Qaralama:Əlif Məmmədov

Əlif Məmmədov
Əlif Məmmədhəsən oğlu Məmmədov
Doğum tarixi	21 may 1933
Doğum yeri	Təngərüd kəndi

Əlif Məmmədhəsən oğlu Məmmədov — Professor, fizika-riyaziyyat elmləri namizədi

Həyatı

1933-cü il mart ayının 21-də Azərbaycan Respublikasının Astara Rayonun Təngərüd kəndində anadan olmuşdur. 1940/1941-ci dərs ilində Təngərüd kənd orta məktəbinin birinci sinfinə daxil olmuşdur. 2-ci dünya savaşı illərində Təngərüd orta məktəbi yeddillik məktəblə əvəz olunduğundan, 8-ci sinifdən Pensər kənd orta məktəbində oxumuşdur. O, 1949/1950-ci dərs ilində orta məktəbi bitirmişdir. 1950-ci ildə Pedaqoji İnstitutun fizika-riyaziyat fakültəsinə daxil olmuş, 1954-cü ildə Stalin təqaüdlü məzunu kimi İnstitutu fərqlənmə diplomu ilə bitirmişdir. İnstitutu bitirən kimi təhsil aldığı ali məktəbdə işləmək təklif olunsa da ailə vəziyyəti ilə əlaqədar olaraq, təyinatla Astara rayonun Pensər kənd orta məktəbinə göndərilmiş, 1954-cü ilin sentyabrından 1957-ci ilin sentyabrına kimi orada müəllim vəzifəsində işləmişdir. 1957-ci ilin sentyabrından 1960-cı ilin 1 iyununa qədər Rayon Xalq Maarif Şöbəsinin inspektoru, 1 iyun 1960-cı ildən 1962-ci ilin noyabr ayının 10-na kimi Pensər orta məktəbinin direktoru vəzifəsində işləmişdir.

1962-ci ilin 1 noyabrında Azərbaycan Elmlər Akademiyasının Riyaziyyat və Mexanika İnstitunun aspiranturasına qəbul olunmuşdur. 1 noyabr 1965-ci ildə aspiranturanı bitirərək kiçik elmi işçi vəzifəsinə (elmi rəhbəri: Ə. Cəfərov)qəbul olunmuşdur. 3 noyabr 1966-cı ildə Bakı Dövlət Univerisitetində "Ədədi nəzəri funksiyalar siniflərində çox ölçülü qeyri xətti inteqral tənliklərin təqribi həlli" mövzusunda namizədlik dissertasiyası müdafiə etmişdir (Opponentlər prof. Qoşqar Əhmədov və dos. Arif Babayev).

1968-ci il yanvar ayının 1-dən baş elmi işçi işləmişdir. 30 dekabr 1969-cu ildə Ali Attestasiya Kommisiyası tərəfindən təsdiq olunmuş baş elmi işçi diplomunu almışdır. O, həm də Riyaziyyat və Mexanika İnstitutunun həmkərlar təşkilatının sədri, partiya təşkilatının sədr müavini, İnstitutun nəzdində gənc riyaziyyatçılar məktəbinin direktoru (1963–1970) işləmişdir.

1970-ci il 16 dekabrda müsabiqə yolu ilə ADPU-nun "Hesablama riyaziyyatı və ehtimal nəzəriyyəsi" kafedrasının dosenti vəzifəsinə seçilmişdir. 21 fevral 1973-cü ildə Ali Attestasiya Komissiyası tərəfindən dosent diplomunu almışdır. 1974-cü il 22 noyabr ayında İnstitutun riyaziyyat fakültəsinin dekanı seçilmişdir. Seçki müddəti başa çatdıqdan sonra 1977-ci ildən kafedranın dosenti işləmişdir. 1980-ci ilin dekabr ayından müsabiqə yolu ilə " Hesablama riyaziyyatı və ehtimal nəzəriyyəsi" kafedrasının müdiri seçilmiş və 1996-cı ilin iyul ayına kimi bu vəzifədə işləmişdir.

1988-ci ildə İnstitunun Elmi Şurasında müsabiqə yolu ilə kafedranın professoru seçilmişdir. 23 may 1991-ci ildə Xalq təhsili üzrə SSRİ Dövlət Komitəsinin qərarı ilə professor elmi rütbəsi almışdır. Hazırda kafedranın adında dəyişiklik edilərək " Hesablama riyaziyyatı və informatika" adlandırılmışdır. Onun rəhbərliyi ilə 11 nəfər elmlər namizədi adını almışdır. Pedaqoji İnstitutda partiya təşkilatı katibi, həmkarlar təşkilatının sədri işləmişdir.

Elmi və pedaqoji işini yüksək səviyyədə yerinə yetirmişdir. Onun rəhbərliyi ilə 11 nəfər elmlər namizədi adını almışdır. Pedaqoji İnstitutda partiya təşkilatı katibi, həmkarlar təşkilatının sədri işləmişdir.

Elmi və pedaqoji işini yüksək səviyyədə yerinə yetirmişdir. 270-dən çox elmi, elmi-metodiki və o cümlədən 43 dərs vəsaitinin müəllifidir. Onun təkcə son 5 ildə " Hesablama riyaziyyatı" "Kombinatorikanın, ehtimal nəzəriyyəsini və riyazi statistikasının əsasları" bu fənn üzrə məsələlər kitabı," Paskal proqramlaşdırılma dili", " Elementar riyaziyyat" Elementar riyaziyyata aid məsələ və misallar" və s fundamental dərs vəsaitləri çap olunmuşdur.

Prof. Ə. M. Məmmədov 1954-cü ildən indiyə kimi orta məktəb müəllimlərinin ixtisasartırma kurslarında dərs demişdir. 1967-ci ildən 2014-cü ilə kimi ali məktəb müəllimlırinin ixtisasartırma kurslarında " Ehtimal nəzəriyyəsi" və " İnformatika" dan mühazirələr oxumuşdur.

1985-ci ildən 2004-cü ilə kimi Təhsil Nazirliyinin İnformatika üzrə Metodiki Şuranın sədri olmuşdur. 25 ildən çox Riyaziyyat fənni üzrə Respublika olimpiadiasının sədri olmuşdur.

Ailəlidir,7 övladı,15 nəvəsi və 25 nəticəsi vardır.