PinkPantheress

Vikipediya, azad ensiklopediya
Naviqasiyaya keç Axtarışa keç
PinkPantheress
Ümumi məlumatlar
Doğum tarixi 18 aprel 2001(2001-04-18)[1] (23 yaş)
Doğum yeri
Vətəndaşlığı
Musiqiçi məlumatları
Fəaliyyəti mahnı yazarı[d], musiqi prodüseri, müğənni, musiqiçi, müğənni-mahnı yazarı
Fəaliyyət illəri 2020-ci ildən
Janrlar pop musiqisi, bedrum pop[d], rəqs musiqisi[d], alternativ pop[d]
Albom şirkətləri Parlophone
pantheress.pink
Vikianbarın loqosu Vikianbarda əlaqəli mediafayllar

PinkPantheress (əsl adı: Viktoriya Beverli Volker; 18 aprel 2001[1], Bat, Cənub-Qərbi İngiltərə[d]) — İngiltərə müğənnisi, musiqi prodüseri. Onun mahnıları çox vaxt qısa olur, yığcam və cəlbedici melodiyaları ilə dinləyicilərin diqqətini çəkir. O, 1990 və 2000-ci illərin musiqisindən ilham alaraq, bu dövrlərə aid olan semplləri öz bəstələrinə daxil edir.

PinkPantheress 2021-ci ildə Londonda universitetdə təhsil alarkən öz mahnılarını məşhur sosial media platforması TikTok-a yerləşdirməyə başlamışdır. Onun mahnıları çox diqqət çəkməyə başlamış və viral olmuşdur, xüsusən də "Break It Off" adlı treki. Bu mahnının uğuru nəticəsində o, Parlophone və Elektra Records musiqi şirkətləri ilə müqavilə bağlamışdır. Onun 2021-ci ildə yayımladığı debüt miksteypi "To Hell with It"də yer alan "Just for Me" və "Pain" trekləri UK Singles Chart hit-paradında ilk 40-lığa daxil olmuş və Britaniya Fonoqrafiya Sənayesi (BPI) tərəfindən gümüş sertifakata layiq görülmüşdür. O, 2022-ci ildə BBC-nin tərtib etdiyi "2022-ci ilin səsi" sorğusunda qalib gəlmişdir. Həmin il yayımladığı "Boy's a Liar" mahnısı Böyük Britaniyada hit-paradlarda ikinci yerə yüksəlib. Növbəti il 2023-cü ildə bu mahnının amerikalı reper Ice Spice-nin iştirak etdiyi remiksi ABŞ-də məşhurluq qazanmış və Billboard Hot 100-ə daxil olaraq siyahılarda üçüncü yeri tutmuşdur. Onun ilk studiya albomu "Heaven Knows" 2023-cü ildə işıq üzü görüb.

Həyatı[redaktə | mənbəni redaktə et]

Viktoriya Beverli Volker 18 aprel 2001-ci ildə İngiltərənin Bat şəhərində anadan olub.[2][3][4][5] Onun kenyalı anası qulluqçu, ingilis olan atası isə statistika professorudur.[6] Onun səs mühəndisliyi ilə məşğul olan özündən böyük qardaşı var. Onun beş yaşı olarkən ailəsi Betdan Kenterberiyə köçmüş və o, burada böyümüşdür.[7] Onun 12 yaşı olanda atası Texas ştatının Ostin şəhərindəki universitetdə işləmək üçün ABŞ-ə getmişdir. Bu vaxt o, anası ilə birlikdə İngiltərədə qalıb.

Viktoriya kiçik yaşlarından piano dərsləri almağa başlayıb. O, 12 yaşında olarkən məktəbdə təşkil edilmiş istedad müsabiqəsində Ben E. Kinqin "Stand By Me" mahnısını ifa edib. Viktoriya 14 yaşında olarkən dostları ilə birlikdə qurduğu rok qrupunun müğənnisi olmuşdu. Onun qrupu əsasən My Chemical Romance, Paramore və Green Day kimi məşhur qrupların kover mahnılarını ifa edirdi. Onların ilk canlı ifası məktəb festivalında baş tutmuşdur.[8] O, təxminən 13 yaşında olanda Marks & Spencer, Claire's və Co-op kimi müxtəlif yerlərdə işləməyə başlamışdır. O, 2022-ci ilə qədər London İncəsənət Universitetində film təhsili alıb, lakin təhsilini yarıda qoymaq qərarına gəlib.[9]

Şəxsi həyatı[redaktə | mənbəni redaktə et]

Onun səhnə adı olan "PinkPantheress" TikTok-dakı istifadəçi adından gəlir. Bu adı "Çəhrayı Pantera" film seriyasından götürmüşdür. Ad "dişi çəhrayı pantera" mənasına gəlir.[10] PinkPantheress öz gerçək adını gizli saxlamaq üçün müxtəlif addımlar atmışdır. O, uşaq yaşlarından dismorfiyaya sahib olduğunu bildirir.[11] Gənc sənətçi yüksək səslə musiqi dinləməkdən eşitmə qabiliyyətini itirib. Onun sağ qulağı 80 faiz karlaşıb.

Diskoqrafiya[redaktə | mənbəni redaktə et]

border=none Əsas məqalə: PinkPantheress diskoqrafiyası

Studiya albomları

Miksteyplər

İstinadlar[redaktə | mənbəni redaktə et]

  1. ↑ 1 2 https://www.okaybliss.com/pinkpantheress-ethnicity/.
  2. ↑ Bell, Sadie. "PinkPantheress Shops with Yara Shahidi, Charithra Chandran, India Amarteifio in Adorable 'Mosquito' Video". People. 29 September 2023. 12 November 2023 tarixində arxivləşdirilib. İstifadə tarixi: 13 November 2023.
  3. ↑ Aswad, Jem. "PinkPantheress Opens a Vibrant New Chapter With the Ambitious 'Heaven Knows': Album Review". Variety. 10 November 2023. 10 November 2023 tarixində arxivləşdirilib. İstifadə tarixi: 13 November 2023.
  4. ↑ "Soul Train Awards 2023: Immerse Yourself in Pop Bliss with These 8 PinkPantheress Songs". BET. 30 October 2023. 13 November 2023 tarixində arxivləşdirilib. İstifadə tarixi: 13 November 2023.
  5. ↑ pinkpantheress [pinkpantheress2]. "best bday ever!! 🥹🥹" (Tweet). Missing or empty |date= (help)
  6. ↑ Ochefu, Christine. "PinkPantheress: 'Music's been the same for so long. Can we get something else?'". The Guardian (ingilis). 15 October 2021. 25 December 2021 tarixində arxivləşdirilib. İstifadə tarixi: 17 October 2021.
  7. ↑ Pometsey, Olive. "From TikTok sensation to celebrated songster: meet PinkPantheress". Evening Standard (ingilis). 1 December 2021. 6 January 2022 tarixində arxivləşdirilib. İstifadə tarixi: 6 January 2022.
  8. ↑ Issawi, Danya. "PinkPantheress Has 1 Million Fans on TikTok". The New York Times (ingilis). 6 November 2021. 9 November 2021 tarixində arxivləşdirilib. İstifadə tarixi: 10 November 2021.
  9. ↑ Runway, Bree. "PinkPantheress Talks to Bree Runway About Life After Blowing Up". Interview (ingilis). 16 February 2022. 5 March 2022 tarixində arxivləşdirilib. İstifadə tarixi: 5 March 2022.
  10. ↑ Greenwood, Douglas. "PinkPantheress is the musician dominating TikTok's DIY scene". i-D (ingilis). 21 June 2021. 19 July 2021 tarixində arxivləşdirilib. İstifadə tarixi: 19 July 2021.
  11. ↑ Campbell, Erica. "PinkPantheress: "I don't care about the beats, I care about the pen"". NME. 3 February 2023. 10 May 2023 tarixində arxivləşdirilib. İstifadə tarixi: 25 April 2023.
  12. ↑ "Heaven knows by PinkPantheress". Amazon. İstifadə tarixi: 12 October 2023.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=PinkPantheress&oldid=7581173"