Prentslau döyüşü
| Prentslau döyüşü | |
|---|---|
 | |
| Tarix | 28 oktyabr 1806 |
| Yeri |
|
 Vikianbarda əlaqəli mediafayllar | |
Prentslau döyüşü — 28 oktyabr 1806-cı ildə Fransa və Prussiya qoşunları arasında, Prentslauda baş tutmuş hərbi münaiqşə. İki Fransa süvari diviziyası və marşal Yoahim Muratın rəhbərliyi altında piyadaların bir hissəsi Hohenloe-İngelfingen şahzadəsi Fridrix Luinin başçılığı altındakı geri çəkilən Prussiya korpusunun qarşısını almışdır. Dördüncü Koalisiya müharibəsi zamanı bu döyüşdə Hohenloe bir neçə qarşıdurma və barışıqdan sonra bütün qüvvələrini Murata təslim etmişdir. Prentslau Berlindən təxminən 90 kilometr şimalda, Brandenburqda yerləşir.
Oktyabrın 14-də Yena və Auerştedt döyüşündə fəlakətli məğlubiyyətdən sonra[1] Prussiya qoşunları Fransa imperatoru I Napoleonun qalib ordusu tərəfindən təqib edilərək şimaldan Elba çayına qaçmalı olmuşdur. Prussiyalılar Maqdeburq yaxınlıqlarında Elbanı keçmiş[2] və təhlükəsiz sahəyə çatmaq məqsədilə Odra çayı üzərindən irəliləyərək şimal-şərqə doğru hərəkət etmişdilər. Napoleon ordusunun bir hissəsi Berlini ələ keçirmək üçün şərqə doğru hərəkət etmiş, qalanları isə geri çəkilən prussiyalıların ardınca getmişdir. Murat Berlindən süvariləri ilə birlikdə Hohenloeni təqib etmək üçün şimala doğru hərəkət etmişdir.
Oktyabrın 26 və 27-də baş verən bir neçə toqquşmadan sonra Murat Hohenloenin başçılığı altındakı korpusun ardınca getmiş, Prentslauya çatmışdır. Burada iki tərəf arasında döyüş baş vermiş, bu zaman bir neçə Prussiya bölməsi əsir götürülmüş və ya qaçmışdır. Murat daha sonra ruhdan düşmüş Hohenloeni bütün korpusunu təslim etməyə məcbur etmək üçün prussiyalıların üstün qüvvələr tərəfindən mühasirəyə alındığını açıqlamışdır. Əslində, yaxınlıqlarda mövcud qüvvələrdən başqa yalnız Muratın süvariləri var idi. Sonrakı günlərdə fransızlar daha bir neçə Prussiya qüvvəsini və qalasını təslim olmağa məcbur etmişdir.
Mənbə[redaktə | mənbəni redaktə et]
İstinadlar[redaktə | mənbəni redaktə et]
- ↑ Chandler, 1966. səh. 467—468
- ↑ Chandler, 1966. səh. 459
Ədəbiyyat[redaktə | mənbəni redaktə et]
- Chandler, David. The Campaigns of Napoleon. New York: Macmillan. 1966.
Əlavə ədəbiyyat[redaktə | mənbəni redaktə et]
- Bodart, Gaston. Militär-historisches Kriegs-Lexikon (1618-1905) (alman). 1908. İstifadə tarixi: 18 June 2021.
- Chandler, David. Dictionary of the Napoleonic Wars. New York: Macmillan. 1979. ISBN 0-02-523670-9.
- Petre, F. Loraine. Napoleon's Conquest of Prussia 1806. London: Lionel Leventhal Ltd. 1993. ISBN 1-85367-145-2.
- Smith, Digby. The Napoleonic Wars Data Book. London: Greenhill. 1998. ISBN 1-85367-276-9.