Qalib İbrahimoğlu
| Qalib İbrahimoğlu | |
|---|---|
| Qalib İbrahimoğlu | |
| Doğum tarixi | |
| Doğum yeri | Yevlax, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Fəaliyyəti | jurnalist |
| Mükafatları | Həsən bəy Zərdabi mükafatı |
Qalib İbrahimoğlu (9 may 1972, Yevlax) — Həsən bəy Zərdabi mükafatçısı,[1] Azərbaycan Jurnalistlər Birliyinin üzvü. Bakıvaxtı.az saytının baş redaktoru.
Həyatı[redaktə | mənbəni redaktə et]
Qalib İbrahimoğlu 1972-ci il mayın 9-da Yevlax şəhərində anadan olub. 1979-cu ildə Yevlax şəhər Ş.Qurbanov adına 8 saylı orta məktəbin birinci sinfinə getmiş, 1989-cu ildə həmin məktəbi bitirib. 1990–92-ci illərdə keçmiş Sovet Ordusunda hərbi xidmət keçib.[1]
Təhsili[redaktə | mənbəni redaktə et]
1992-ci ildə keçmiş Bakı Sosial İdarəetmə və Politologiya İnstitutunun (indiki Prezident yanında İdarəçilik Akademiyası) sosial idarəetmə və sosiologiya fakültəsinə qəbul olmuş, 1998-ci ildə həmin institutu bitirib.[1]
Ailəsi[redaktə | mənbəni redaktə et]
Ailəlidir, üç övladı var.
Fəaliyyəti[redaktə | mənbəni redaktə et]
Mətbuat fəaliyyəti[redaktə | mənbəni redaktə et]
- 1994-cü ildən mətbuatdadır. Həmin il Yevlaxda çıxan "Nicat" qəzetində müxbir, daha sonra redaktor vəzifəsində işləyib. 1996-cı ildə Bakıda nəşr olunan "Hürriyyət" qəzetində müxbir, şöbə redaktoru, baş redaktorun I müavini vəzifəsində çalışıb.
- 1997-ci ildə "Bu gün" qəzeti baş redaktorunun I müavini, "Hürriyyət" qəzetinin baş redaktoru vəzifəsində işləyib.
- 1998-ci ilin sentyabrından 1999-cu ilin fevral ayına qədər "Azadlıq" qəzetində məsul katib olub.
- 1999-cu ildə "Kaspi" qəzetinin baş redaktoru olub.
- 1999-cu ilin fevralından 2019-cu ilin fevralınadək "Ekspress" qəzetinin redaktoru, Baş redaktor əvəzi olub.
- 2019-cu ilin fevralından həmin iln iyul ayınadək "Lent.az" xəbər portalında, iyuldan 2021-ci ilin dekabrınadək Azəri-Press Agentliyində (APA) redaktor olub.
- 2021-ci il dekabrın 1-dən Bakıvaxtı.az xəbər portalının Baş redaktorudur.
Azərbaycan Mətbuat Şurası "Reket" jurnalistikasına qarşı komissiyanın, Azərbaycan Jurnalistlər Birliyinin, Orta Asiya və Güney Qafqaz Söz Azadlığı Şəbəkəsi İdarə Heyətinin üzvüdür.
Mükafat[redaktə | mənbəni redaktə et]
Azərbaycan Jurnalistlər Birliyinin Həsən Bəy Zərdabi mükafatının laureatıdır.[1]
İstinadlar[redaktə | mənbəni redaktə et]
- ↑ 1 2 3 4 "Qalib İbrahimoğlu". 2019-05-09 tarixində orijinalından arxivləşdirilib. İstifadə tarixi: 2019-05-09.