Qızılqaya dağı
| Qızılqaya dağı | |
| 39°44′04″ şm. e. 45°06′37″ ş. u. | |
| Ölkə |  Azərbaycan |
| Vilayət | Şərur rayonu |
| Dağ sistemi | Kiçik Qafqaz |
| Zirvə hündürlüyü | 1683,0 m |
Qızılqaya dağı – Şərur rayonu ərazisində dağ (hünd. 1683,0 m). Dərələyəz silsiləsinin şimal-qərb istiqamətli Saraybulaq qolunun suayırıcısındakı Yağargədik (2049,8 m) yüksəkliyindən cənub-şərqə ayrılan eyniadlı şaxədə, Arpa çayının sağ qolları Zərnədərə və Payadərə çaylarının suayırıcında zirvə. Üst Permin Kuberqandı və Murqab (alt hissəsi) regiomərtəbələrinə aid eyniadlı lay dəstəsinin əhəngdaşılarından təşkil olunmuş sıldırım yamaclı günbəzvari yüksəklikdir. Tektonik cəhətdən Şərur-Culfa qalxım zonasının Şərur seqmentinin şimal-şərq cinahında müşahidə edilən Qızılqaya-Dolanan sinklinalının şimal sentriklinalında yerləşir. Şimal-şərq yamacından keçən Ağsal-Qızılqaya dərinlik qırılması boyu Üst Permin əhəngdaşıları Üst Tabaşırın Kampan mərtəbəsinə aid Gərməçataq lay dəstəsinin terrigen-karbonat törəmələrilə təmasa gətirilmişdir. Cənub-qərb yamacından şimal-qərb istiqamətli əks-fay qırılma pozulması keçir.[1]
Tarixi[redaktə | əsas redaktə]
1992-ci ildə Ermənistan Silahlı Qüvvələri tərəfindən işğal edilmişdi. Lakin, 2018-ci ilin may ayında Azərbaycan Ordusunun xüsusi təyinatlılarının əks hücumu nəticəsində dağ tam olaraq Azərbaycan Ordusunun nəzarətinə keşmişdir[2].
Həmçinin bax:[redaktə | əsas redaktə]
İstinadlar[redaktə | əsas redaktə]
- ↑ "Qızılqaya dağı". Naxçıvan Ensiklopediyası. I (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V.Y. Talıbov. 2005. səh. 596. ISBN 5-8066-1468-9.
- ↑ Naxçıvanda 11 min hektardan artıq ərazi və Şərurun Günnüt kəndi düşməndən azad edildi
