Pərinuş Sənii
| Pərinuş Sənii | |
|---|---|
| پرینوش صنیعی | |
 | |
| Doğum tarixi | 1949 |
| Doğum yeri | |
| Milliyyəti | Fars |
| Təhsili | Tehran Universiteti |
| İxtisası | Psixoloq |
| Fəaliyyəti | Yazar, Psixoloq, Sosyoloq |
| Fəaliyyət illəri | 2003-cü ildən |
| Mükafatları | "Covanni Bokkaçço" (2010) |
 Vikianbarda əlaqəli mediafayllar | |
Pərinuş Sənii İran əsilli yazıçı, sosyoloq və psixoloqdur. Tehran Universitetinin psixologiya fakultəsində təhsil almışdır. Yazar kimi məşhurlaşmağına səbəb isə 2003-cü ildə qələmə aldığı "Mənim payım" (irn: Sahm-e man) avtobioqrafik romanıdır.
Mənim Payım[redaktə | mənbəni redaktə et]
Əsər 2013-cu ildə Sara Xəlili tərəfindən ingilis dilinə "The book of fate" adı ilə tərcümə edilmişdir. 26 Dilə tərcümə olunan əsər həmçinin "World Literature Today" tərəfindən 2013 -cü ildə "ilin ən dəyərli 75 tərcüməsi" siyahısında yer almışdır. Əsərin italyan dilinə olan tərcüməsi 2010-cu ildə məşhur "Covanni Bokkaçço" mükafatına layiq görulmuşdur.
Atası və qardaşları 16 yaşlı Məsuməni üzünü görmədiyi oğlana zorla ərə verirlər. Məsumə başqasını sevir. Ali təhsil almaq istəyir. Zorla ərə verildiyi oğlana təslim olmaqdansa, intiharı üstün bilən Məsumə hələ bilmir ki, onun əri ölkənin azadlığı, insanların rifahı üçün mübarizə aparan inqilabçı, təhsilli və müasir adamdı. Sadə və dindar ailənin hicablı, imanlı qızı ateistlərin, solçuların, inqilabçıların arasına düşür.
Hazırda mühacirətdə yaşayan Səniinin bu əsəri İranda 2 dəfə qadağan olunmuşdur. “Mənim payım” avtobioqrafik romanında İran qadınının həyatı, ailədə, cəmiyyətdə ona olan münasibət sadə və natural şəkildə təsvir olunur.[1]
İstinad[redaktə | mənbəni redaktə et]
- ↑ ""Mənim Payım" romanının yazarı Pərinuş Sənii ilə müsahibə". 2016-06-22 tarixində orijinalından arxivləşdirilib. İstifadə tarixi: 2016-03-18.