Perneb türbəsi

Perneb türbəsi
Perneb türbəsi, yalançı qapi divar, Metropoliten muzeyi, Nyu-York Perneb türbəsi, yalançı qapi divar, Metropoliten muzeyi, Nyu-York Tikili haqqında məlumat Yeri Sakkara, Misir Tarixi Qədim padşahlıq Tipi Alt qatı mastaba, üst qatı türbə Tikinti materialı Çiy kərpic və ya kirəc daş Məxsusluğu Perneb
Sakkara Perneb türbəsi

Perneb türbəsi — Qədim Misirin V Sülalə dövrünə aid tikili olub, fironlar Cedkara İsesi və Unas tərəfindən təxminən e.ə. 2381–2321 ci illərdə tikdirildiyi güman edilir. Türbə ilk dəfə 1907 ci ildə Sakkarada pilləli Coser ehramından şimalda, Qahirədən 30 km cənubda aşkar edilmiş, 1913 cü ildə Misir hökumətindən Metropoliten muzeyi tərəfindən satın alınmışdır.

Perneb türbəsi, Metropoliten muzeyi, Nyu-York

Perneb türbəsinin divar rəsmləri

Perneb türbəsinin divar rəsmləri

Perneb firon ailəsinə məxsus saray əyyanı olmuş, adının mənası "hökmdarım mənə yetişdi" deməkdir. Onun qəbiri vəzir Şepsesrenin qəbiri ilə bitişik olduğundan güman edilir ki, vəzir onun oğludur. Perneb türbəsi bir neçə yeraltı kameradan və kirəcdaşdan olan mastabadan ibarətdir. Mastaba isə özlüyündə qurbangah kapellasına və davamı zirzəmiyə keçən ikinci dərəcəli kameraya bölünür. Əsas ibadətgahda üzəri rəngli reliyeflərlə bəzədilmiş yalançı qapı vardır. Burada Perneb üstündə ərzaq və digər mallar olan masa arxasında oturmuş vəziyyətdə təsvir edilmişdir.