Palantökən dağı
| Palantökən dağı | |
|---|---|
 | |
| Ümumi məlumatlar | |
| Mütləq hündürlüyü | 3.125 m (10.253 ft) |
| Hündür zirvəsi | Böyükəjdər Təpəsi |
| Yerləşməsi | |
| 39°50′56″ şm. e. 41°17′03″ ş. u.HGYO | |
| Ölkə | Türkiyə |
|
|
|
 Vikianbarda əlaqəli mediafayllar | |
Palantökən dağı Ərzurumda yerləşən, 3125 metr yüksəklikdə olan tektonik dağdır. Yalnız Palantökənə xas bir çiçək olan Palantökənensis[1] may ayında rast gəlinir. Başköydə bir xizək kurortu var.
Adı palan (eşşək yəhəri) və tökmə sözlərindən düzəlib. Sıldırım dağ yollarında eşşəyin yəhərinə bərkidilmiş xurcunların aşmasına bir eyhamdır. Adı mifologiyada, xüsusilə Anadoluda bir çox rəvayətlərdə çəkilir.
Ərzurum şəhərindən 10 km cənubda yerləşən zirvəsi ətraf ərazinin ən yüksək nöqtəsidir. Ərzurum şəhər mərkəzinin 1950 metrə çatan hündürlüyündən və dağ silsiləsi olduğuna görə Türkiyənin hündürlüyü 3000 metrdən yuxarı digər dağları qədər böyük görünmür.
Palantökən qışda şimal yamacına yağan qar miqdarı, qarın keyfiyyəti və Türkiyənin ən uzun sürüşmə zolağına malik xizək mərkəzi ilə ölkənin öndə gedən xizək kurortlarından biridir.
Texniki dırmanma baxımından heç bir çətinlik olmasa da qışda digər 3000 metr hündürlüyə dırmaşmada olduğu kimi bütün mümkün çətinliklər nəzərə alınaraq texniki avadanlıqla dırmaşmalıdır.
Dağın bəzi sıldırım yolları qışın son dərəcə sərt keçməsi səbəbindən təhlükəli ola bilər.
Ərzurum şəhər mərkəzindən 3125 m yüksəklikdəki zirvəyə ən yaxşı və ən rahat yol xizək kurortundan keçir.
Ərzurum şəhər mərkəzinə təxminən 4 km məsafədə yerləşən 2100 m yüksəklikdə yerləşən otellərin ərazisində hər cür ehtiyacı ödəmək imkanları var.
Təhlükəsizlik məqsədilə jandarm 24 saat növbətçilik edir. Bu yer həm də düşərgə üçün idealdır.
Davam edən magistral yolu ilə daha yüksəkdə yerləşən otellərə çata bilərsiniz.
Bu yer 2450 m hündürlükdədir və bu səviyyədən sonra kanat xəttini izləməklə zirvəyə dağ silsiləsi ilə çatmaq olar.
Digər yol isə dağın cənub yamacında yerləşən Başköy kəndindən zirvəyə çatan yoldur. Bu marşrut həm də texniki dırmaşmaq üçün heç bir çətinlik yaratmır. Palantökən dağlarının ən yüksək nöqtəsi Böyükəjdər Təpəsi adlanır. Burada rabitə ötürücüləri və özəl yeməkxana var və xizək mövsümündə zirvəyə kanat vasitəsiylə də qalxmaq olar. Zirvədən enən xətt üzərində, 2500 metr hündürlükdə Əjdər kanat xəttinin sonunda xüsusi bir yeməkxana var.
Bundan əlavə, Palantökən dağı və Ərzurumda yaradılmış bir çox obyekt və xizək mərkəzləri 2011 Dünya Universitetlərarası Qış Oyunlarına ev sahibliyi etmişdi.[2]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "Palandöken'de yeni bir çiçek keşfedildi". hurriyet.com.tr. 22 Ağustos 1998. 11 Nisan 2017 tarixində arxivləşdirilib. İstifadə tarixi: 11 Nisan 2017.
- ↑ Sports venues Arxivləşdirilib 2010-12-31 at the Wayback Machine – Erzurum 2011 Kış Universiade Oyunları web sitesi.