Qızılçubuq qızılsəbət

Qızılçubuq qızılsəbət
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Klad: Kampanulidlər Dəstə: Astraçiçəklilər Fəsilə: Mürəkkəbçiçəklilər Yarımfəsilə: Astrakimilər Triba: Astrakimilər Yarımtriba: Solidagininae Cins: Qızılsəbət Növ: Qızılçubuq qızılsəbət
Beynəlxalq elmi adı
Solidago virgaurea L., 1753
Şəkil axtarışı NCBI   462879

Qızılçubuq qızılsəbət (lat. Solidago virgaurea) — bitkilər aləminin astraçiçəklilər dəstəsinin mürəkkəbçiçəklilər fəsiləsinin qızılsəbət cinsinə aid bitki növü.

Botaniki xarakteristikası

Hündürlüyü (40) 80-100 sm, gövdəsi düz, aşağı hissədə çılpaq, yuxarı hissədə çiçək qrupunda budaqlanmış olan çoxillik ot bitkisidir. Aşağı yarpaqları yumurtaşəkilli, ellipsşəkilli və ya uzunsov-neştərvaridir, sivriləşmiş, mişarvaridir, qaidəsinə doğru qısa saplaqda pazşəkilli daralmışdır, bəzən qaidə hissəsi az ürəkşəkilli olur, dağınıq və qısa tüklüdür, alt tərəfdən daha tüklüdür, yuxarı yarpaqları neştərvari, oturaq və tamkənarlıdır. Qın 7-9 mm uzuluqdadır. Səbətləri uzun, ensiz və sərt, nadir halda seyrək və enli süpürgəvari çiçək qrupunda toplanmışdır; sarğı yarpaqcıqları 4-5 cərgəlidir, çox bərabər deyil, daxildəki yarpaqcıqları xətvaridir. Toxumlarının uzunluğu 4 mm-ə qədər olub, demək olar ki, silindrik formalıdır, tüklüdür, uzunluğuna görə ona bərabər olan kəkili vardır. İyul-avqust aylarında çiçəkləyir, avqust-sentyabr aylarında meyvə verir.

Azərbaycanda yayılması

BQ (Quba), BQ şərq, BQ qərb, KQ şimal, KQ mərkəzi, Lənk. dağ., Orta dağ qurşağında subalpa qədər (1200-2200 m d.s.y.)

Yaşayış mühiti

Meşələrdə, kolluqlarda, dağ çəmənlərində rast gəlinir.

Təsərrüfat əhəmiyyəti

Vitaminli, balverən bitkidir, gövdə yarpaq və çiçəkləri boyaq işlərində istifadə olunur.

Sinonimləri

Homotipik sinonimləri

• Solidago vulgaris Mill.

Yarımnövləri

• Solidago virgaurea subsp. armena (Grossh.) Greuter
• Solidago virgaurea subsp. caucasica (Kem.-Nath.) Greuter
• Solidago virgaurea subsp. centiflora (Velen.) Velen.
• Solidago virgaurea subsp. gigantea (Nakai) Kitam.
• Solidago virgaurea subsp. jailarum (Juz.) Tzvelev
• Solidago virgaurea subsp. kurilensis (Juz.) Vorosch.
• Solidago virgaurea subsp. lapponica (With.) Tzvelev
• Solidago virgaurea subsp. minuta (L.) Arcang.
• Solidago virgaurea subsp. pineticola Sennikov
• Solidago virgaurea subsp. rupicola (Rouy) Lambinon
• Solidago virgaurea subsp. talyschensis (Tzvelev) Sennikov
• Solidago virgaurea subsp. taurica (Juz.) Tzvelev
• Solidago virgaurea subsp. turfosa (Woronow ex Grossh.) Greuter
• Solidago virgaurea subsp. virgaurea