Polietilenimin

Polietilenimin

• Alınması: Ümumi formulu [─СН₂─СН₂─NН─]_n olan poliaminlərə aid sintetik polimerdir.Sənayedə aşağımolekul kütləli (molekul kütləsi 10⁴-dən kiçik) polietilenimini etileniminin sulu məhlullarda proton və aproton turşuların, alkilxloridlərin iştirakı ilə kation polimerləşməsindən alınır.Şaxələnmənin səbəbi böyüyən zəncirdə əmələ gələn oliqomerlərin aktiv mərkəzlərlə qarşılıqlı təsirdə olmasıdır.Yüksəkmolekul kütləli (molekul kütləsi (4-10)∙10⁴ olan)poletilenimini epixlorhidrin, poliepixlorhidrin, alkilendihallogenid və s. katalizatorların iştirakı ilə etileniminin polimerləşməsi, həmçinin aşağı molekul kütləli polietileniminin qeyd olunan birləşmələrlə polikondensasiyası yolu ilə almaq olar.
• Fiziki və kimyəvi xassələri:Aşağı molekul kütləli polietilenimin –mayedir, yüksək molekul kütləli polietilenimin-elastomerdir. Sıxlığı 1050-1070kq/m³, şüşələşmə temperaturu -20⁰C-dən 45⁰C-yə, ərimə temperaturu 70⁰C, parçalanma temperaturu 250⁰C; az zəhərlidir, suda, spirtdə, sirkə turşusunda həll olur. Polietilenimin alifatik amin olub əsasi xassəyə malikdir. Polietilenimində amin qruplarının varlığı onun poliamid, asil, alkil və başqa törəmələrini almağa imkan verir.[h]=KM^a Mark-Xuvink tənliyinin sabiti(xarakteristik özlülüyün molekul kütləsindən asılılığı) aşağımolekul kütləli polietilenimin üçün K=7,2∙10^-4, a=0,68(etanolda, 20⁰C), yüksəkmolekul kütləli polietilenimin üçün K=0,89∙10^-4 və 0,57∙10^-4, a=0,89 və 0,84(uyğun olaraq 20⁰C, etanolda və 25⁰C 0,1n NaCl məhlulunda).Aşağımolekul kütləli polietilenimini havada 280⁰C-də qızdırdıqda 50%-i 0,64 saatdan sonra, yüksəkmolekul kütləli polietilenimin isə 3,5 saatdan sonra parçalanır.Polietilenimin müxtəlif birləşmələrlə reaksiyaya girərək başqa polifunksional polimerlər əmələ gətirir.
• Tətbiqi: Polietilenimin və onun törəmələrindən flokulant kimi tullantı sularının təmizlənməsində, kağız istehsalında, qalvanotexnikada istifadə olunur. Plastmasların, epoksid qətranlarının, rezinlərin tərkibinə qatılır.Polietilenimin əsasında ion mübadiləsi qətranları,plenkaları və membranları alınır.

Mənbə

1. Гембицкий П.А.,Жук Д.С., Каргин В.А.Поиэтиленимин, М.,1971
2. Болшая Российская Энциклопедия www.bigenc.ru