Qarayazı düzü

Vikipediya, açıq ensiklopediya
Jump to navigation Jump to search

Qarayazı düzü -Bu fiziki-coğrafi düzün Udabno və Qazangöl düzləri ilə Kür çayı arasında yerləşir.

Ümumi məlumat[redaktə | əsas redaktə]

Sahəsi 421 km 2 olub, qərbdə Gürcüstan Respublikası ərazisinədək davam edir. Qarayazı düzü qərbdə enli (12-16 km) olub, şərq istiqamətində tədricən daralaraq (1-2 km) paz şəklində Kür çayı ilə Ortaqaş-Quyruqençi tirəsi arasına daxil olur.

Buranın iqlimi quru subtropik olub, isti yayı və mülayim qışı ilə fərqlənir. Orta illik temperaturu 9-120-dir. Orta illik yağıntıların miqdarı 350-400 mm olub, əsasən yaz və payız aylarında dsüşür. Şimal-şərq maili hissədə yarğan və qobulara rast gəlmək olur.

Buradakı yeraltı sular çox dərində deyildir. Onlar qarasu bulaqları şəklində üzə çıxır. Bu sular yüksək debitli olub, təsərrüfatın müəyyən sahələrində (əkinçilikdə, maldarlıqda) istifadə oluna bilər.

Əsasən şabalıdı torpaqlar üzərində inkişaf etmiş quru çöl bitkiləri (taxıl, müxtəlif ot və yovşan quruplaşması) hakimdir.

Kür çayının sahilində 2-6 km enində rütubətli allüvial-tuqay və allüvial-çəmən torpaqları üzərində tuqay meşələri yayılmışdır.

Qarayazı düzündə suni suvarma nəticəsində taxılçılıq , pambıqçılıq, bağçılıq və bostançılıq geniş inkişaf etmişdir.

Qarayazı düzünün daxilində bir-birindən fərqlənən iki yarımrayon: Qarayazı və Kürsahili tuqay meşələri yarımrayonları ayrılır. [1] [2]

Həmçinin bax[redaktə | əsas redaktə]

Qarayazı

Xarici keçidlər[redaktə | əsas redaktə]

İstinadlar[redaktə | əsas redaktə]

  1. M.A.Müseyibov, M.Ə.Süleymanov Ceyrançöl alçaq dağlığının təbii landşaftı Bakı 1975
  2. Coğrafiya və təbii resurslar jurnalı №2, Bakı 2015