Status. Sayı və arealı azalan, nadir, oturaq növdür.
Yayılması. Böyük Qafqazın dağları.
Yaşayış yeri. Alp zonasında yaşayır. Bitopları kserofil bitkiləri ilə örtülü daşlıq sahələrdir.
Təbiətdə sayı. Orta hesabla sıxlığı əlverişli yerlərdə yaz fəslində alp çəmənliklərinin hər 100 ha sahəsinə 8,2 fərd, payızda 13,9 fərd düşür.
Çoxalması. Cinsi yetişkənliyə həyatının 2-ci ilində çatır. Monoqam quşdur. Cütlərə mart ayında ayrılır. Cütləşməsi aprelin əvvəlində başlanır. Bu proses aprelin axırı – mayın əvvəlində daha intensiv gedir. Yuvanı qayaların yarığında qurur. Yuvaya 5 – 12 yumurta qoyur. Dişi 28-30 gün kürt yatır, erkək bu zaman yuvanın yaxınlığında olur.
Rəqibi, düşməni, xəstəliyi. Məlumat yoxdur.
Sayının dəyişilmə səbəbləri. Mal-qaranın otarılması və qanunsuz ovlanması.
Qorunması üçün zəruri tədbirlər görülür. Volyerdə çoxalması və onların təbiətə buraxılması tədqiqatlarının aparılması.
