]] ([[1718]] - [[1730]])
# [[Mirzəzadə Şeyx Mehmed Əfəndi]] ([[1730]] - [[1731]])
# [[Başmaqçızadə Abdullah Əfəndi]] ([[1731]] - [[1732]])
# [[Kürəkənzadə Əhməd Əfəndi]] ([[1732]] - [[1733]])
# [[Əbuishaqzadə İshaq Əfəndi]] ([[1733]] - [[1734]])
# [[Dürri Mehmed Əfəndi]] ([[1734]] - [[1736]])
# [[Feyzullahzadə Mustafa Əfəndi]] ([[1736]] - [[1745]])
# [[Pirizadə Mehmed Sahib Əfəndi]] ([[1745]] - [[1746]])
# [[Həyatizadə Mehmed Əmin Əfəndi]] ([[1746]])
# [[Seyid Mehmed Zeynalabdin Əfəndi]] ([[1746]] - [[1748]])
# [[Əbuishaqzadə Əsad Əfəndi]] ([[1748]] - [[1749]])
# [[Xəlilzadə Mehmed Səid Əfəndi]] ([[1749]] - [[1750]])
# [[Seyid Murtuz Əfəndi]] ([[1750]] - [[1755]])
# [[Abdullah Vassaf Əfəndi]] ([[1755]])
# [[Kürəkənzadə Feyzullah Əfəndi]] ([[1755]] - [[1756]]) ''(birinci dəfə)''
# [[Dürrizadə Mustafa Əfəndi]] ([[1756]] - [[1757]]) ''(birinci dəfə)''
# [[Kürəkənzadə Feyzullah Əfəndi]] ([[1757]] - [[1758]]) ''(ikinci dəfə)''
# [[Mehmed Saleh Əfəndi]] ([[1758]] - [[1759]])
# [[Çələbizadə İsmayıl Asım Əfəndi]] ([[1759]] - [[1760]])
# [[Vəliüddin Əfəndi]] ([[1760]] - [[1761]]) ''(birinci dəfə)''
# [[Əbubəkrzadə Əhməd Əfəndi]] ([[1761]] - [[1762]])
# [[Dürrizadə Mustafa Əfəndi]] ([[1762]] - [[1767]]) ''(ikinci dəfə)''
# [[Vəliüddin Əfəndi]] ([[1767]] - [[1768]]) ''(ikinci dəfə)''
# [[Pirizadə Osman Sahib Əfəndi]] ([[1768]] - [[1770]])
# [[Mirzəzadə Seyid Mehmed Səid Əfəndi]] ([[1770]] - [[1773]])
# [[Seyid Mehmed Şərif Əfəndi]] ([[1773]] - [[1774]])
# [[Dürrizadə Mustafa Əfəndi]] ([[1774]]) ''(üçüncü dəfə)''
# [[İvazpaşazadə İbrahim Bəyəfəndi]] ([[1774]] - [[1775]]) ''(birinci dəfə)''
# [[Salehzadə Mehmed Əmin Əfəndi]] ([[1775]] - [[1776]])
# [[Vassafzadə Əsad Əfəndi]] ([[1776]] - [[1778]])
# [[Mehmed Şərif Əfəndi]] ([[1778]] - [[1782]]) ''(birinci dəfə)''
# [[Seyid İbrahim Əfəndi]] ([[1782]] - [[1783]])
# [[Dürrizadə Mehmed Ataullah Əfəndi]] ([[1783]] - [[1785]])
# [[İvazpaşazadə İbrahim Bəyəfəndi]] ([[1785]]) ''(ikinci dəfə)''
# [[Ərəbzadə Əhməd Ataullah Əfəndi]] ([[1785]])
# [[Dürrizadə Mehmed Arif Əfəndi]] ([[1785]] - [[1786]]) ''(birinci dəfə)''
# [[Müftizadə Əhməd Əfəndi]] ([[1786]] - [[1787]])
# [[Məkkəyi Mehmed Əfəndi]] ([[1787]] - [[1788]]) ''(birinci dəfə)''
# [[Mehmed Kamil Əfəndi]] ([[1788]] - [[1789]])
# [[Mehmed Şərif Əfəndi]] ([[1789]]) ''(ikinci dəfə)''
# [[Həmidizadə Mustafa Əfəndi]] ([[1789]] - [[1791]])
# [[Seyid Yəhya Tofiq Əfəndi]] ([[1791]])
# [[Məkkəyi Mehmed Əfəndi]]  ([[1791]] - [[1792]]) ''(ikinci dəfə)''
# [[Dürrizadə Mehmed Arif Əfəndi]] ([[1792]] - [[1798]]) ''(ikinci dəfə)''
# [[Mustafa Aşir Əfəndi]] ([[1798]] - [[1800]])
# [[Samanizadə Ömər Hülusi Əfəndi]] ([[1800]] - [[1803]]) ''(birinci dəfə)''
# [[Salehzadə Əhməd Əsad Əfəndi]] ([[1803]] - [[1806]]) ''(birinci dəfə)''
# [[Şərifzadə Ataullah Mehmed Əfəndi]] ([[1806]] - [[1807]]) ''(birinci dəfə)''
# [[Samanizadə Ömər Hülusi Əfəndi]] ([[1807]]) ''(ikinci dəfə)''
# [[Şərifzadə Ataullah Mehmed Əfəndi]] ([[1807]] - [[1808]]) ''(ikinci dəfə)''
# [[Ərəbzadə Mehmed Arif Əfəndi]] ([[1808]])
# [[Salehzadə Əhməd Əsad Əfəndi]] ([[1808]]) ''(ikinci dəfə)''
# [[Dürrizadə Abdullah Əfəndi]] ([[1808]] - [[1810]]) ''(birinci dəfə)''
# [[Samanizadə Ömər Hülusi Əfəndi]] ([[1810]] - [[1812]]) ''(üçüncü dəfə)''
# [[Dürrizadə Abdullah Əfəndi]] ([[1812]] - [[1815]]) ''(ikinci dəfə)''
# [[Mehmed Zeynalabdin Əfəndi]] ([[1815]] - [[1818]])
# [[Məkkəyizadə Mustafa Asım Əfəndi]] ([[1818]] - [[1819]]) ''(birinci dəfə)''
# [[Çərkəz Xəlil Əfəndi]] ([[1819]] - [[1821]])
# [[Yasinzadə Əbdülvəhab Əfəndi]] ([[1821]] - [[1822]]) ''(birinci dəfə)''
# [[Əhməd Rəşid Əfəndi]] ([[1822]] - [[1823]])
# [[Məkkəyizadə Mustafa Asım Əfəndi]] ([[1823]] - [[1825]]) ''(ikinci dəfə)''
# [[Qazızadə Mehmed Tahir Əfəndi]] ([[1825]] - [[1828]])
# [[Yasinzadə Əbdülvəhab Əfəndi]]  ([[1828]] - [[1833]]) ''(ikinci dəfə)''
# [[Məkkəyizadə Mustafa Asım Əfəndi]] ([[1833]] - [[1846]]) ''(üçüncü dəfə)''
# [[Əhməd Arif Hikmət Əfəndi]] ([[1846]] - [[1854]])
# [[Məşrəfzadə Mehmed Arif Əfəndi]] ([[1854]] - [[1858]])
# [[Mehmed Sadəddin Əfəndi]] ([[1858]] - [[1863]])
# [[Atıfzadə Hüsaməddin Əfəndi]] ([[1863]] - [[1866]])
# [[Mehmed Rafiq Əfəndi]] ([[1866]] - [[1868]])
# [[Həsən Fəhmi Əfəndi]] ([[1868]] - [[1871]]) ''(birinci dəfə)''
# [[Əhməd Muxtar Bəyəfəndi]] ([[1871]] - [[1872]]) ''(birinci dəfə)''
# [[Turşucuzadə Əhməd Muxtar Əfəndi]] ([[1872]] - [[1874]])
# [[Həsən Xeyrullah Əfəndi]] ([[1874]]) ''(birinci dəfə)''
# [[Həsən Fəhmi Əfəndi]] ([[1874]] - [[1876]]) ''(ikinci dəfə)''
# [[Həsən Xeyrullah Əfəndi]] ([[1876]] - [[1877]]) ''(ikinci dəfə)''
# [[Qara Xəlil Əfəndi]] ([[1877]] - [[1878]])
# [[Əhməd Muxtar Bəyəfəndi]] ([[1878]]) ''(ikinci dəfə)''
# [[Üryanizadə Əhməd Əsad Əfəndi]] ([[1878]] - [[1889]])
# [[Bodrumlu Ömər Lütfi Əfəndi]] ([[1889]] - [[1891]])
# [[Mehmed Cəmaləddin Əfəndi]] ([[1891]] - [[1909]]) ''(birinci dəfə)''
# [[Mehmed Ziyayəddin Əfəndi (şeyxülislam)]] ([[1909]])
# [[Mehmed Sahib Əfəndi]] ([[1909]])
# [[Çələbizadə Hüseyn Əfəndi]] ([[1910]])
# [[Musa Kazım Əfəndi]] ([[1910]] - [[1911]]) ''(birinci dəfə)''
# [[Əbdürrəhman Nəsib Əfəndi]] ([[1911]] - [[1912]])
# [[Mehmed Cəmaləddin Əfəndi]] ([[1912]] - [[1913]]) ''(ikinci dəfə)''
# [[Mehmed Əsad Əfəndi]] ([[1913]] - [[1914]])
# [[Ürgüplü Mustafa Əfəndi]] ([[1914]] - [[1916]])
# [[Musa Kazım Əfəndi]] ([[1916]] - [[1918]]) ''(ikinci dəfə)''
# [[Ömər Xülusi Əfəndi]] ([[1918]])
# [[Heydərizadə İbrahim Əfəndi]] ([[1918]] - [[1919]]) ''(birinci dəfə)''
# [[Mustafa Səbri Əfəndi]] ([[1919]])
# [[Heydərizadə İbrahim Əfəndi]] ([[1919]] - [[1920]]) ''(ikinci dəfə)''
# [[Dürrizadə Abdullah Bəyəfəndi]] ([[1920]])
# [[Mədəni Mehmet Nuri]] ([[1920]] - [[1922]])
{{div col end}}

== Mənbə ==

* Mecdî, ''Şekāik Tercümesi'', s. 284-286.
* Selânikî, ''Târih'' (İpşirli), I, 322-323.
* Peçuylu İbrâhim, ''Târih'', II, 486-487.
* Hezârfen Hüseyin Efendi, ''Telhîsü’l-beyân fî Kavânîn-i Âl-i Osmân'' (haz. Sevim İlgürel), Ankara 1998, s. 197-201.
* ''Devhatü’l-meşâyih'', tür.yer.
* Cevdet, ''Târih'', XII, 148-150.
* ''İlmiyye Salnâmesi''.
* Uzunçarşılı, ''İlmiye Teşkilâtı'', s. 173-214.
* Danişmend, ''Kronoloji<sup>2</sup>'', V, 109-168.
* Abdülkadir Altunsu, ''Osmanlı Şeyhülislâmları'', Ankara 1972.
* a.mlf., “S̲h̲ayk̲h̲ al-Islām”, ''EI<sup>2</sup>'' (İng.), IX, 400-402.
* Murat Akgündüz, ''XIX. Asır Başlarına Kadar Osmanlı Devletinde Şeyhülislâmlık'', İstanbul 2002.
* a.mlf., “Klasik Dönem Osmanlı Devlet Teşkilâtında Şeyhülislâmlık”, ''Türkler'' (nşr. Hasan Celal Güzel v.dğr.), Ankara 2002, IX, 847-854.
* Ahmet Cihan, ''Reform Çağında Osmanlı İlmiyye Sınıfı'', İstanbul 2004.
* Esra Yakut, ''Şeyhülislamlık: Yenileşme Döneminde Devlet ve Din'', İstanbul 2005.
* Osman Özkul, ''Gelenek ve Modernite Arasında Osmanlı Ulemâsı'', İstanbul 2005, tür.yer.
* Bilgin Aydın v.dğr., ''Şeyhülislâmlık (Bâb-ı Meşihat) Arşivi Defter Kataloğu'', İstanbul 2006.
* İlhami Yurdakul, ''Osmanlı İlmiye Merkez Teşkilatı’nda Reform (1826-1876)'', İstanbul 2008, tür.yer.
* a.mlf., “Şeyhülislamlık Makamı”, ''EAÜİFD'', sy. 5 (1982), s. 197-218.
* J. H. Kramers, “Şeyh-ül-İslâm”, ''İA'', XI, 485-489.

== İstinadlar ==
{{İstinad siyahısı}}{{Osmanlı şeyxülislamları}}

[[Kateqoriya:Şeyxülislamlar]]