Qaralama:Xuraman Muradova

Xuraman Muradova
Xuraman İsmayıl qızı Muradova
Xuraman Muradova
Doğum tarixi	22 avqust 1965
Doğum yeri	Goranboy, Azərbaycan SSR, SSRİ
Vətəndaşlığı	SSRİ→ Azərbaycan
Elm sahəsi	memar
İş yeri	“Milan” Hospitalı
Təhsili	Azərbaycan Memarlıq və İnşaat Universiteti
Tanınır	İş adamı, xeyriyyəçi, yazar.
Üzvlüyü	Oksford Akademiyasının fəxri professoru, Avropa Tibb Assosiasiyasinin və EPMA-nin fəxri üzvü,. Azərbaycan Yazıçılar Birliyinin üzvü, Türkiyə Yazarlar Birliyinin üzvü
Mükafatları	Türk Dünyası "Onur" Medalı və “Altın yıldız” Medalı

Xuraman Muradova — "VİP Milan" Hospitalın direktoru , Türk dünyası araşdırmaları Beynəlxalq Elmlər Akademiyasının fəxri professoru, "Türk dünyası Onur", "Altın yıldız", "Humay" Milli Mükafatı laureatı, Vektor Elmlər Akademiyasının fəxri professoru, Oksford Akademiyasının fəxri professoru, Avropa Tibb Assosiasiyasinin və EPMA-nin (Electron probe micro-analyzer) fəxri üzvüdür. Azərbaycan və Türkiyə Yazarlar Birliyinin üzvü, şair, ictimai xadim.

Həyatı

Xuraman Muradova 1965-ci ilin avqust ayının 22-də Goranboy rayonunun Xanqərvənd kəndində anadan olub. Əslən Laçın rayonundandır.

1982-ci ildə orta məktəbi əla qiymətlərlə bitirib. Orta məktəbdə ədəbiyyata və rəssamlığa böyük meyli olan Xuraman İsmayıl qızı başqa fənləri də əla qiymətlərlə oxuduğundan elə 1982-ci ildə Azərbaycan Memarlıq və İnşaat Universitetinə daxil olub və 1987-ci ildə memar-mühəndis kimi oranı yüksək qiymətlərlə bitirib.

1990 - cı ildən Azərbaycan Dövlət Maddi Texniki Təhcizat Nazirliyində mühəndis vəzifəsində işləməyə başlamışdır. O, səhiyyə sahəsində daha böyük işlər görmək üçün 2014-cu ildə “Milan” Hospitalını yaradaraq, bu təşkilata rəhbərlik etməyə başlamışdır.

Fəaliyyəti

Xuraman xanım Muradova Azərbaycan ədəbi mühitində xüsusi yerinə və ölkəmizin ictimai-həyatında müstəsna xismətlərinə görə bu yaxınlarda Azərbaycan Yazıçılar Birliyi tərəfindən “Humay Milli mükafatı laureatı” seçilmişdir.

2009-cu ildən “Laçın” Klinikasını yaradıb. 2014-cu ildə isə “Milan” Hospitalını yaradıb.

Çoxlu şeirləri dövrü mətbuatda çap olunub və olunur. Yazdığı “Nəbi və Həcər dastanı” poeması, bayatıları, hekayələri mətbuatda çap olunub. Azərbaycanda işıq üzü görən “Sənə məktub yazacam”, Türkiyədə “Gülnar” yayınlarında dərc edilən “Ay Laçın, can Laçın”, Türk ədəbiyyatı vakfının “Turay” kitab nəşriyyatında yayınlanan “Sana mektub yazacağım” kitablarının müəllifidir.

Mükafatları

• Türk Dünyası Araşdırmaları Beynəlxalq Elmlər Akademiyasının fəxri professoru,
• Türk dünyası “Onur” və “Altın yıldız” medallı,
• Humay Milli Mükafatı laureatı,
• Vektor Beynəlxalq Elmlər Akademiyasının fəxri professoru.
• II Türk Dünyası Ədəbiyyat və Kitab Festivalında “Türk Dünyasının Onur” medalı,
• Azərbaycan Respublikası “Təhsil” Mərkəzi tərəfindən “Abdulla Şaiq” mükafatı,
• Azərbaycan Sahibkar Qadınlar İctimai Birliyi tərəfindən “Xurşid Banu Natəvan” mükafatı,
• “Borçalı” nəşriyyatı və “Zirvə” İnformasiya Mərkəzi (www/zirve.info) tərəfindən “Zirvə” mükafatı.

Kitabları

1. 2021-ci ildə “Sənə məktub yazacam...” kitabda müəllifin şeirləri və "Nəbi və Həcər dastanı" adlı poeması yer alıb.
2. 2023-cü ildə Türkiyənin Ankara şəhərində “Ay Laçın, can Laçın” adlı şeirlər kitabı.
3. 2023-cü ildə “Özbəkistanım mənim! Sən də Ana Vətənim!” kitabı Özbəkistanda özbək türkcəsində nəşr olunub.
4. 2024-cü ildə “Salam olsun Qarabağdan Tanrıdağa!” kitabı qardaş Qırğızıstanda nəşr olunub.
5. 2024-cü ildə Bakıda “Elm və Təhsil” nəşriyyatında çap olunan "Əsrə bərabər 20 il" kitabı.