Qardaşxan Əzizxanlı

Vikipediya, açıq ensiklopediya
Jump to navigation Jump to search
Qardaşxan Əzizxanlı
Doğum tarixi 1 iyul 1958 (1958-07-01) (61 yaş)
Doğum yeri Cəlilabad rayonu
Flag of Azerbaijan.svg Azərbaycan
Vətəndaşlığı Flag of Azerbaijan.svg Azərbaycan
Milliyyəti azərbaycanlı
Fəaliyyəti Dünya ədəbiyyatı

Qardaşxan Əzizxanlı—şair, hərbi jurnalist, tərcüməçi, maarifçi, tədqiqatçı.

Həyatı[redaktə | əsas redaktə]

Əzizxanlı Qardaşxan Nəhmət oğlu 1958-ci il iyul ayının 1-də Azərbaycan Respublikası Cəlilabad (əvvəlki Astarxanbazar) rayonunun Günəşli (keçmiş Pokrovka) kəndində doğulub. Sonra ailəsi Lənkəran şəhərinə köçüb, 1976-cı ildən Bakı şəhərində yaşayır.

Təhsili[redaktə | əsas redaktə]

1965-1975-ci illərdə Lənkəran şəhər 5 saylı orta məktəbində oxuyub. Bakı Dövlət Universitetinin (keçmiş ADU) jurnalistika (1975-1980), Azərbaycan Universitetinin hüquqşünaslıq (1997–2000) fakültələrini (fərqlənmə diplomu ilə), Xəzər Universitetinin filologiya üzrə doktoranturasını (2014–2017) bitirib.

Əmək fəaliyyəti[redaktə | əsas redaktə]

S.Vurğunun ev-muzeyində, Azərbaycan xalça və xalq-tətbiqi sənəti Dövlət muzeyində, “Azərbaycan təbiəti” jurnalında, “Savalan”, “Tanıdım”, “20 yanvar” qəzetlərində çalışıb. “Varlığımız”, “Varlıq” qəzetlərinin baş redaktoru olub. DTX və DSX sistemində işləyib. Xəzər Universitetində “Dünya ədəbiyyatı” (Qədim Şərq, Antik yunan və Roma, Orta əsrlər–Renessans dövrü və müasir dövr Avropa, Amerika və rus ədəbiyyatı)və Yaradıcı yazı fənlərini tədris edir.

Jurnalist və redaktorluq fəaliyyəti[redaktə | əsas redaktə]

Sumqayıt hadisəsinə (“Vışka”, “Provokator i soobşniki”, 14.01.1990), Qarabağ hadisələrinə (“Elm”, “Q.İ.Petoyan: “Ne moqu perenesti takoqo pozora” 30.09.1989) həsr edilmiş məqalələrin və digər onlarla yaddaqalan publisistik yazıların müəllifidir. Məmməd Arazın “Sənətdə son mənzil olmur” (2001),“Şikayət dəftəri” (2002), həmçinin M.Araz haqqında “Məmməd Arazlı günlərim” (2008), “Qarabağ simfoniyası” (2016), M.Qasımlının “Birinci dünya müharibəsi illərində böyük dövlətlərin Azərbaycan siyasəti (1914-1918-ci illər). III hissə” (2004), M.Cəfərlinin “Azərbaycan legion ədəbiyyatı” (2005), X. Cavadoğlunun (Əliyevin) “İngiliscə-azərbaycanca əhatəli lüğət” (2016) kitablarının, (2009) redaktorudur. 1993– 2000-ci illərdə respublika radiosunda “Sərhəd” radiojurnalının yaradıcısı və redaktoru olub.

Ədəbi fəaliyyəti=[redaktə | əsas redaktə]

Respublika mətbuatında şeirləri ilə 1978-ci ildən çap olunur. Orta məktəbin yuxarı siniflərində “Özünütərbiyə”, 1983-1990-cı illərdə Bakı Şin Zavodunda “Azərbaycan, Azərbaycan”, “Azərbaycan-dünyam mənim” adlı ədəbiyyat dərnəkləri təşkil edib.

İctimai fəaliyyəti (işlənir)[redaktə | əsas redaktə]

İdman[redaktə | əsas redaktə]

Klassik güləş; qaçış (kross); Xatxa–yoqa, Kunq-Fu (qara kəmər ustası /1-ci dan/).

Layihələri[redaktə | əsas redaktə]

100 cildlik “Fikir antologiyası” seriyasının (dünya filosoflarının nəşri) baş redaktoru. “Məmməd Araz Poeziya günü” və "Dünya ədəbiyyatını öyrənək" layihələrinin rəhbəri.

Üzvlüyü[redaktə | əsas redaktə]

Azərbaycan Jurnalistlər Birliyi (1991); Azərbaycan Yazıçılar Birliyi (1993); “Söz” ədəbi-publisistik jurnalının redaksiya heyəti (2015).

Kitabları[redaktə | əsas redaktə]

1. “Qaşla göz arasında” (şeirlər). /Bakı, Yazıçı,1990, 80 s./; 2. “Otuz yeddini keçəndə” (şeirlər). /Bakı, Təbriz, 1997, 104 s./; 3. “Ürəyin baxdığı yerdən” (şeirlər). /Bakı, Adiloğlu, 2001, 108 s./; 4. “Seçilmişlər və mən” (publisistika). /Bakı, Şirvannəşr, 2000, 100 s./; 5. “İlkim də sən, indim də sən, sonum sən” (şeirlər). /Bakı, Nurlan, 2018, 200 s./.

Tərcümələri[redaktə | əsas redaktə]

Orijinaldan alman şairləri Y.V.Hötenin, H.Haynenin, H. Fallerslebenin şeirlərini, rus dilindən fransız filosofu və psixoloqu G.fon le Bonun “Kütlə psixologiyası”, Çin filosofu U-Tszinin “Qədim Çinin yeddi hərb qanunu”, Heydər Hüseynovun “XIX əsr Azərbaycan ictimai və fəlsəfi fikir tarixindən”, detektiv yazıçı Ç.Abdullayevin “Müqəddəs olmaq istəyi” əsərlərini və türkcədən Türkiyə yazarı Z.Makasın “Mismarlı dolab”, “Orxan həkim”, “Muradı gözündə qalanlar” adlı hekayələrini tərcümə edib.

Haqqında[redaktə | əsas redaktə]

“Zaman üstü söz demək istəyi” (məqalələr toplusu). /Bakı, Zəkioğlu, 2016, 100 s./.

Elmi məqalələri (işlənir)[redaktə | əsas redaktə]

Xarici keçidlər[redaktə | əsas redaktə]

İlkim də sən, indim də sən, sonum sən

Həmçinin bax[redaktə | əsas redaktə]