Ota Çou
| Ota Çou | |
|---|---|
| yap. 太田聴雨 | |
| Doğum tarixi | 18 oktyabr 1896 |
| Doğum yeri | |
| Vəfat tarixi | 2 mart 1958 (61 yaşında) |
| Fəaliyyəti | rəssam |
| Üzvlüyü |
|
 Vikianbarda əlaqəli mediafayllar | |
Ota Çou (太田 聴雨?, 18 oktyabr 1896, Senday – 2 mart 1958) və ya doğum adı ilə Ota Eyriki (太田 栄吉?) – ənənəvi yapon üslubunda rəsmlər çəkmiş Yaponiya rəssamı.
Həyatı
[redaktə | vikimətni redaktə et]1896-cı ildə Yaponiyanın Senday şəhərində doğulmuşdur. 1909-cu ildə Tokioya köçmüşdür.[1] 13 yaşında Şico rəssamlıq məktəbinin rəssamı olan Qyokuşo Kavabatanın şagirdi olmuşdur. 1927-ci ildə nihonqa rəssamı Seyson Maedadan rəssamlıq dərsləri almağa başlamışdır.[2]
Ota Çounun rəsmləri inten sərgilərində nümayiş olunmuşdur.[2] 1930-cu ildə baş tutmuş 7-ci sərgi üçün çəkdiyi "Codohen" (浄土変?) rəsmi uğur qazanmış və bu əsərə görə mükafata layiq görülmüşdür.[1] İkinci Dünya müharibəsindən sonra isə Yaponiya İncəsənət Sərgisinin münsiflər heyətinə seçilmişdir. Yaponiya İncəsənət Akademiyasının üzvü və Tokio İncəsənət Universitetinin professoru olmuşdur.[2]
Əsərləri
[redaktə | vikimətni redaktə et]Ota Çou nihonqa janrına əsərlər yaratmışdır. Tarixi fiqurları, dövrün adətlərini və praktikalarını təsvir etməsinə görə tanınır. 1936-cı ildə çəkdiyi "Ulduzları müşahidə edən qadınlar" (星をみる女性?) əsəri onun ən məşhur əsəri hesab olunur.[2] Onun bu əsəri 1990-cı ildə Yaponiyada buraxılmış bir poçt markasında təsvir olunmuşdur. Onun ikinci ən məşhur əsəri isə 1934-cü ildə çəkdiyi "Vaksinasiya" (種痘?) əsəridir.[3]
İstinadlar
[redaktə | vikimətni redaktə et]- ↑ 1 2 The Japan Biographical Encyclopedia & Who's Who. səh. 1219
- ↑ 1 2 3 4 Roberts. səh. 127
- ↑ "Ōta Chōu's Vaccination: Medicine and Modern Girls in 1930s Japanese Painting". Nursingclio (ingiliscə). 20 may 2021. 29 May 2023 tarixində arxivləşdirilib. İstifadə tarixi: 14 aprel 2024.
Ədəbiyyat
[redaktə | vikimətni redaktə et]- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1219. İstifadə tarixi: 14 aprel 2024.
- Roberts, Laurance P. A Dictionary of Japanese Artists: Painting, Sculpture, Ceramics, Prints, Lacquer (ingiliscə). Weatherhill. 1976. səh. 127. ISBN 0-8348-0113-2. İstifadə tarixi: 14 aprel 2024.
