Palıdlı (Xaçmaz)

Vikipediya, açıq ensiklopediya
(Palıdlı səhifəsindən istiqamətləndirilmişdir)
Jump to navigation Jump to search
Palıdlı

41°35′15″ şm. e. 48°47′16″ ş. u.


Ölkə Azərbaycan Azərbaycan
Xəritəni göstər/gizlə
Palıdlı xəritədə
Palıdlı
Palıdlı

Palıdlı (əvvəlki adı Xraxoba və ya Xaraxoba) — Azərbaycan Respublikasının Xaçmaz rayonununda kənd, Dədəli kənd inzibati ərazi dairəsinin tərkibində yerləşir.

Kəndin əvvəlki adı Xraxoba/Xaraxoba olmuş, və 22 noyabr 2013-cü ildə rəsmi qərarla adı dəyişdirilərək Palıdlı adlandırılmışdır.[1]

Tarixi[redaktə | əsas redaktə]

Xraxoba kəndinin əsası SSRİ dövründə, Rusiya SFSRinin Dağıstan MSSRindəki Axtı rayonunun Xrax kəndindən (SSRİnin Dağıstanın dağlıq və ucqar ərazidə yerləşən kəndlərində yaşayan əhalinin digər yerlərdəki düzənlik bölgələrə köçürülməsi siyasətinə görə) Azərbaycan SSRinin Xaçmaz rayonundakı boş əraziyə köçürülmüş ailələr üçün qoyulmuşdur. Hazırkı dövrdə Dağıstandakı keçmiş Xrax kəndi, həmin vaxtdan bəri tərk edilmiş və boşdur, və rəsmi olaraq ləğv edilmişdir.

Xaçmazın Xraxoba və Uryanoba kəndlərinin əraziləri 1954-cü ildə SSRİ Nazirlər Kabinetinin qərarıyla müvəqqəti olaraq Dağıstanın nəzarətinə, Axtı rayonunun kolxozuna icarəyə veriliblər. 1984-cü ildə isə Azərbaycan SSR Nazirlər Kabineti icarə müddətini 2004-cü ilə qədər uzadıb.

Müstəqillik dövründə, 2004-cü il keçəndən sonra 6 il ərzində həllini tapmayan bu məsələ, 2010-cu ilin sentyabrında Azərbaycan prezidenti İlham Əliyevlə Rusiyanın keçmiş prezidenti Dmitri Medvedyev arasında keçirilən görüşdə çözülüb, və Xraxoba və Uryanoba kəndləri tam olaraq Azərbaycanın ərazisi kimi qəbul ediliblər.

2012-ci ilin aprel ayında Xraxoba kəndinin bütün sakinləri Rusiya dövlətinin yardımı ilə Dağıstana köçüblər. Köçürülmə Azərbaycan hökuməti, Rusiya səfirliyi və Dağıstan hakimiyyət orqanlarının əməkdaşlığı şəraitində həyata keçirilib.[2][3]

Həmçinin bax[redaktə | əsas redaktə]

İstinadlar[redaktə | əsas redaktə]