Qısameyvəli rododendron
Qısameyvəli rododendron | ||||
---|---|---|---|---|
Elmi təsnifat | ||||
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Yarımfəsilə: Triba: Cins: Növ: Qısameyvəli rododendron |
||||
Beynəlxalq elmi adı | ||||
|
||||
|
Qısameyvəli rododendron (lat. Rhododendron brachygynum) — bitkilər aləminin erikaçiçəklilər dəstəsinin erikakimilər fəsiləsinin rododendron cinsinə aid bitki növü.
Təbii yayılması[redaktə | mənbəni redaktə et]
Koreya və Yaponiyada rast gəlinir. Şimali və Mərkəzi Yaponiya dağlarında, xüsusilə Fudziyama dağında geniş yayılmışdır və meşə sərhədindən yuxarıda kolluqlar əmələ gətirir.
Botaniki təsviri[redaktə | mənbəni redaktə et]
Mədəni şəraitdə hündürlüyü 3 m-dən artıq olmayan, həmişəyaşıl, düzdayanan, çoxbudaqlı koldur. Zoğların qabığı tünd-bozdur. Cavan zoğları və yarpaqları bozumtul tükcüklüdür, ancaq tükləri tez tökülür. Birillik zoğları qalın, açıq-yaşıldır. Yarpaqları uzunsov-lansetvarı, uzunluğu 8-20 sm, eni 3-5 sm, küt və ya ucu biz, saplağı bir az ensiz, bünövrəsi yumru, kənarları burulmuşdur. Üst tərəfi yaşıl, parlaq, alt tərəfi qalın, bozumtul və ya qonur keçə ilə örtülmüşdür. Saplaqların uzunluğu 1,5-3,0 sm, bozumtu tükcüklüdür. Çiçəkləri 10-20 ədəd yumru çiçək qruplarında yerləşir, diametri 10-15 sm-dir. Çiçək saplaqlarının uzunluğu 2,0-2,5 sm, zəif tükcüklüdür. Kasacığı qısa, beş qanadlıdır. Çiçək tacının diametri 4-5 sm, enli-qıfşəkilli, zəngvarı, ağ və ya açıq-sarı, zərif çəhrayı çalarlı, yaşılımtıl və ya qonur nöqtəli, qanadlıdır. Erkəkcikləri 10 ədəddir, saplaqları bünövrədən yarısına qədər tükcüklüdür. Yumurtalığı qonur keşəlidir. Sütuncuğu çılpaq, erkəkciklərdən qısadır. İyunda çiçəkləyir, avqustda toxumlar verir.
Ekologiyası[redaktə | mənbəni redaktə et]
Qışadavamlıdır.
Azərbaycanda yayılması[redaktə | mənbəni redaktə et]
Mərkəzi Nəbatat Bağında introduksiya olunmuşdur. Mədəni şəraitdə Lənkəranda, Astarada, Gəncədə becərilir.
İstifadəsi[redaktə | mənbəni redaktə et]
Bizim respublikada yüksək dekorativliyi və qışadavamlılığı ilə fərqlənir.