Philadelphus pubescens

Vikipediya, azad ensiklopediya
Jump to navigation Jump to search
?Philadelphus pubescens
Philadelphus pubescens
Philadelphus pubescens 2.jpg
Elmi təsnifat
Aləmi:Bitkilər
Şöbə:Örtülütoxumlular
Sinif:İkiləpəlilər
Dəstə:Zoğalçiçəklilər
Fəsilə:Hortenziyakimilər
Cins:Çubuqluca
Növ: Philadelphus pubescens
Elmi adı
Philadelphus pubescens
Wikispecies-logo.svg
Vikinövlərdə
sistematika
Commons-logo.svg
Şəkil
axtarışı
IPNI  ???

Philadelphus pubescens (lat. Philadelphus pubescens) — hortenziyakimilər fəsiləsinin çubuqluca cinsinə aid bitki növü.

Təbii yayılması[redaktə | əsas redaktə]

Şimali Amerika-Tennessidən başlayaraq Alabama və Arkanzasa qədər yayılmışdır. Qərbi Sibirdə, Orta Asiyada mədəni halda geniş becərilir.

Botaniki təsviri[redaktə | əsas redaktə]

Hündürlüyü 3 m olan koldur. Gövdəsinin qabığı möhkəm, zəif çatlayan, lakin soyulmayan və ya zəif soyulan, açıq boz rəngdir. Çiçəkləyən zoğlarının yarpaqları yumurtavari, ellips və ya yumurtavari-neştər formasında olub, uzunluğu 4-10 sm, eni 3-4 sm-dir. Uc tərəfdən sivri və ya iti, qaidəsi dairəvi və pazvaridir. Yarpaqların kənarları seyrəkdişli və ya tamkənarlı, üst tərəfdən tünd yaşıl və çılpaq, alt tərəfdən isə sarımtıl tükcüklərlə örtülmüşdür. May-iyun aylarında çiçəkləyir. Çiçəkləri qoxusuz və ya bir az qoxulu olub, yarpaqlaşmış zoğlar üzərində, 5-10 ədədi bir yerdə olmaqla sıx salxımcıqlarda yerləşir. Çiçək saplağı və kasayarpaqları yumurtavari, tüklüdür. Meyvəsi iyul ayının axırında yetişir. 1800-ci ildə introduksiya edilmişdir.

Ekologiyası[redaktə | əsas redaktə]

Şaxtaya davamlıdır. Qidalı torpağa tələbkardır. Rütubəti çox sevmir. Bitkidə hər il budanma aparılmalıdır, bu isə birillik zoğların normal böyüməsinə və bol çiçəkləməsinə səbəb olur.

Azərbaycanda yayılması[redaktə | əsas redaktə]

Talış zonasında park və bağlarda rast gəlinir.

İstifadəsi[redaktə | əsas redaktə]

Bəzək bağçılığında bu növdən geniş istifadə edilir. Bu cür kollarda cavanlaşdırıcı budanma etmək olar.

Ədəbiyyat[redaktə | əsas redaktə]

  • Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri. Bakı: Elm, 2014, 380 səh.