Qabriela Qunçikova

Vikipediya, açıq ensiklopediya
Jump to navigation Jump to search
Qabriela Qunçikova
çex. Gabriela Gunčíková
ESC2016 - Czech Republic Meet & Greet 03.jpg
Qabriela Qunçikova 2016-cı ildə
Sənətçi məlumatları
Doğum adı Qabriela Qunçikova
çex. Gabriela Gunčíková
Doğum tarixi 27 iyun 1993 (1993-06-27) (25 yaş)
Doğum yeri Kromerjij, Çexiya
Vətəndaşlığı Flag of the Czech Republic.svg Çexiya
Peşəsi müğənni

Üslub
Ləqəbi Gabriela Gun
Musiqi aləti vokal
Fəaliyyət illəri 2011–h.h.
Albom şirkəti Universal Music Group
gabrielagun.com
Commons-logo.svg Vikianbarda əlaqəli mediafayllar

Qabriela Qunçikova (çex. Gabriela Gunčíková; d. 27 iyun 1993, Kromerjij, Çexiya) — Çexiya müğənnisi. O, çex-slovak telekanalında yayımlanan SuperStar musiqi yarışmasında ikinci yer qazanmış və 2011-ci ildə "Yeni sənətkar" kateqoriyasında Český slavík mükafatına layiq görülmüşdür. Qunçikova "I Stand" mahnısı ilə Çexiyanı 2016 Avroviziya Mahnı Müsabiqəsində təmsil etmişdir.

Musiqi karyerası[redaktə | əsas redaktə]

2011–2015: SuperStar 2011Let's Dance yarışmaları[redaktə | əsas redaktə]

2011-ci ildə Qabriela Qunçikova çex-slovak telekanalında yayımlanan SuperStar musiqi yarışmasında iştirak etmişdir. Nəticədə yarışmada ikinci yeri qazanan ifaçı Universal Music Group albom şirkəti ilə anlaşma imzalamışdır. Eyni zamanda həmin ildə Qunçikovanın Dvojí tvář adlı debüt albomu işıq üzü görmüşdür. 2011-ci ilin sentyabr ayında o, Slovakiyanın Ulduzlarla rəqs yarışmasında iştirak etmişdir. Qunçikovanı yarışmada peşəkar rəqqas Peter Modrovski müşaiyət etmişdir. Cütlük nəticə olaraq yarışmada yeddinci yerdə qərarlaşmışdır. 2011-ci ildə Qunçikova "Yeni sənətkar" kateqoriyasında Český slavík mükafatına layiq görülmüşdür.

2013-cü ildə Qunçikova Amerikalı vokal müəllimi Ken Tamplin ilə işləməyə başlamışdır. Onun ikinci studiya albomu olan Celkem jiná da məhz bu il təqdim olunmuşdur. 2014-cü ildə o, Tamplinin dərslərini bitirdikdən sonra Amerikanın Trans-Siberian Orchestra proqressiv rok qrupuna vokalist olaraq qoşulmuşdur. Lakin növbəti ildə Qunçikova qrupdan ayrılmışdır.

2016–hal-hazırda: Avroviziya Mahnı Müsabiqəsi[redaktə | əsas redaktə]

2016-cı ilin mart ayında Çex telekanalı ČT Qabriela Qunçikovanın "I Stand" mahnısı ilə Çexiyanı İsveçin paytaxtı Stokholmda keçirilən 2016 Avroviziya Mahnı Müsabiqəsində təmsil edəcəyini bildirmişdir.[1]. Qunçikova "I Stand" mahnısı ilə müsabiqənin 10 may tarixində baş tutan birinci yarımfinal mərhələsində 10-cu səhnə almışdır. Nəticədə isə 161 xalla 9-cu yerdə qərarlaşaraq, Çexiyanı Avroviziya tarixində ilk dəfə final mərhələsinə yüksəldə bilmişdir. Finalda bir daha öz mahnısını ifa edən Qunçikova 26 ölkə təmsilçisinin mübarizə apardığı şouda 41 xal toplayaraq, 25-ci yerdə qərarlaşmışdır.

Diskoqrafiya[redaktə | əsas redaktə]

Albomlar[redaktə | əsas redaktə]

  • Dvojí tvář (2011)
  • Celkem jiná (2013)

İstinadlar[redaktə | əsas redaktə]

Əvvəlki:
Marta Yandova və Vatslav Noid Barta
"Hope Never Dies"
Çexiya Avroviziya Mahnı Müsabiqəsində
EuroRepública Checa.svg

2016
Sonrakı:
Martina Barta
"My Turn"

Xarici keçidlər[redaktə | əsas redaktə]