Qənirə Ataşova

Qənirə Ataşova
Qənirə Ataşova
Doğum tarixi	14 dekabr 1979 (43 yaş)
Doğum yeri	Aşağı Surra, Aşağı Surra bələdiyyəsi;
Təhsili	Azərbaycan Dövlət Pedaqoji Universiteti;
Fəaliyyəti	jurnalist
	Vikianbarda əlaqəli mediafayllar

Qənirə Ataşova — jurnalist, ssenari müəllifi, ANS TV-nin ABŞ-dakı bürosunun rəhbəri (2015).

Həyatı[redaktə | mənbəni redaktə et]

Qənirə Ataşova 1979-cu il dekabrın 14-də Neftçala rayonun Aşağı Surra kəndində anadan olub. 1996-cı ildə orta məktəbi bitirərək elə həmin il Azərbaycan Dövlət Pedaqoji Universitetinin fizika fakültəsinə daxil olub. Təhsil aldığı müddətdə jurnalistikaya böyük maraq göstərib. Məhz bu maraq sayəsində ANS-də işləmək şansı əldə edib. ANS-ə işə qəbul olunduqdan sonra isə jurnalist dərslərini burda alıb. Stajçı müxbir kimi işə başlayan Qənirə Ataşova bu kanalda baş aparıcı-redaktor vəzifəsinədək yüksəlib.

Müxtəlif vaxtlarda dövrünün tarixi hadisələrində jurnalist kimi fəal iştirak edib. ANS-də "80 kilometr yerin altı ilə" filmini hazırlayıb, "Nəzər nöqtəsi" və "Xəbərçi" proqramlarında aparıcılıq edib. Hazırda "Xəbərçi" informasiya proqramında çalışır.

2013–2015-ci illərdə ANS-in baş redaktoru vəzifəsində çalışıb^[1]. 2015-ci ildə ANS-in ABŞ-dakı bürosuna növbəti bir il üçün rəhbər təyin olunub.^[2]

Ailəlidir. Fərhad və Ceyhun adlı iki oğlu var. Onun Fətullah Güləndən müsahibəsinə görə ANS TV 2016-ci ildə dövlət tərəfindən bağlanılmışdı, özünə isə Azərbaycanı tərk etməyə müvəqqəti qadağa qoyulmuşdu.

2017-ci ildə təhsil almaq üçün ABŞ-a köçüb və 2019-cu ilin sonunda orada Qrin kard əldə edib^[3]. 2020-ci ildən Gunaz tv-nin Vaşinqton nümayəndəliyində çalışır.^[4]

Mükafatları[redaktə | mənbəni redaktə et]

22.07.2013 — Həsən bəy Zərdabi mükafatı

Filmoqrafiya[redaktə | mənbəni redaktə et]

80 kilometr yerin altı ilə (film, 2002) (qısametrajlı sənədli film) (ANS tv)
Apreldən əvvəl may... Azərbaycan Xalq Cümhuriyyəti (film, 2001)

Həmçinin bax[redaktə | mənbəni redaktə et]

Lalə Ədalətqızı

İstinadlar[redaktə | mənbəni redaktə et]

↑ Qənirə Ataşovanın vəzifəsi böyüdü^{[ölü keçid]}
↑ "Qənirə Ataşova aparıcılıqdan getdi". 2015-09-05 tarixində orijinalından arxivləşdirilib. İstifadə tarixi: 2021-01-22.
↑ Qənirə Ataşova: "Amerika bir okeandır, mən də dərin sularda üzmək istəyən balıq…" Arxivləşdirilib 2018-12-28 at the Wayback Machine moderator.az, 27.12.2018 (az.)
↑ GünAz TV-nin rəsmi Vaşinqton nümayəndəliyi öz işinə başlayıb^{[ölü keçid]}

	Vikianbarda Qənirə Ataşova ilə əlaqəli mediafayllar var.

[1] Qənirə Ataşovanın vəzifəsi böyüdü^{[ölü keçid]}

[2] "Qənirə Ataşova aparıcılıqdan getdi". 2015-09-05 tarixində orijinalından arxivləşdirilib. İstifadə tarixi: 2021-01-22.

[3] Qənirə Ataşova: "Amerika bir okeandır, mən də dərin sularda üzmək istəyən balıq…" Arxivləşdirilib 2018-12-28 at the Wayback Machine moderator.az, 27.12.2018 (az.)

[4] GünAz TV-nin rəsmi Vaşinqton nümayəndəliyi öz işinə başlayıb^{[ölü keçid]}

[1]

[2]

[3]

[4]