Qarabağ İpək Kombinatı
26 Bakı komissarı adına Qarabağ İpək Kombinatı (azərb-kiril. 26 Бакы комиссары адына Гарабағ Ипәк Комбинаты) — Azərbaycan SSR-də yüngül sənayesi müəssisəsi. Dağlıq Qarabağ Muxtar Vilayətinin paytaxtı olan Xankəndi şəhərində yerləşirdi. Kombinat baramaaçma, eşmə və toxuma sahələrini birləşdirmiş, xam ipək, eşmə ipək, cod ipək parça buraxırdı. 1926–1928 illərdə işə salınmışdır. 1934-cü ildə ipəktoxuma istehsalına başlanılmışdır. 1954-cü ildə yeni toxuculuq fabriki işə salınmındır. 1955-ci ildə bunların əsasında Qarabağ ipək kombinatı təşkil edilmişdir. Kombinatın baramaaçma istehsalatı 196 baramaaçma teşti və 48 avtomat baramaaçma dəzgahı ilə təchiz edilmişdir. 1977-ci ilin məlumatına görə, bir baramaaçma teştinin illik istehsalı 571 kq-dır. Toxuculuq istehsalatında təqribən 900-dən cox dəzgah (əsasən avtomat) var idi. Eşmə istehsalatı da çox məhsuldar idi, müasir maşınlarla təchiz edilmişdir. 1977-ci ildə 141,77, t xam ipək, 125 m eşmə ipək, 15479 min m2 parça istehsal etmişdir.[1]
Birinci Qarabağ müharibəsi zamanı, 1991-ci ildə Xankəndinin işğalı ilə kombinatına nəzarət əldən çıxmış, Azərbaycanda bu sahədə ciddi axsamalar yaşanmışdır.[2]
İstinadlar
[redaktə | mənbəni redaktə et]- ↑ Гарабағ Ипәк Комбинаты, 26 Бакы комиссары ад. // Азәрбајҹан Совет Енсиклопедијасы: [10 ҹилддә]. III ҹилд: Гајыбов—Елдаров. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1979. С. 46.
- ↑ Həsənli, Mürvət. "Sənaye bitkiçiliyi: İpəkçilik". Yeni Müsavat (az.). 8 dekabr 2018. 2022-06-14 tarixində arxivləşdirilib. İstifadə tarixi: 21 avqust 2022.